ఆంధ్రప్రదేశ్ రాష్ట్ర ప్రభుత్వం పల్నాడు జిల్లాలో సరస్వతీ పవర్ ఇండస్ట్రీలోని అసైన్డ్ భూములను వెనక్కి తీసుకుంటూ కీలక నిర్ణయం తీసుకుంది. ఈమేరకు తహాసీల్దార్ ఉత్తర్వులు జారీ చేశారు. మొత్తంగా 17.69 ఎకరాల భూమిని స్వాధీనం చేసుకుంది. మాచవరం మండలం వేమవరంలో 13.80 ఎకరాలు, పిన్నెల్లి లో 3.89 ఎకరాలు తీసుకుంది. డిప్యూటీ సీఎం పవన్ ఆదేశాలతో మాచవరానికి చెందిన సరస్వతి పవర్ భూముల పరిశీలన చేసి రెవెన్యూ అధికారుల నివేదిక అనంతరం కూటమి ప్రభుత్వం తాజాగా ఈ నిర్ణయం తీసుకుంది. సరస్వతి పవర్ భూములను స్వయంగా డిప్యూటీ సీఎం పవన్ పరిశీలించిన భూసేకరణపై సమగ్ర విచారణకు ఆదేశించిన సంగతి తెలిసిందే.
