బ్యాంకాక్, మయన్మార్‌లలో భారీ భూకంపం సంభవించింది. రిక్టర్‌స్కేల్‌పై బ్యాంకాక్‌లో భూకంప తీవ్రత 7.3గా నమోదైంది. భూకంపం ధాటికి పెద్ద పెద్ద భవనాలు ఆగిపోయాయి. మయన్మార్‌లో భూకంప కేంద్రం ఉన్నట్లు జర్మనీ సంస్థ గుర్తించింది. మయన్మార్‌లో భూకంప తీవ్రత 7.7గా నమోదైంది. జనం భయంతో పరుగులు పెడుతూ బయటకు పరిగెత్తారు .పలు అంతస్భతుల భవనాలు కుప్పకూలడంతో ఎంతోమంది అందులో ఉండిపోయారు. భారీగా ఆస్తినష్టం జరిగింది. పలువురు భవనాలలో చిక్కుకుపోయి బంతితో ప్రాణనష్టం కూడా ఎక్కువగానే ఉండే అవకాశం ఉంది.
Author: admin
అమెరికా అధ్యక్షుడు డొనాల్డ్‌ ట్రంప్‌ తీసుకున్న తాజా నిర్ణయం కెనడాతో వాణిజ్య సంబంధాల్లో తీవ్ర ఒడిదుడుకులను తీసుకొచ్చింది. అమెరికాలోకి దిగుమతయ్యే వాహనాలపై 25% టారిఫ్‌ విధించినట్లు ట్రంప్‌ ప్రకటించారు. ఈ చర్య కెనడా ఆటోమొబైల్‌ పరిశ్రమపై తీవ్ర ప్రభావాన్ని చూపనుంది.దాదాపు 5 లక్షల ఉద్యోగాలు ప్రమాదంలో పడే అవకాశం ఉన్నట్లు నిపుణులు అంచనా వేస్తున్నారు. కెనడా ప్రధాని ఘాటుగా స్పందన ట్రంప్‌ నిర్ణయంపై కెనడా ప్రధాని మార్క్ కార్నీ తీవ్ర అసంతృప్తి వ్యక్తం చేశారు. ‘‘ఈ చర్యతో అమెరికాతో మా పాత బంధం ముగిసింది.ఇది వాణిజ్య ఒప్పందాల ఉల్లంఘన,’’ అని వ్యాఖ్యానించారు. కార్నీ అత్యవసరంగా కేబినెట్‌ సమావేశం నిర్వహించి,ట్రంప్‌ విధించిన టారిఫ్‌లకు ప్రతీకార చర్యలు చేపట్టాలని నిర్ణయించారు. ప్రతీకార వాణిజ్య చర్యలు తథ్యం కెనడా తనదైన శైలిలో అమెరికాకు ప్రతిస్పందించేందుకు సిద్ధమవుతోంది. ‘‘అగ్రరాజ్యం విధించిన సుంకాలను తగిన ప్రతీకార చర్యలతోనే ఎదుర్కొంటాం. కెనడా కూడా అమెరికా ఉత్పత్తులపై అధిక సుంకాలను విధించనుంది,’’…
ప్రధాని నరేంద్ర మోదీ ఏప్రిల్‌ మొదటి వారంలో శ్రీలంక, థాయ్‌లాండ్‌లను సందర్శించనున్నారు. ఈ రెండు దేశాల పర్యటనలకు సంబంధించిన షెడ్యూల్‌ను విదేశాంగ శాఖ అధికారికంగా ప్రకటించింది. ఏప్రిల్‌ 3-4 తేదీల్లో ప్రధాని థాయ్‌లాండ్‌ను సందర్శించనున్నారు. థాయ్లాండ్ ప్రధాని పేటోంగ్టార్న్‌ షినవత్ర ఆహ్వానం మేరకు ఈ పర్యటన జరుగుతోంది. ఈ సందర్భంగా ఇద్దరు దేశాధినేతలు ద్వైపాక్షిక సంబంధాలపై