నైరుతి బంగాళాఖాతంలో ఏర్పడిన తీవ్ర వాయుగుండం తుఫానుగా మారింది. దీనికి ‘ఫెంజల్’ గా పేరుపెట్టారు. ఈ తుఫాను కారణంగా ఏపీలోని కొన్ని ప్రాంతాల్లో భారీ నుండి అతి భారీ వర్షాలు కురిసే అవకాశం ఉందన్న నేపథ్యంలో ఏపీ సీఎం చంద్రబాబు తుఫాను పరిస్థితిపై సమీక్ష నిర్వహించారు. కలెక్టర్లు, విపత్తు నిర్వహణ శాఖ, రియల్ టైం గవర్నెన్స్, సీఎంఓ అధికారులతో మాట్లాడారు. ప్రభుత్వ యంత్రాంగం ఎప్పటికప్పుడు అన్ని స్థాయిల్లో అప్రమత్తంగా ఉండాలని తగిన చర్యలు తీసుకోవాలని ఆదేశించారు.
