శంకర్‌ దర్శకత్వంలో రామ్‌ చరణ్‌ హీరోగా నటించిన చిత్రం ‘గేమ్‌ ఛేంజర్‌’. పొలిటికల్‌ యాక్షన్‌ థ్రిల్లర్‌గా ప్రేక్షకుల ముందుకు వచ్చిన ఈ సినిమాలో రామ్‌ చరణ్‌ రెండు పాత్రల్లో నటించారు. ఆయన పోషించిన అప్పన్న పాత్ర ప్రేక్షకులను విశేషంగా ఆకట్టుకుంది. కియారా అడ్వాణీ కథానాయిక. భారీ అంచనాల మధ్య విడుదలైన ఈ చిత్రం తొలిరోజు రూ.186 కోట్లు రాబట్టినట్లు నిర్మాణ సంస్థ వెల్లడించింది. ఇక ప్రముఖ టికెట్‌ బుకింగ్‌ ప్లాట్‌ఫామ్‌ బుక్‌ మై షోలో ‘గేమ్‌ ఛేంజర్‌’కు తొలిరోజు 1.3 మిలియన్లకు పైగా టికెట్స్‌ అమ్ముడైనట్లు సంస్థ వెల్లడించింది.
