ఆంధ్రప్రదేశ్ ఎమ్మెల్యే కోటా ఎమ్మెల్సీ ఎన్నికలకు సంబంధించి భారతీయ జనతా పార్టీ నుండి మాజీ ఎమ్మెల్సీ, సీనియర్ నేత సోము వీర్రాజు పేరు ఖరారైంది. ఖాళీగా ఉన్న 5 ఎమ్మెల్సీ స్థానాలకు గాను 3 టీడీపీ, జనసేన 1, బీజేపీ 1 స్థానం కూటమి నుండి కేటాయించారు. జనసేన నుండి కొణిదెల నాగబాబు, టీడీపీ నుండి బీద రవిచంద్ర యాదవ్, బీటీ నాయుడు, కావాలి గ్రీష్మల పేర్లు ఖరారయ్యాయి. ఇక ఇప్పటికే నాగబాబు నామినేషన్ దాఖలు చేయగా.. మిగిలిన వారు నామినేషన్ దాఖలుకు నేడు చివరిరోజు కావడంతో నేడు దాఖలు చేయనున్నారు. ఎమ్మెల్యేల సంఖ్యాబలాలు బట్టి కూటమి అన్ని స్థానాలు కైవసం చేసుకోవడం ఖరారుగా కనిపిస్తుంది.
