ఢిల్లీ మాజీ సీఎం అర్వింద్ కేజ్రివాల్, మాజీ డిప్యూటీ సీఎం మనీశ్ సిసోడియా లకు ఢిల్లీ ప్రజలు షాక్ ఇచ్చారు.అసెంబ్లీ ఎన్నికల్లో ఇద్దరు సీనియర్ నేతలను ఢిల్లీ ప్రజలు ఘోరంగా ఓడించారు.కాగా మాజీ మంత్రి సత్యేంద్ర జైన్ కూడా పరాజయాన్ని మూటగట్టుకున్నారు. అయితే చివరి రౌండ్ వరకు ఓటమి అంచుల్లో ఉన్నఢిల్లీ ఆపద్ధర్మ సీఎం అతిషి అనూహ్యంగా విజయం సాధించారు.కల్కాజీ నియోజకవర్గం నుండి పోటీపడిన ఆమె బీజేపీ అభ్యర్థి, తన సమీప ప్రత్యర్థి రమేష్ బిధూరీపై ఆమె విజయం సాధించారు.ఎన్నికల ప్రచారంలో భాగంగా రమేశ్ బిధూరీ సీఎం అతిషిపై వివాదాస్పద వ్యాఖ్యలు చేశారు.ఆ వ్యాఖ్యలు అతిషికి మేలు చేసినట్లు వార్తలు వినిపిస్తున్నాయి.
