భారత ప్రధాన మంత్రి నరేంద్ర మోడీ మారిషస్ లో పర్యటిస్తున్నారు. కాగా , ఆ దేశ అధ్యక్షుడు ధరమ్ గోకుల్‌ కు మహా కుంభమేళా నుండి తీసుకువెళ్లిన పవిత్ర జలాన్ని అందించారు. ఈ పర్యటనలో భాగంగా ఆయనతో భేటీ అయ్యారు. ఈ సందర్భంగా పవిత్ర జలంతో పాటు పలు బహుమతులను అందించారు. అనంతరం మారిషస్ అధ్యక్షుడు ఇచ్చిన విందులో పాల్గొన్నారు. దానికి ముందు మారిషస్ ప్రధాని నవీన్ రామ్ గోలంతో నరేంద్ర మోడీ సమావేశమయ్యారు. ఆ దేశ జాతిపిత సీవోసాగర్ రామ్ గోలం పేరు మీద ఏర్పాటు చేసిన బొటానికల్ గార్డెన్‌ ను సందర్శించారు. ఇరువురు ప్రధానులు గార్డెన్‌ లో మొక్కలు నాటారు. అమ్మ పేరిట మొక్క నాటినట్లు నరేంద్ర మోడీ సోషల్ మీడియా ‘ఎక్స్’ లో తెలిపారు.
