దేశీయ స్టాక్ మార్కెట్లు నేటి ట్రేడింగ్ లో లాభాలతో ముగిశాయి. ఫారెన్ ఇన్వెస్టర్లు కొనుగోళ్లకు మొగ్గు చూపడం, అంతర్జాతీయ సానుకూల సంకేతాలతో సూచీలు లాభాలను ఆర్జించాయి. బాంబే స్టాక్ ఎక్స్ చేంజ్ సూచీ సెన్సెక్స్ 294 పాయింట్లు లాభపడి 80,796 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 114 పాయింట్ల లాభంతో 24,461 వద్ద స్థిరపడింది. డాలర్ తో రూపాయి మారకం విలువ రూ.84.28గా కొనసాగుతోంది. సెన్సెక్స్ 30లో బజాజ్ ఫిన్ సర్వ్, అదానీ పోర్ట్స్, మహీంద్రా అండ్ మహీంద్రా, ఎటర్నల్, పవర్ గ్రిడ్ కార్పొరేషన్ తదితర షేర్లు లాభాలతో ముగిశాయి.
