ఆంధ్రప్రదేశ్ రాష్ట్రంలో మహిళలకు ఉచిత బస్సు ప్రయాణం అంశానికి సంబంధించి ప్రభుత్వం మంత్రుల కమిటీని ఏర్పాటు చేస్తూ నిర్ణయం తీసుకుంది. ఈమేరకు ఉత్తర్వులు జారీ చేసింది. ఇతర రాష్ట్రాలలో అధ్యయనం చేసి సిఫార్సు చేయాలని సూచించింది. రవాణాశాఖ మంత్రి మండిపల్లి రామ్ ప్రసాద్ రెడ్డి నేతృత్వంలో ఈ కమిటీ ఏర్పాటు చేసింది. ఈ కమిటీ లో కన్వీనర్ గా రవాణాశాఖ ముఖ్య కార్యదర్శి, మంత్రులు గుమ్మడి సంధ్యారాణి, వంగలపూడి అనిత ఉన్నారు.
