Author: admin

భారత హాకీ జట్టు చరిత్రలో చిరస్మరణీయ విజయాన్ని అందుకుని నేటికి 50 ఏళ్లు.‌ సరిగ్గా అర్థ శతాబ్దం క్రితం 1975 మార్చి 15న భారత్ హాకీలో విశ్వ విజేతగా నిలిచింది. 1971లో కాంస్యం, 1973లో రజతం గెలిచిన భారత్ 1975లో సరికొత్త చరిత్ర సృష్టించింది. లీగ్ దశలో 5 మ్యాచ్ లలో 3 గెలుపులు ఒక ఓటమి ఒక ప్రాంతంలో గ్రూప్ బి లో అగ్రస్థానంలో సెమీస్ చేరిన మలేషియా పై 3-2తో విజేతగా నిలిచి ఫైనల్ చేరింది. ఇక ఫైనల్ లో చిరకాల ప్రత్యర్థి పాకిస్థాన్ పై 2-1తో గెలిచి ప్రపంచ కప్ ను కైవసం చేసుకుంది.

ప్రతిష్టాత్మక ఆల్ ఇంగ్లాండ్ బ్యాడ్మింటన్ టోర్నీలో భారత షట్లర్లకు నిరాశ పరిచారు. క్వార్టర్స్ వరకు చేరిన లక్ష్యసేన్ కూడా టోర్నీ నుండి నిష్క్రమించాడు. తాజాగా జరిగిన పురుషుల సింగిల్స్ క్వార్టర్స్ లో 15వ ర్యాంకర్ లక్ష్యసేన్ 10-21, 16-21తో ప్రపంచ నెంబర్ 6 చైనాకు చెందిన లీ షీ ఫెంగ్ చేతిలో ఓటమి పాలయ్యాడు. మరోవైపు మహిళల డబుల్స్ లో గాయత్రీ గోపీచంద్-ట్రీసాజాలీ ద్వయం 14-21, 10-21తో చైనాకు చెందిన లియు షెంగ్సూ- టాన్ నింగ్ చేతిలో ఓడిపోయారు.

జనసేన పార్టీ 12వ ఆవిర్భావ దినోత్సవం సందర్భంగా ఆపార్టీ అధినేత ఏపీ డిప్యూటీ సీఎం పవన్ కళ్యాణ్ సొంత నియోజకవర్గం పిఠాపురం లోని చిత్రాడ వేదికగా జరిగిన ‘జయకేతనం’ సభలో భారీగా పార్టీ అభిమానులు, కార్యకర్తలు శ్రేణులు భారీగా పాల్గొని విజయవంతం చేశారు. ఈసందర్భంగా పవన్ కళ్యాణ్ తన ప్రసంగంతో ఆకట్టుకున్నారు. పవన్ ప్రసంగం హైలెట్స్: దేశమంతా తల తిప్పి చూసేలా 100% విజయంతో ఘన విజయం సాధించాం.ఈ ఎన్నికల్లో అసెంబ్లీ గేటుని కూడా తాకలేవ్అని ఛాలెంజ్ చేసి కొట్టిన తొడలని విరిచాం.దేశమంతా తల తిప్పి చూసేలా 100% విజయంతో ఘన విజయం సాధించాం. ఎన్డీఏ కూటమిని నిలబెట్టాం,ఈ రోజు జయకేతనం ఎగరేస్తున్నాం. భావ తీవ్రత ఉంది కనుకే పోరాట యాత్ర చేశాం. ఓటమి భయంలేదు కాబట్టే 2019లో పోటీచేశాం. ఓడినా అడుగు ముందుకే వేశాం. మనం నిలబడ్డాం, పార్టీని నిలబెట్టాం. మనం నిలదొక్కుకోవడమే కాకుండా 4 దశాబ్దాల టీడీపీని నిలబెట్టాం.…

