జపాన్ విద్యా విధానాల‌కు ప్ర‌పంచ‌వ్యాప్తంగా విశేష గుర్తింపు ఉన్న విష‌యం తెలిసిందే.ప్ర‌ముఖులు సైతం దీనిని ప్ర‌శంసిస్తుంటారు.ఈనేప‌థ్యంలోనే జపాన్కు చెందిన ఒక కంపెనీ సరికొత్త ఆలోచ‌న‌తో ముందుకు వ‌చ్చింది.జపాన్కు వచ్చే విదేశీ పర్యటకులను ఆకట్టుకునేందుకు ఉండోకయ (Undokaiya) అనే సంస్థ సరికొత్త పథకాన్ని రూపొందించింది. తమ దేశానికి వచ్చే విదేశీ పర్యటకులు రూ.17వేలు చెల్లిస్తే…వారికి ఒక రోజంతా అక్కడి మాధ్యమిక పాఠశాల విద్యార్థి పొందే అనుభవాలను కల్పిస్తామని ప్రకటించింది.ఇందులో పాల్గొనాలనుకునే వారికి వయసుతో సంబంధం లేదని చెప్పింది.ఏ వయసు వారైనా విద్యార్థి జీవితాన్ని ఆస్వాదించవచ్చని వెల్ల‌డించింది.ప్రతిరోజూ 30 మందికి మాత్రమే ఈ అవకాశం లభిస్తుందని చెప్పింది.
