పలు రాష్ట్రాల సీఎంలతో కేంద్ర హోంశాఖ మంత్రి అమిత్ షా అత్యవసర సమీక్ష

పాకిస్థాన్ ఉగ్రవాద స్థావరాలపై ఈరోజు భారత బలగాలు ‘ఆపరేషన్ సిందూర్’ తో విరుచుకుపడి పదుల సంఖ్యలో ఉగ్రవాదులను అంతమొందించిన సంగతి తెలిసిందే.పహాల్గాం దాడికి ప్రతిచర్యగా పాకిస్థాన్ ను దెబ్బకు దెబ్బతీసిన భారత్ తదుపరి చర్యలపై దృష్టి కేంద్రీకరించింది. ఈ క్రమంలో కేంద్ర హోంశాఖ మంత్రి అమిత్ షా దేశ రాజధాని ఢిల్లీలో అత్యవసర సమీక్ష నిర్వహించారు. పాక్, నేపాల్ సరిహద్దు రాష్ట్రాల సీఎం లు, సీఎస్ లు, డీజీపీలతో వీడియో కాన్ఫరెన్స్ ద్వారా సమావేశమయ్యారు. ఈ సమీక్ష సమావేశానికి జమ్ముకశ్మీర్, పంజాబ్, రాజస్థాన్, ఉత్తరాఖండ్, గుజరాత్, ఉత్తరప్రదేశ్, బీహార్, పశ్చిమ బెంగాల్, సిక్కిం రాష్ట్రాల సీఎంలు హాజరయ్యారు. లఢఖ్ లెఫ్టినెంట్ గవర్నర్ కూడా ఈ సమీక్షలో పాల్గొన్నారు. రేపు దేశ రాజధాని ఢిల్లీలో ఉదయం 11 గంటలకు అఖిలపక్ష భేటీ జరగనుంది.