చర్చించనున్నారు. అదనంగా, మోదీ BIMSTEC (బే ఆఫ్ బెంగాల్ ఇనీషియేటివ్‌ ఫర్‌ మల్టీసెక్టోరల్‌ టెక్నికల్‌ అండ్‌ ఎకనామిక్‌ కోఆపరేషన్‌) సమావేశంలో పాల్గొంటారు. థాయ్లాండ్ పర్యటన అనంతరం ఏప్రిల్‌ 4న మోదీ శ్రీలంక చేరుకుని ఏప్రిల్‌ 6 వరకు అక్కడే ఉంటారు. శ్రీలంక అధ్యక్షుడు అనురకుమార దిసనాయకే ఆహ్వానం మేరకు ఈ పర్యటన జరుగుతోంది. భారత్-శ్రీలంక మధ్య కీలక ఒప్పందాలపై చర్చించడంతో పాటు, వాణిజ్యం, పెట్టుబడులు, మౌలిక సదుపాయాల అభివృద్ధి వంటి అంశాలపై చర్చలు జరిపే అవకాశం ఉంది. ఈ పర్యటనలు దక్షిణాసియా ప్రాంతీయ సహకారాన్ని…
ఇక నుండి సీఏ ఫైనల్‌ పరీక్షలు సంవత్సరానికి మూడుసార్లు నిర్వహించనున్నట్లు ఇన్‌స్టిట్యూట్‌ ఆఫ్ చార్టెర్డ్‌ అకౌంటెంట్స్‌ ఆఫ్ ఇండియా (ఐసీఏఐ) ప్రకటించింది.ఇప్పటి వరకు ఈ పరీక్షలు ఏటా రెండుసార్లు మాత్రమే జరిగేవి. గతేడాది ఇంటర్మీడియట్‌,ఫౌండేషన్‌ పరీక్షల కోసం మూడుసార్లు నిర్వహించే విధానం తీసుకొచ్చిన ఐసీఏఐ, ఇప్పుడు అదే విధానాన్ని ఫైనల్‌ పరీక్షలకు కూడా విస్తరించింది.ఈ నిర్ణయం ప్రకారం, సీఏ ఫైనల్‌, ఇంటర్మీడియట్‌, ఫౌండేషన్‌ పరీక్షలు ప్రతి సంవత్సరం జనవరి, మే, సెప్టెంబర్‌ నెలల్లో జరగనున్నాయి.అలాగే, ఇన్ఫర్మేషన్‌ సిస్టమ్స్‌ ఆడిట్‌ పోస్ట్‌ క్వాలిఫికేషన్‌ కోర్సులో మార్పులు చేపడుతున్నట్లు సంస్థ ప్రకటించింది.ఇకపై ఈ కోర్సుకు సంబంధించిన అసెస్‌మెంట్‌ టెస్టు ఫిబ్రవరి, జూన్‌, అక్టోబర్‌లో మూడుసార్లు జరుగుతుంది.ఈ మార్పులతో విద్యార్థులకు మరిన్ని అవకాశాలు లభించనున్నాయి.
పశ్చిమ బెంగాల్ ముఖ్యమంత్రి మమతా బెనర్జీ యూకే పర్యటనలో విద్యార్థుల నిరసనను ఎదుర్కొన్నారు.లండన్‌లోని ఆక్స్‌ఫర్డ్‌ యూనివర్సిటీలో ‘సామాజిక అభివృద్ధి, మహిళా సాధికారత’ అంశంపై ప్రసంగిస్తున్న సమయంలో, బెంగాల్‌లో జరిగిన హింస, ఆర్జీ కార్ వైద్యురాలి హత్యాచార ఘటనపై విద్యార్థులు ప్రశ్నించారు. ప్లకార్డులు ప్రదర్శిస్తూ నిరసన వ్యక్తం చేసిన విద్యార్థులకు మమతా ధీటుగా సమాధానం ఇచ్చారు. ఇలాంటి నిరసనలతో తనను భయపెట్టలేరని, తాను “రాయల్‌ బెంగాల్ టైగర్‌” అని స్పష్టంగా చెప్పారు.