దేశీయ స్టాక్ మార్కెట్లకు నష్టాల పరంపర కొనసాగుతోంది. అంతర్జాతీయ మార్కెట్ల ప్రతికూల ప్రభావం మన మార్కెట్ల పైనా పడింది. కీలక రంగాల్లో షేర్లలో అమ్మకాలు సూచీలను కట్టడి చేశాయి. బాంబే స్టాక్ ఎక్స్ చేంజ్ సూచీ సెన్సెక్స్ 96 పాయింట్లు నష్టపోయి 72,989 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 36 పాయింట్ల నష్టంతో 22,085 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.28గా కొనసాగుతోంది. టీసీఎస్, ఎస్.బీ.ఐ, జొమాటో, పవర్ గ్రిడ్ కార్పొరేషన్, అదానీ పోర్ట్స్ షేర్లు లాభాలతో ముగిశాయి.
