ఆంధ్రప్రదేశ్ తెలంగాణ రాష్ట్రాల విభజన అంశాలకు సంబంధించి కేంద్ర హోం శాఖ కార్యాలయంలో కీలక సమావేశం జరిగింది. హోం శాఖ కార్యదర్శి ఆధ్వర్యంలో జరిగిన ఈ సమావేశంలో రెండు రాష్ట్రాలకు చెందిన చీఫ్ సెక్రటరీలు, ఇతర అధికారులు పాల్గొన్నారు. ఏపీ తెలంగాణ మధ్య ఇంకా అపరిష్కృతంగా ఉన్న ప్రధాన అంశాలపై చర్చిస్తున్నారు. విభజన చట్టం ప్రకారం కేంద్ర ప్రభుత్వం నుండి రావాల్సిన నిధులపైనా ఈ సమావేశంలో చర్చించే అవకాశం ఉన్నట్లు తెలుస్తోంది.
