ఈ ఏడాదికి గాను ప్ర‌పంచంలోనే అత్యుత్తమ 100 న‌గ‌రాల జాబితాను యూరోమానిటర్ సంస్థ తాజాగా విడుద‌ల చేసింది.డేటా కంపెనీ లైట్‌హౌస్ భాగస్వామ్యంతో యూరోమానిటర్ ఇంటర్నేషనల్ ఈ వార్షిక నివేదిక‌ను తయారు చేసింది.ఈ జాబితాలో భారత్ నుండి కేవ‌లం న్యూఢిల్లీ మాత్ర‌మే స్థానం ద‌క్కించుకుంది.ఈ జాబితాలో ఢిల్లీకి 74వ స్థానంలో నిలిచింది.
కాగా వ‌రుస‌గా 4వ ఏడాది కూడా పారిస్ న‌గ‌రం అగ్ర‌స్థానాన్ని ద‌క్కించుకోవ‌డం విశేషం.రెండో స్థానంలో మాడ్రిడ్ నిలవగా…3వ ర్యాంకులో జ‌పాన్ రాజ‌ధాని టోక్యో నిలిచింది.టోక్యో తర్వాత మిగిలిన టాప్-10 నగరాలలో రోమ్,మిలన్,న్యూయార్క్,ఆమ్‌స్టర్‌డామ్, సిడ్నీ,సింగపూర్,బార్సిలోనా ఉన్నాయి.