యూఎస్ నుండి వచ్చిన అక్రమ వలసదారుల్లో ఇంటర్‌పోల్‌ వాంటెడ్‌ నేరస్తుడు…!

అమెరికాలో అక్రమంగా ప్రవేశించిన వలసదారుల్లో 104 మంది భారతీయులను ఇటీవల ప్రత్యేక విమానంలో భారత్‌కు పంపించారు.కాగా ఈ వలసదారుల్లో ఒకరి పేరు ఇంటర్‌పోల్‌ నేరగాళ్ల లిస్ట్ లో ఉన్నట్లు తెలుస్తుంది.అయితే దీనిపై జాతీయ మీడియాలో వార్తలు వినిపిస్తున్నాయి.ఈ అంశంపై స్థానిక దర్యాప్తు సంస్థలు విచారణ ప్రారంభించినట్లు సమాచారం.అమెరికా నుండి 104 మంది అక్రమ వలసదారులతో బయల్దేరిన సీ-17 విమానం బుధవారం మధ్యాహ్నం పంజాబ్‌లోని అమృత్‌సర్ ఎయిర్‌పోర్టులో ల్యాండ్ అయింది.విమానం చేరుకున్న వెంటనే అధికారులు వలసదారుల పత్రాలను క్షుణ్ణంగా పరిశీలించారు.ఎటువంటి నేర చరిత్ర లేని వారిని అవసరమైన తనిఖీల అనంతరం వారి స్వస్థలాలకు పంపించారు.