దేశీయ స్టాక్ మార్కెట్లు ఈ వారాన్ని భారీ లాభాలతో ఘనంగా ఆరంభించాయి. ముఖ్యంగా బ్యాంకింగ్ షేర్లు లాభాలతో సూచీల జోరును మరింత పెంచేశాయి. ఇన్వెస్టర్ల సంపదగా భావించే సెన్సెక్స్ లో నమోదిత కంపెనీల మార్కెట్ విలువ రూ.5 లక్షల కోట్ల మేర పెరిగి రూ.418లక్షల కోట్లకు చేరింది. నేషనల్ స్టాక్ ఎక్స్ చేంజ్ నిఫ్టీ మిడ్, స్మాల్ క్యాప్ సూచీలు కూడా 1% లాభాపడ్డాయి. ఇక నేటి ట్రేడింగ్ లో బాంబే స్టాక్ ఎక్స్ చేంజ్ సూచీ సెన్సెక్స్ 1078 పాయింట్లు లాభంతో 77,984 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 307 పాయింట్లు లాభపడి 23,658 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.61గా కొనసాగుతోంది. టెక్ మహీంద్రా, ఎన్టీపీసీ, కోటక్ మహీంద్రా, ఎస్.బీ.ఐ, పవర్ గ్రిడ్ కార్పొరేషన్ షేర్లు ప్రధానంగా లాభపడ్డాయి.
