భారతీయ జాలర్ల సమస్యలపై కేంద్ర విదేశాంగ శాఖకు ఏపీ డిప్యూటీ సీఎం పవన్ కళ్యాణ్ విన్నపం

ఇటీవల బంగాళాఖాతంలో జరిగిన ఐదు వేర్వేరు సంఘటనలలో తమిళనాడుకు చెందిన 24 మంది భారతీయ జాలర్లు ఎదురుకున్న సంఘటనలు తీవ్ర ఆందోళన కలిగిస్తున్నాయని ఏపీ డిప్యూటీ సీఎం పవన్ కళ్యాణ్ అన్నారు. భారతదేశం మరియు శ్రీలంక ప్రభుత్వాలు పరస్పర సహకార స్ఫూర్తితో ఈ సమస్యలను పరిష్కరించడానికి నిర్మాణాత్మక మరియు నిరంతర సంభాషణలో పాల్గొనడం అత్యవసరమని సూచించారు. ఈ మేరకు సోషల్ మీడియా ‘ఎక్స్’ వేదికగా పేర్కొన్నారు. కేంద్ర విదేశాంగ శాఖకు తన పోస్ట్ ట్యాగ్ చేశారు. నాగపట్నం జిల్లాకు చెందిన ఈ జాలర్లు సముద్రంలో జరిగిన ఘర్షణల కారణంగా ఇబ్బందులు ఎదుర్కొన్నారని, గాయపడ్డారని తెలుసుకోవడం బాధాకరం, ఇది వారి జీవనోపాధిని కూడా ప్రభావితం చేసిందని తెలుస్తోందని ఆవేదన వ్యక్తం చేశారు. భారతదేశం మరియు శ్రీలంక మధ్య దీర్ఘకాలంగా కొనసాగుతున్న స్నేహపూర్వక సంబంధాల దృష్ట్యా, పునరావృతమయ్యే ఈ సంఘటనలను గమనించి, ఈ పరిస్థితులను స్నేహపూర్వకంగా పరిష్కరించాలని విదేశాంగ మంత్రిత్వ శాఖను కోరారు.