వక్ఫ్ బోర్డు సవరణ బిల్లును ఎవరూ ఆపలేరని కేంద్ర సహాయ మంత్రి బండి సంజయ్ స్పష్టం చేశారు. అసదుద్దీన్ ఒవైసీ వంటి వారు వంద మంది వచ్చినా ఈ బిల్లు ఆగదని, ఆయన తాత వచ్చినా నిలిపివేయలేరని విమర్శించారు. ముస్లిం సమాజం, మేధావులు వక్ఫ్ బోర్డు బిల్లుకు మద్దతు తెలుపుతున్నారని తెలిపారు. కరీంనగర్‌లోని న్యాయవాదుల డిజిటల్ లైబ్రరీ కోసం రూ. 15 లక్షలు మంజూరు చేసిన సందర్భంగా ఆయన మాట్లాడారు.ఈ బిల్లును మతపరంగా చూడడం సరైంది కాదని,ఇది ప్రజల కోసం తీసుకొస్తున్న బిల్లు అని స్పష్టంచేశారు.వక్ఫ్ బోర్డు పేరుతో పేదలు అనేక ఇబ్బందులు ఎదుర్కొంటున్నారని, కరీంనగర్‌లో ఓ పేద వ్యక్తి ఇల్లు నిర్మించుకునేందుకు అనుమతి రద్దయ్యిందని ఉదాహరణగా తెలిపారు.ఈ బిల్లును అడ్డుకోవడానికి ఒవైసీ సహా కొందరు లౌకికవాదులు ప్రయత్నిస్తున్నారని మండిపడ్డారు.ప్రధాని మోదీ నేతృత్వంలోని కేంద్ర ప్రభుత్వం ప్రజల కోసం మరిన్ని కఠిన నిర్ణయాలు తీసుకుంటుందని స్పష్టం చేశారు.గతంలో పాకిస్థాన్ జెండాలు ఎగురవేయడం,కోర్టు…
Author: admin
స్వదేశీ టెలికాం టెక్నాలజీ కలిగిన దేశాల జాబితాలో భారత్ కూడా చేరిందని కేంద్ర మంత్రి జ్యోతిరాదిత్య సింధియా ప్రకటించారు. ఇప్పటి వరకు చైనా, ఫిన్లాండ్‌, స్వీడన్‌, దక్షిణ కొరియాలకు మాత్రమే ఈ టెక్నాలజీ ఉండేదని తెలిపారు.2014లో 90 కోట్ల మంది మొబైల్ వినియోగదారులు ఉండగా, ఇప్పుడు ఈ సంఖ్య 1.2 బిలియన్లకు పెరిగిందన్నారు.అలాగే, ఇంటర్నెట్‌ యూజర్లు 97 కోట్లకు చేరారని, ఇది అమెరికా జనాభాకంటే ఎక్కువ అని వివరించారు. భారత్ సంచార్ నిగమ్ లిమిటెడ్ (BSNL) లక్ష స్వదేశీ 4జీ మొబైల్ టవర్లను ఏర్పాటుచేస్తోందని, వీటిని త్వరలో 5జీకి అప్‌గ్రేడ్‌ చేయనున్నట్లు చెప్పారు.ప్రభుత్వం డైరెక్ట్-టు-డివైస్ (DTD) ఉపగ్రహ సేవలను ప్రారంభించిందని, దీనివల్ల నెట్‌వర్క్ అందుబాటులో లేకపోయినా ఉపగ్రహం ద్వారా సందేశాలు పంపడం సాధ్యమవుతుందని తెలిపారు.ఇప్పటికే రిలయన్స్‌, భారతీ ఎయిర్‌టెల్‌కు ఉపగ్రహ కమ్యూనికేషన్ సేవల కోసం లైసెన్స్‌లు మంజూరు చేసినట్లు వెల్లడించారు.