మీరు చెప్పేది వినపడట్లేదని.. గట్టిగా చెప్పండి అంటూ విద్యార్థులకు సూచించారు. మీరు చెప్పేదంతా నేను వింటాను కాస్త ప్రశాంతంగా మాట్లాడండి అని చెప్పారు. విద్యార్థులు లేవనెత్తిన అంశాలను పూర్తిగా విన్న దీదీ..రాజకీయాలకు ఇది వేదిక కాదని, తాను దేశ ప్రతినిధిగా హాజరైనట్లు తెలిపారు. విద్యార్థుల నిరసన కొనసాగుతున్న వేళ, 1990లో తీవ్రంగా గాయపడి తలకు కట్టుతో ఉన్న తన ఫొటోను చూపిస్తూ, తనపై గతంలో జరిగిన దాడుల గురించి వారికి వివరించారు.…
డిజిటల్‌ మీడియా అంచనాలకుమించి అభివృద్ధి చెందుతూ, 2024లో టెలివిజన్‌ను అధిగమించి మీడియా & ఎంటర్‌టైన్‌మెంట్‌ రంగాల్లో అతిపెద్ద విభాగంగా అవతరించింది. ఫిక్కీ-ఈవై నివేదిక ప్రకారం, మొత్తం మీడియా-ఎంటర్‌టైన్‌మెంట్‌ ఆదాయంలో డిజిటల్‌ మీడియా వాటా 32 శాతంగా నమోదైంది.2026 నాటికి ఈ రంగం రూ.1 లక్ష కోట్ల మార్క్‌ను దాటుతుందని అంచనా వేస్తున్నారు.మొత్తం మీడియా & ఎంటర్‌టైన్‌మెంట్‌ పరిశ్రమ ఆదాయం 2024లో రూ.2.5 లక్షల కోట్లు ఉంటే, 2026 నాటికి అది రూ.3 లక్షల కోట్లకు చేరుకుంటుందని విశ్లేషకులు పేర్కొంటున్నారు.ఈ పెరుగుదలలో ఓటీటీ ప్లాట్‌ఫారమ్‌లు, సోషల్‌ మీడియా ప్లాట్‌ఫారమ్‌లు, డిజిటల్‌ యాడ్‌వర్టైజింగ్‌ కీలక భూమిక పోషిస్తున్నాయి.
కృత్రిమ మేధ (ఏఐ) అనేక రంగాల్లో ఉద్యోగాలను ప్రభావితం చేయనుందని భావిస్తున్న నేపథ్యంలో, కొన్ని వృత్తులు మాత్రం దీని ప్రభావాన్ని తట్టుకుంటాయని మైక్రోసాఫ్ట్ సహ వ్యవస్థాపకుడు బిల్ గేట్స్ అభిప్రాయపడ్డారు.ఆయన మాటల్లో,కోడింగ్,ఎనర్జీ మేనేజ్‌మెంట్, బయాలజీ రంగాల్లో ఏఐ ప్రభావం తక్కువగా ఉంటుందని చెప్పారు.ఏఐ సమస్యలను పరిష్కరించే సామర్థ్యాన్ని పూర్తిగా అభివృద్ధి చేసుకోలేకపోవడమే దీనికి కారణమని విశ్లేషించారు.కోడింగ్‌లో అనుకోకుండా వచ్చే సవాళ్లను ఎదుర్కొనడానికి ప్రోగ్రామర్లు అవసరం అవుతారని తెలిపారు.అలాగే,ఎనర్జీ మేనేజ్‌మెంట్‌లో ఏఐ ఇంకా మానవ నిపుణుల స్థాయిని చేరలేదని గేట్స్ చెప్పారు.బయాలజీ రంగంలో కూడా పరిశోధనల మార్గనిర్దేశనంలో మానవ జ్ఞానం కీలకంగా ఉంటుందని అన్నారు.ఏఐ అనేక పనులను తేలిక చేయగలిగినా, మానవులకు ప్రత్యామ్నాయంగా పూర్తిగా మారడం సాధ్యమయ్యేలా కనిపించడం లేదని బిల్ గేట్స్ తెలిపారు.
