పార్లమెంట్ శీతాకాల సమావేశాలు 9వ రోజు ప్రారంభమయ్యాయి.రాజ్యసభ సమావేశాలు ప్రారంభమయ్యాక చైర్మన్ జగ్‌దీప్ ధన్‌ఖడ్ ఆసక్తికరమైన ప్రకటన చేశారు.కాంగ్రెస్ ఎంపీ అభిషేక్ మను సింఘ్వీకి కేటాయించిన సీటులో నగదు గుర్తించామని తెలిపారు.500 రూపాయిల కరెన్సీ నోట్లు దొరికాయని తెలిపారు.పార్లమెంట్ భద్రతా అధికారులు ఈ నగదును స్వాధీనం చేసుకున్నారని పేర్కొన్నారు.నిన్న సభ వాయిదా పడిన తర్వాత సాధారణ తనిఖీ చేస్తున్న సమయంలో నగదు పట్టుబడిందని,ప్రస్తుతం అభిషేక్ సింఘ్వీకి కేటాయించిన సీటు నంబర్ 222 నుండి కరెన్సీ నోట్లను భద్రతా అధికారులు స్వాధీనం చేసుకున్నారని వెల్లడించారు.
ఈ విషయం తన దృష్టికి రావడంతో విచారణ జరుగుతుందని,ఈ మేరకు ఆదేశించానని ధన్‌ఖడ్ చెప్పారు.ధన్‌ఖడ్ చేసిన ఈ ప్రకటనపై విపక్ష కాంగ్రెస్ ఎంపీలు ఒక్కసారిగా భగ్గుమన్నారు.నిరసనలకు దిగారు.విచారణ జరపకుండానే ఇలా పేరు ప్రకటించడం ఏమిటిని మండిపడ్డారు.గౌరవ సభా చైర్మన్ స్థానంలో కూర్చొని ఈ విధంగా ఎలా ప్రకటిస్తారని కాంగ్రెస్ అధ్యక్షుడు,రాజ్యసభ ఎంపీ మల్లికార్జున ఖర్గే ప్రశ్నించారు.