మహిళలకు ఉచిత బస్ ప్రయాణ పథకం అమలు తేదీ ఖరారైంది. ఆగష్టు 15 నుండి దీన్ని అమలు చేయనున్నట్లు ముఖ్యమంత్రి చంద్రబాబు తాజాగా ప్రకటించారు. ఈ పథకం వల్ల ప్రభుత్వంపై సంవత్సరానికి రూ.3,182 కోట్ల మేర భారం పడనుందని అంచనా వేస్తున్నారు. ఇప్పటిదాకా అదిగో ఇదిగో అంటూ ఆలస్యమవుతూ వచ్చిన ఈ అంశం తాజాగా స్వయంగా సీఎం చంద్రబాబు ప్రకటనతో ముహూర్తం ఖరారైంది. తాజాగా కర్నూలులో పర్యటించిన సీఎం చంద్రబాబు.. ఆగష్టు 15వ తేదీ నుండి.. రాష్ట్రంలో మహిళలకు ఉచిత బస్సు ప్రయాణాన్ని అందించనున్నట్లు తెలిపారు. దీంతో రాష్ట్రవ్యాప్తంగా మహిళల నుండి హర్షాతిరేకాలు వ్యక్తం అవుతున్నాయి.
