దేశ రక్షణలో శ్రీ సత్యసాయి జిల్లా, , గోరంట్ల మండలానికి చెందిన మురళి నాయక్ అనే సైనికుడు ప్రాణాలు కోల్పోయారు. ప్రస్తుతం భారత్ పాకిస్థాన్ దేశాల మధ్య ఉద్రిక్తకర పరిస్థితులు నెలకొన్న నేపథ్యంలో దేశ రక్షణలో తన కర్తవ్యంలో ఉండగా ఆయన మరణించడం పట్ల దేశవ్యాప్తంగా అందరూ ఆయన త్యాగాన్ని కొనియాడుతున్నారు. ఏపీ సీఎం చంద్రబాబు ఆయన మృతి పట్ల సంతాపం వ్యక్తం చేశారు. మురళి నాయక్ ను కోల్పోవడం విషాదకరం. దేశం కోసం ప్రాణాలర్పించిన అమరవీరుడు మురళి నాయక్ కు నివాళులు. ఆయన కుటుంబ సభ్యులకు ప్రగాఢ సానుభూతిని తెలియజేస్తూ సోషల్ మీడియా లో పోస్ట్ చేశారు.