తెలంగాణ ప్రజాప్రతినిధుల సిఫార్సు లేఖలను తిరస్కరిస్తే,టీటీడీతో తేల్చుకుంటామని మెదక్ ఎంపీ, బీజేపీ నేత రఘునందన్ రావు హెచ్చరించారు.టీటీడీ పాలక మండలి ఇచ్చిన హామీ అమలు చేయాలని డిమాండ్ చేశారు.వేసవి సెలవుల్లో భక్తులకు సిఫార్సు లేఖల ద్వారా దర్శన అవకాశమివ్వాలని అన్నారు.తెలంగాణ ప్రజాప్రతినిధుల లేఖలపై భక్తులకు దర్శన అవకాశాన్ని కల్పించాలని కోరారు.ఉమ్మడి ఆంధ్రప్రదేశ్‌లో ఉన్న విధానాన్ని కొనసాగించాలని అన్నారు.ఈ విషయంలో సీఎం చంద్రబాబు జోక్యం చేసుకోవాలని విజ్ఞప్తి చేశారు.తెలంగాణ ప్రజాప్రతినిధులపై వివక్ష లేకుండా తగిన నిర్ణయం తీసుకోవాలని టీటీడీని కోరారు.ఫిబ్రవరి 1 నుండి తెలంగాణ ప్రజాప్రతినిధుల లేఖలు ఆమోదిస్తామని ప్రకటించారని గుర్తుచేశారు.ఉమ్మడి ఆంధ్రప్రదేశ్‌లో 294 మంది ఎమ్మెల్యేలకు అనుమతి ఉండేది, ఇప్పుడు ఆంధ్రప్రదేశ్‌కే పరిమితం చేయడం అన్యాయం అన్నారు.తెలంగాణ ప్రజాప్రతినిధులపై వివక్ష ఉండకూడదని స్పష్టం చేశారు.గత విధానాన్ని కొనసాగించి తెలంగాణ భక్తులకు కూడా సమాన అవకాశమివ్వాలని కోరారు.

జన సేవా నిబద్ధత, విలువలతో కూడిన రాజకీయాలకు ప్రతీకగా కొనసాగుతున్న జనసేన 12వ ఆవిర్భావ దినోత్సవం సందర్భంగా పార్టీ అధినేత పవన్ కళ్యాణ్ కు, పార్టీ ముఖ్య నాయకులకు, జనసైనికులందరికీ ఏపీ సీఎం చంద్రబాబు శుభాకాంక్షలు తెలిపారు. టీడీపీ జాతీయ ప్రధాన కార్యదర్శి, మంత్రి నారా లోకేష్ కూడా జనసేనాని పవన్ కు శ్రేణులకు శుభాకాంక్షలు తెలిపారు. పిఠాపురం నియోజకవర్గం చిత్రాడ వేదికగా జనసేన 12వ ఆవిర్భావ సభ జరుగుతోంది. భారీ జనసందోహం ఈకార్యక్రమంలో పాల్గొంటుంది.

ఓబుళాపురం మైనింగ్ కంపెనీ కేసులో సీజ్ చేసిన 53 కిలోల బంగారు నగలను తమకు అప్పగించాలని గాలి జనార్దన రెడ్డి చేసిన విజ్ఞప్తిని తెలంగాణ హైకోర్టు తోసిపుచ్చింది.అలాగే, నగదు, 5 కోట్ల రూపాయల విలువైన బాండ్లను కూడా విడుదల చేయాలని ఆయన కుమార్తె బ్రాహ్మణి, కుమారుడు కిరీటిరెడ్డి దాఖలు చేసిన పిటిషన్లను కోర్టు కొట్టివేసింది.నగలు తుప్పు పట్టి విలువ తగ్గుతుందని గాలి వాదనను కోర్టు సమర్థించలేదు.ఓఎంసీ కేసు విచారణ పూర్తయిన తర్వాతే ఆస్తులపై హక్కుల నిర్ణయం ఉంటుందని స్పష్టం చేసింది.అక్రమ మైనింగ్ ద్వారా 884.13 కోట్ల రూపాయల ప్రజాధనాన్ని కొల్లగొట్టారని సీబీఐ కేసు నమోదు చేసిందని కోర్టు పేర్కొంది.ఈ దశలో సీజ్ చేసిన ఆస్తులను అప్పగించలేమని తేల్చి చెప్పిన హైకోర్టు, విచారణ అనంతరం తిరిగి దరఖాస్తు చేసుకోవచ్చని సూచించింది.ఈ తీర్పుతో గాలి జనార్దన్ రెడ్డి కుటుంబం తీవ్ర నిరాశకు గురైంది.

