నేటి ట్రేడింగ్ లో దేశీయ స్టాక్ మార్కెట్లు ఫ్లాట్ గా ముగిశాయి. ఉదయం భారీ లాభాలతో ప్రారంభమైన మార్కెట్లు అనంతరం నష్టాల్లోకి జారుకున్నాయి. చివరికి స్వల్ప లాభాలతో సరిపెట్టుకున్నాయి. బాంబే స్టాక్ ఎక్స్ చేంజ్ సూచీ సెన్సెక్స్ 32 పాయింట్లు లాభంతో 78,017 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 10 పాయింట్లు లాభపడి 23,668 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.73గా కొనసాగుతోంది. సెన్సెక్స్ 30లో ఇన్ఫోసిస్, అల్ట్రా టెక్ సిమెంట్స్, యాక్సిస్ బ్యాంకు, బజాజ్ ఫిన్ సర్వ్, హెచ్.డి.ఎఫ్.సి బ్యాంక్ షేర్లు లాభాలతో ముగిశాయి.