అమెరికాలోని కొన్ని విద్యార్థులకు అక్కడి ఇమిగ్రేషన్‌ కార్యాలయం నుండి వీసా రద్దు ఈమెయిల్స్‌ అందాయి.‘బ్యూరో ఆఫ్‌ కాన్సులర్‌ అఫైర్స్‌ వీసా’ పేరుతో పంపిన ఈమెయిల్స్‌లో విద్యార్థులను స్వచ్ఛందంగా దేశం విడిచి వెళ్లిపోవాలని హెచ్చరించారు.క్యాంపస్‌ ఆందోళనల్లో పాల్గొనడం లేదా వాటి చిత్రాలను సోషల్ మీడియాలో షేర్‌ చేయడమే కారణంగా తెలుస్తోంది. ట్రంప్‌ ప్రభుత్వం తీసుకున్న ఈ చర్యతో భారతీయ విద్యార్థులు, వారి తల్లిదండ్రులు ఆందోళన చెందుతున్నారు.ఇది భావ ప్రకటనా స్వేచ్ఛపై పరిమితి విధించే చర్యగా విమర్శలు వ్యక్తమవుతున్నాయి.అనుమానాస్పద సోషల్ మీడియా పోస్టులను అమెరికా అధికారులు గమనిస్తున్నట్టు సమాచారం.ఈమెయిల్స్‌లో వీసా రద్దు వివరాలతో పాటు కళాశాల యాజమాన్యానికి సమాచారం అందించనున్నట్టు పేర్కొన్నారు.స్వచ్ఛందంగా వెళ్లిపోకుంటే అరెస్టు చేసి భవిష్యత్తులో వీసా నిరాకరణకు గురిచేస్తామని అమెరికా విదేశాంగ శాఖ హెచ్చరించింది.
ప్రపంచ కుబేరుడు, టెస్లా, స్పేస్ ఎక్స్ సీఈఓ ఎలాన్ మస్క్ సంచలన నిర్ణయం తీసుకున్నారు. ప్రముఖ సోషల్ మీడియా ప్లాట్‌ఫామ్ ‘ఎక్స్’ (మాజీ ట్విట్టర్)ను తన స్వంత ఏఐ స్టార్టప్ ‘ఎక్స్ ఏఐ’కు విక్రయించారు. ఈ డీల్ విలువ 33 బిలియన్ డాలర్లుగా (రూ. 2.80 లక్షల కోట్లు) ఉందని మస్క్ ప్రకటించారు. దీంతో ‘ఎక్స్ ఏఐ’ మొత్తం 80 బిలియన్ డాలర్ల కంపెనీగా మారిందన్నారు.అత్యాధునిక ఏఐ టెక్నాలజీని ‘ఎక్స్’లో అనుసంధానం చేయడం ద్వారా మెరుగైన ఫలితాలు సాధించవచ్చని చెప్పారు. అయితే ప్రస్తుతం ‘ఎక్స్’కు 600 మిలియన్ల యూజర్లు ఉన్నారని వెల్లడించారు. 2022లో మస్క్ 44 బిలియన్ డాలర్లకు ట్విట్టర్‌ను కొనుగోలు చేసి ‘ఎక్స్’గా మార్చిన విషయం తెలిసిందే.అప్పటి నుండి ఈ సంస్థ వివిధ మార్పులను ఎదుర్కొంది. ఇప్పుడు ‘ఎక్స్ ఏఐ’తో కలిపి భవిష్యత్‌ ఏఐ టెక్నాలజీని అభివృద్ధి చేయాలని మస్క్ లక్ష్యంగా పెట్టుకున్నారు. ప్రపంచానికి అధునాతన మోడల్స్ అందించేందుకు ఈ…
చెన్నై సూపర్ కింగ్స్ (సీఎస్‌కే) ఆల్‌రౌండర్ రవీంద్ర జడేజా ఐపీఎల్‌లో అరుదైన రికార్డును తన ఖాతాలో వేసుకున్నాడు.నిన్న రాయల్ ఛాలెంజర్స్ బెంగళూరు (ఆర్‌సీబీ)తో జరిగిన మ్యాచ్‌లో 19 బంతుల్లో 25 పరుగులు చేసిన జడేజా,ఐపీఎల్‌లో 3000 పరుగులు పూర్తి చేసి 100 కంటే ఎక్కువ వికెట్లు తీసిన తొలి ఆటగాడిగా నిలిచాడు.ఇప్పటి వరకు 242 ఐపీఎల్ మ్యాచ్‌ల్లో 3001 పరుగులు చేసి,160 వికెట్లు పడగొట్టాడు.