కర్ణాటకలో అవినీతి భరించలేనంత పెరిగిందని ఇన్ఫోసిస్ మాజీ సీఎఫ్‌వో మోహన్‌దాస్ పాయ్ తీవ్ర ఆగ్రహం వ్యక్తం చేశారు. చిన్న వ్యాపారులను లంచాల కోసం అధికారులు వేధిస్తున్నారని, ప్రభుత్వం వెంటనే చర్యలు తీసుకోవాలని ఆయన ముఖ్యమంత్రి సిద్ధరామయ్య, డిప్యూటీ సీఎం డీకే శివకుమార్‌లను కోరారు.మరోవైపు,బెంగళూరు రోడ్ల దుస్థితిపై బయోకాన్ చైర్‌పర్సన్ కిరణ్ మజుందార్ షా ట్వీట్ వైరల్ అయింది.ఈక్వెడార్‌లోని క్రిస్టోబాల్ ద్వీప రోడ్లే బెంగళూరుకు మించినవని వ్యాఖ్యానించారు.నగర మౌలిక సదుపాయాలపై ప్రభుత్వం నిర్లక్ష్యంగా ఉందని నెటిజన్లు విమర్శించారు.మైసూరు,ఇండోర్, సూరత్ వంటి నగరాలు మెరుగైన మౌలిక సదుపాయాలను కలిగి ఉన్నాయని ప్రజలు వాదిస్తున్నారు.అవినీతి,మౌలిక సమస్యలను అధిగమించి బెంగళూరును గ్లోబల్ సిటీగా అభివృద్ధి చేయాలని వ్యాపారులు, పౌరులు డిమాండ్ చేస్తున్నారు.
ప్రపంచవ్యాప్తంగా మలేరియా వ్యాధి కారణంగా వేలాది మంది ప్రాణాలు కోల్పోతున్నారు.ఈ సమస్యను ఎదుర్కొనేందుకు శాస్త్రవేత్తలు మనుషుల రక్తాన్ని దోమలకు విషంగా మార్చే విధానాన్ని పరిశోధిస్తున్నారు. ‘నిటిసినోన్’ అనే ఔషధాన్ని మనుషుల రక్తంలోకి ప్రవేశపెట్టడం ద్వారా, ఆ రక్తం దోమలకు ప్రాణాంతకంగా మారుతుందని వారు గుర్తించారు.ఈ విధానం ద్వారా, మనుషుల రక్తం తాగిన దోమలు 12 గంటలలోపు మరణించాయి.నిటిసినోన్ సాధారణంగా అరుదైన జన్యు వ్యాధుల చికిత్సలో ఉపయోగించబడుతుంది.ఈ పరిశోధన ఫలితంగా, భవిష్యత్తులో మలేరియా నియంత్రణకు కొత్త మార్గాలు సుగమం కావచ్చని శాస్త్రవేత్తలు ఆశిస్తున్నారు.
మహారాష్ట్ర ఉప ముఖ్యమంత్రి ఏక్‌నాథ్ షిండేపై స్టాండప్ కమెడియన్ కునాల్ కమ్రా చేసిన వ్యాఖ్యలు తీవ్ర వివాదాస్పదంగా మారాయి. ముంబైలోని ఖార్ ప్రాంతంలోని ది యూనికాంటినెంటల్ హోటల్‌లో జరిగిన స్టాండప్ కామెడీ షోలో, కునాల్ కమ్రా మహారాష్ట్ర రాజకీయాలపై సెటైరికల్ వ్యాఖ్యలు చేస్తూ, డిప్యూటీ సీఎం షిండేను ‘దేశద్రోహి’గా అభివర్ణించారు.ఈ వ్యాఖ్యలపై షిండే మద్దతుదారులు, శివసేన కార్యకర్తలు ఆగ్రహం వ్యక్తం చేశారు. ఖార్ పోలీస్ స్టేషన్‌లో కునాల్ కమ్రాపై ఫిర్యాదు చేయడంతో పాటు,ది యూనికాంటినెంటల్ హోటల్‌పై దాడి చేసి,ఫర్నిచర్‌ను ధ్వంసం చేశారు.మహారాష్ట్ర ముఖ్యమంత్రి దేవేంద్ర ఫడ్నవీస్ ఈ ఘటనపై స్పందిస్తూ….కామెడీ పేరుతో ఎవరికైనా కావాల్సినట్లు మాట్లాడే హక్కు లేదని, కునాల్ కమ్రా తన వ్యాఖ్యలకు క్షమాపణ చెప్పాలని డిమాండ్ చేశారు.అయితే, తాను చేసిన వ్యాఖ్యలకు క్షమాపణ చెప్పనని కునాల్ కమ్రా ఇప్పటికే స్పష్టం చేశారు.షిండేపై వ్యాఖ్యల నేపథ్యంలో కమ్రాపై ముంబైలో రెండు ఎఫ్‌ఐఆర్‌లు నమోదయ్యాయి.