ఆంధ్రప్రదేశ్ లో ఈరోజు తీవ్ర వడగాల్పుల ప్రభావం ఉండనుంది రాష్ట్ర విపత్తు నిర్వహణ శాఖ హెచ్చరించింది. ప్రజల మొబైల్ ఫోన్ లకు అత్యాధునిక టెక్నాలజీ ద్వారా ఈమేరకు ఎలర్ట్ మెసేజ్ లు పంపుతోంది. ప్రజలు సాధ్యమైనంత వరకు ఎండకు దూరంగా ఉండాలని అందులో పేర్కొన్నారు. ఎండలో బయటకు వెళ్లాల్సిన అవసరం వస్తే తగు జాగ్రత్తలు తీసుకోవాలని సూచించారు. నీరు, మజ్జిగ , నిమ్మ రసం , ఇతర పండ్ల రసాలు, శరీరంలో నీటి శాతం ఎక్కువగా ఉండే విధంగా ద్రవ పదార్థాలు ఎక్కువగా తీసుకోవడం మంచిదని నిపుణులు సూచిస్తున్నారు.
