తెలంగాణ సీఎం రేవంత్ రెడ్డి , కాంగ్రెస్ అగ్రనేత రాహుల్ గాంధీతో భేటీ అయ్యారు.ఈ మేరకు ఢిల్లీలోని 10-జన్‌పథ్‌లో పార్టీ అగ్రనేతను సీఎం రేవంత్ రెడ్డి కలిశారు.ఇటీవల తెలంగాణలో రాజకీయ పరిస్థితులపై వారి మధ్య చర్చ జరిగిందని తెలుస్తుందితెలంగాణలో నిర్వహించిన కుల గణనకు సంబంధిచిన విషయం కూడా వారి మధ్య చర్చకు వచ్చిందని సమాచారం.కుల గణన,ఎస్సీ వర్గీకరణకు అనుకూలంగా తీసుకున్న నిర్ణయాలు, తదనంతర పరిణామాలపై చర్చించారు.అయితే పీసీసీ కార్యవర్గ కూర్పుపై కూడా రాహుల్ గాంధీతో చర్చించారని తెలుస్తుంది.కాగా త్వరలో సూర్యాపేట,గద్వాలలో బహిరంగ సభలను నిర్వహిస్తున్నామని రాహుల్ గాంధీ దృష్టికి తీసుకువెళ్లారు.ఈ క్రమంలోనే సీఎం రేవంత్ రెడ్డి సూర్యాపేట సభకు రాహుల్ గాంధీని ఆహ్వానించారు.
