ఆంధ్రప్రదేశ్ కు కేంద్రం శుభవార్త అందించింది. కేంద్ర ప్రభుత్వం ఆంధ్రప్రదేశ్ కు 15వ ఆర్థిక సంఘం నిధుల‌ను విడుద‌ల చేసింది. ఈ మేరకు 2024-25 ఆర్థిక సంవత్స‌రానికి సంబంధించిన నిధుల‌ను విడుద‌ల చేస్తూ ఉత్త‌ర్వులు జారీ చేసింది. దీంతో రాష్ట్ర ప్ర‌భుత్వ ఖ‌జానాలో రూ. 1121.20 కోట్ల నిధులు జ‌మ‌య్యాయి. ఇందులో గ్రామ పంచాయ‌తీల‌కు 70 % మండ‌ల ప‌రిష‌త్‌ల‌కు 20 %, జిల్లా ప‌రిష‌త్‌ల‌కు 10 % చొప్పున నిధుల‌ను కేటాయించ‌నున్నారు. జ‌నాభా ప్రాతిప‌దిక‌న ఆయా గ్రామ పంచాయ‌తీల బ్యాంక్ ఖాతాల‌కు ఆర్థిక శాఖ అనుమ‌తితో పంచాయ‌తీ రాజ్ శాఖ నిధుల‌ను జ‌మ చేయ‌నుంది.
