జీబీఎస్ పై సమీక్ష నిర్వహించిన ఏపీ సీఎం చంద్రబాబు

ఆంధ్రప్రదేశ్ లో గులియన్ బారే సిండ్రోమ్ (జీబీఎస్) కేసులు అధికంగా నమోదు అవుతున్నాయి.ఈ మేరకు గుంటూరులోని జీజీహెచ్ లో ఓ మహిళ మృతి చెందింది.అయితే అధికారిక లెక్కల ప్రకారం ఏపీలో ఇప్పటి వరకు 17 కేసులు నమోదయ్యాయని సమాచారం.ఇది అంటువ్యాధి కాదని వైద్య నిపుణులు చెబుతున్నా… ప్రజల్లో మాత్రం ఆందోళన తగ్గడం లేదు.ఈ నేపథ్యంలో జీబీఎస్ పై సీఎం చంద్రబాబు సమీక్ష నిర్వహించారు.

ఈ క్రమంలో ఆయన బీజీఎస్ కేసులు, వ్యాధి లక్షణాలపై అధికారులతో చర్చించారు. వ్యాధి కట్టడికి తగిన చర్యలు తీసుకోవాలని ఈ సందర్భంగా ముఖ్యమంత్రి అధికారులను ఆదేశించారు.వ్యాధి నిర్ధారణ పరీక్షలపై దృష్టి సారించాలని…ఆసుపత్రుల్లో మెరుగైన సౌకర్యాలను కల్పించాలని కోరారు.ఇంజెక్షన్లను అందుబాటులో ఉంచాలని ఆదేశించారు. జీబీఎస్ పై ప్రజల్లో అవగాహన కల్పించాలని సూచించారు.ఈ సమీక్షలో రాష్ట్ర ఆరోగ్య మంత్రి సత్యకుమార్ యాదవ్, ఆరోగ్యశాఖ కార్యదర్శి కృష్ణబాబు, ఆరోగ్యశాఖ్య సీనియర్ అధికారులు పాల్గొన్నారు.

Hon'ble CM Shri @ncbn Garu held a review meeting on Guillain-Barre Syndrome (GBS) today. The meeting was attended by Hon'ble Minister of Health, Family Welfare and Medical Education, Shri Satya Kumar Yadav Garu and senior Health Department officials.#AndhraPradesh pic.twitter.com/lVmVlFxXqM

— CMO Andhra Pradesh (@AndhraPradeshCM) February 17, 2025