అరుదైన పర్యాటక ప్రదేశమైన కడప జిల్లాలోని గండికోటను పూర్తి స్థాయిలో మరింత అభివృద్ధి చేసేందుకు కేంద్ర ప్రభుత్వం రూ.78 కోట్లు మంజూరు చేసింది. కేంద్ర పర్యాటక మంత్రిత్వ శాఖ నిధులు మంజూరు చేసినట్లు కేంద్ర మంత్రి పెమ్మసాని చంద్రశేఖర్ తెలిపారు. ‘గ్రాండ్ కాన్యన్ ఆఫ్ ఇండియా’ గా గండికోటను అభివృద్ధి చేసే విధంగా తగిన చర్యలు తీసుకుంటున్నట్లు పేర్కొన్నారు. తనకు గండికోట ఒక ప్రత్యేక ప్రాజెక్టని వారి పూర్వీకుల ప్రదేశంగా గండికోటకు పేరు ఉందని మంత్రి అన్నారు. రాష్ట్రంలోని ఒక్కొక్క ప్రాజెక్టును తీసుకుని వాటిని పూర్తి చేసే విధంగా అన్ని చర్యలు తీసుకుంటున్నట్లు పెమ్మసాని వివరించారు.