కాగా చెన్నై జట్టులో అత్యధిక పరుగులు చేసిన ఆటగాళ్లలో జడేజా 5వ స్థానంలో ఉన్నాడు.మహేంద్ర సింగ్ ధోని,సురేష్ రైనా, ఫాఫ్ డుప్లెసిస్, రుతురాజ్ గైక్వాడ్ తర్వాత స్థానంలో జడేజా నిలిచాడు.సీఎస్‌కే తరఫున 133 వికెట్లు తీసి,అత్యధిక వికెట్లు సాధించిన డ్వేన్ బ్రావో (140) తర్వాత రెండో స్థానాన్ని ఆక్రమించాడు.ఐపీఎల్‌లో 1000+ పరుగులు,100+ వికెట్లు సాధించిన క్రికెటర్ల జాబితాలో జడేజా అగ్రస్థానంలో నిలిచాడు.ఈ జాబితాలో ఆండ్రీ రస్సెల్,అక్షర్ పటేల్,సునీల్ నరైన్,డ్వేన్ బ్రావో ఉన్నారు.అద్భుత ప్రదర్శనతో ఐపీఎల్ చరిత్రలో తన…
చూయింగ్‌ గమ్‌ నమిలినపుడు నోట్లో వందలాది మైక్రోప్లాస్టిక్స్‌ విడుదలవుతున్నాయని కాలిఫోర్నియా విశ్వవిద్యాలయం పరిశోధకులు వెల్లడించారు. ప్రధాన పరిశోధకుడు సంజయ్ మొహంతి వెల్లడించిన వివరాల ప్రకారం, ఒక గ్రాము గమ్‌ సగటున 100 మైక్రోప్లాస్టిక్‌ కణాలను విడుదల చేస్తుంది. కొన్ని బ్రాండ్లు అయితే 600 కణాలకు పైగా విడుదల చేయగలవని తెలిపారు. ఒక వ్యక్తి సంవత్సరానికి 180 చూయింగ్‌ గమ్‌లను నమిలితే 30,000 మైక్రోప్లాస్టిక్స్‌ శరీరంలోకి చేరతాయని ఈ అధ్యయనం స్పష్టం చేసింది. సాధారణంగా వాడే గమ్‌లలో పెట్రోలియం ఆధారిత పాలిమర్స్‌ ఉంటాయి, కానీ వీటి గురించి ప్యాకేజింగ్‌పై వివరాలు అందుబాటులో ఉండవు. మైక్రోప్లాస్టిక్స్‌ శరీరంలో చేరడం దీర్ఘకాలిక ఆరోగ్య సమస్యలకు దారి తీసే ప్రమాదం ఉంది. మానవ ఆరోగ్యంపై దీని ప్రభావాన్ని ఇంకా పూర్తిగా అధ్యయనం చేయాల్సిన అవసరం ఉందని శాస్త్రవేత్తలు సూచిస్తున్నారు. ప్రకృతికి మేలు చేసే బయోడిగ్రేడబుల్‌ గమ్‌లను వాడాలని నిపుణులు సూచిస్తున్నారు. మైక్రోప్లాస్టిక్స్‌ వల్ల పర్యావరణ కాలుష్యం కూడా…
అధికారంలోకి వచ్చిన తర్వాత నుండి ఆంధ్రప్రదేశ్ రాష్ట్రంలో కూటమి ప్రభుత్వం రహాదారులపై ప్రత్యేక దృష్టి సారించింది. ఈమేరకు ఇప్పటికే పలు ప్రాంతాల్లో రహాదారులను పునః నిర్మించింది. తాజాగా మరమ్మతులు చేయడానికి వీల్లేని రహదారుల అభివృద్ధికి రూ. 600 కోట్లు కేటాయింపులు చేసినట్లు మంత్రి బీసీ జనార్థన్ రెడ్డి తెలిపారు. ముఖ్యమంత్రి సూచనల మేరకు రాష్ట్రంలోని అన్ని నియోజకవర్గాల్లో మెరుగైన రహదారులే లక్ష్యంగా నిధులు కేటాయింపులు జరిగాయని పేర్కొన్నారు. జిల్లా ప్రధాన రహదారులు (MDR), రాష్ట్ర హైవేలు (SH) పథకం కింద రోడ్లు మరియు భవనాల శాఖ ఆధ్వర్యంలో రోడ్ల అభివృద్ధి జరుగుతుందని పేర్కొన్నారు.
