దేశీయ స్టాక్ మార్కెట్లు నేటి ట్రేడింగ్ లో నష్టాలు చూశాయి. ఎఫ్‌ఎంసీజీ షేర్లలో అమ్మకాల ఒత్తిడి కారణంగా సూచీలు జోరు తగ్గింది. కొన్ని షేర్లు మద్దతుగా నిలిచాయి. ఇక బాంబే స్టాక్ ఎక్స్ చేంజ్ సూచీ సెన్సెక్స్ 200 పాయింట్ల నష్టంతో 81,508 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ సైతం 58 పాయింట్ల నష్టంతో 24,619 వద్ద ముగిసింది. డాలరుతో రూపాయి మారకం విలువ 84.74గా ఉంది. టాటా స్టీల్, జే.ఎస్.డబ్ల్యూ స్టీల్స్, అదానీ పోర్ట్స్, హెచ్.డి.ఎఫ్.సీ షేర్లు ప్రధానంగా లాభపడ్డాయి.
