ఎన్‌సీసీ డే పురస్కరించుకొని మన్‌ కీ బాత్‌లో ప్రధాని నరేంద్ర మోదీ మాట్లాడారు.తాను క్యాడెట్‌గా ఉన్న రోజులను గుర్తుచేసుకున్నారు.‘‘ఇది ఎంతో ప్రత్యేకమైన రోజు. ఎన్‌సీసీ పేరు వినగానే మనందరికీ మన కాలేజీ,అలనాటి జ్ఞాపకాలు గుర్తువస్తాయి.నేను కూడా ఎన్‌సీసీ క్యాడెట్‌నే. ఆ సమయంలో నేను పొందిన అనుభవం నాకెంతో అమూల్యమైంది.పూర్తి విశ్వాసంతో ఈ మాట మీకు చెబుతున్నాను.యువతలో క్రమశిక్షణ, సేవా గుణాన్ని, నాయకత్వ లక్షణాలను మరింత పెంపొందించడంలో దీని పాత్ర కీలకం’’ అని తెలిపారు.