ఆంధ్రప్రదేశ్ రాష్ట్రానికి రూ.259 కోట్లు అద‌న‌పు కేంద్ర నిధులను ఏపీ వైద్య ఆరోగ్య శాఖ మంత్రి సత్యకుమార్ కేంద్రాన్ని కోరారు. కేంద్ర ఆర్థిక మంత్రి నిర్మలా సీతారామన్ సహా పలువురు ఇతర మంత్రులతో భేటీ అయ్యారు. జాతీయ ఆరోగ్య మిషన్, ఇతర పథకాల కింద రాష్ట్రానికి అదనంగా రూ.259 కోట్లు కేటాయించాలని కేంద్ర ప్రభుత్వాన్ని ఆంధ్రప్రదేశ్ సత్యకుమార్ యాదవ్ కోరారు. ఢిల్లీలో కేంద్ర ఆర్థిక శాఖ మంత్రి నిర్మలా సీతారామన్‌తో ఆయన సమావేశమై ఈ మేరకు విజ్ఞప్తి చేశారు. రాష్ట్రానికి కావాల్సిన అంశాలకు సంబంధించి కేంద్ర టూరిజం, న్యాయ, అణుశక్తి శాఖ మంత్రులతో కూడా మంత్రి సత్యకుమార్ సమావేశమయ్యారు. రాష్ట్రానికి చెందిన పలు విషయాలపై వారితో చర్చించారు.
ఇండియన్ గ్రాండ్ ప్రీ-1 అథ్లెటిక్స్ ఛాంపియన్ షిప్ లో పంజాబ్ స్ప్రింటర్ గుర్వీందర్ సింగ్ నేషనల్ రికార్డు సృష్టించాడు. 10.20 సెకన్లలో లక్ష్యాన్ని చేరుకున్నాడు. ఈ క్రమంలో 2023లో మణికంఠ హోబ్లిధార్ (10.23 సెకన్లు) ను అధిగమించాడు . 2021లో కెరీర్లోనే ఉత్తమంగా 10.27 సెకన్లలో వంద మీటర్ల పరుగును పూర్తి చేసిన గురిందర్ తాజాగా ఇండియన్ గ్రాండ్ లో దానికి మించిన ప్రదర్శనతో నేషనల్ రికార్డును కైవసం చేసుకున్నాడు. ఈ రేసులో మణికంఠ (10.22 సెకన్లు) రెండో స్థానంతో, అమ్లాన్ బోర్గోహైన్ (10.43 సె) మూడో స్థానంలో నిలిచారు.
ఐపీఎల్-18 షెడ్యూల్ లో ఒక మ్యాచ్ కు సంబంధించి మార్పు జరిగింది. కోల్ కతా నైట్ రైడర్స్-లక్నో సూపర్ జెయింట్స్ మధ్య వచ్చే ఆదివారం ఏప్రిల్ 6న జరగాల్సిన మ్యాచ్ వచ్చే మంగళవారం ఏప్రిల్ 8వ తేదీకి మార్చారు. ఏప్రిల్ 6న నగరంలో శ్రీరామనవమి సందర్భంగా ఉత్సవాలు ఉండడంతో క్రికెట్ కోసం పూర్తి స్థాయిలో సిబ్బందిని కేటాయించలేమన్న కోల్ కతా పోలీసుల విజ్ఞప్తి మేరకుబీసీసీఐ ఈ నిర్ణయం తీసుకుంది. షెడ్యూల్ ప్రకారం ఏప్రిల్ 6న రెండు మ్యాచ్ లు జరగాల్సి ఉంది. ఆరోజు మధ్యాహ్నం 3.30కు కోల్ కతా -లక్నో మ్యాచ్ తేదీ మారగా.. హైదరాబాద్ వేదికగా జరిగే రెండో మ్యాచ్ హైదరాబాద్-గుజరాత్ రా.7.30 ఎటువంటి మార్పు లేకుండా జరగనుంది. ఇక ఏప్రిల్ 8న రెండు మ్యాచ్ లు జరగనున్నాయి. కోల్ కతా -లక్నో మధ్యాహ్నం 3.30కు, పంజాబ్ చెన్నై చంఢీగడ్, రా. 7.30కు తలపడతాయి.