ఈ వారాంతాన్ని దేశీయ స్టాక్ మార్కెట్ సూచీలు భారీ నష్టాలతో ముగించాయి. దీంతో వరుసగా ఐదురోజుల పాటు నష్టాలతోనే ట్రేడింగ్ ముగించినట్లయింది. అంతర్జాతీయ మార్కెట్ల ప్రతికూల సంకేతాలు అమ్మకాల ఒత్తిడి కారణంగా సూచీలు భారీగా పతనమయ్యాయి. ఈవారంలో దాదాపుగా సెన్సెక్స్ 4 వేల పాయింట్ల వరకు నష్టపోయింది. ఇన్వెస్టర్ల సంపదగా భావించే బీ.ఎస్.ఈ లో నమోదిత కంపెనీల మొత్తం విలువ రూ.9 లక్షల కోట్లు ఆవిరైంది.
బాంబే స్టాక్ ఎక్స్ చేంజ్ సూచీ సెన్సెక్స్ 1176 పాయింట్ల నష్టంతో 78,041 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ సైతం 364 పాయింట్ల నష్టంతో 23,587 వద్ద ముగిసింది. డాలరుతో రూపాయి మారకం విలువ 85.15గా కొనసాగుతోంది. నెస్లే ఇండియా, టైటాన్ షేర్లు లాభాల్లో ముగిశాయి.