డీ లిమిటేషన్ ద్వారా సౌత్ స్టేట్స్ పై నిజంగా బీజేపీది ప్రతికారమేనని ఏపీసీసీ చీఫ్ షర్మిల ఆరోపించారు. దక్షిణాది రాష్ట్రాల్లో తన ప్రభావం లేనందుకే ఈ కక్ష్య సాధింపు చర్యని ఆమె పేర్కొన్నారు. పార్లమెంట్ లో సౌత్ ప్రాతినిథ్యం తగ్గించే కుట్రలో భాగం. కాంగ్రెస్ పార్టీ తెలంగాణ సీఎం రేవంత్ అన్న చెప్పిన మాటలు అక్షర సత్యమని షర్మిల సోషల్ మీడియా ‘ఎక్స్’ లో ట్వీట్ చేశారు. జనాభా ప్రాతిపదికన డీ లిమిటేషన్ చేయడం అంటే, కుటుంబ నియంత్రణ పాటిస్తున్న దక్షిణాది రాష్ట్రాలకు తీవ్ర అన్యాయం జరుగుతున్నట్లేనని పేర్కొన్నారు. 1971 తర్వాత సౌత్ కంటే నార్త్ లోనే అత్యధిక జనాభా పెరిగిందని ఒక్క ఉత్తర ప్రదేశ్ రాష్ట్రమునే ఉదాహరణగా తీసుకుంటే 8 కోట్ల నుంచి 24 కోట్ల జనాభా పెరిగింది. ప్రస్తుత జనాభా లెక్కల ప్రకారం యూపీలో 80 నుంచి 143 సీట్లకు అదనంగా పెరుగుతున్నట్లే. బీహార్ లో 40 నుంచి…

గ్రీన్ కార్డులు ఉన్నంత మాత్రాన అమెరికాలో శాశ్వతంగా ఉండే అవకాశం వచ్చినట్లు కాదని అమెరికా వైస్ ప్రెసిడెంట్ జేడీ వాన్స్ కీలక వ్యాఖ్యలు చేశారు. ట్రంప్ ఇమిగ్రేషన్ విధనాలు చర్చనీయాంశంగా మారిన తరుణంలో తాజాగా జేడీ వాన్స్ చేసిన వ్యాఖ్యలు మరింత ప్రాధాన్యత సంతరించుకున్నాయి. ఒక మీడియా ఛానల్ తో మాట్లాడుతూ గ్రీన్ కార్డు పొందినంత మాత్రానా వారికి అమెరికాలో శాశ్వతంగా ఉండే హాక్కు లేదు. ఇది వాక్ స్వేచ్ఛ కు సంబంధించిన అంశం కాదు నేషనల్ సెక్యూరిటీకి సంబంధించిన అంశమని అమెరికా పౌరులుగా ఎవరిని తమలో కలుపుకోవాలో తామే నిర్ణయిస్తామని పేర్కొన్నారు.

ప్రస్తుతం అక్కినేని అఖిల్ స్వీయ నిర్మాణ సంస్థ అన్నపూర్ణ స్టూడియోస్‌ నిర్మాణ సారథ్యంలో మురళీ కిషోర్ అబ్బూరి దర్శకత్వంలో ఓ చిత్రాన్ని చేస్తున్నారు.ఈ చిత్రం గురించి ఇటీవల అధికారికంగా ప్రకటించారు.అయితే హైదరాబాద్‌లో రెగ్యులర్ షూటింగ్ ప్రారంభించనున్నారని సమాచారం.రాయలసీమ నేపథ్యంలో పవర్‌ఫుల్ మాస్ ఎంటర్‌టైనర్‌గా ఈ చిత్రాన్ని రూపొందించనున్నారు.అధికభాగం షూటింగ్ చిత్తూరు జిల్లాలో జరగనుందని తెలుస్తుంది.ఇందులో హీరోయిన్‌గా శ్రీలీల నటించనుంది.ఈ సినిమాకు ‘లెనిన్’ అనే టైటిల్‌ను పెట్టనున్నట్లు వార్తలు వినిపిస్తున్నాయి.ఈ ఏడాది దసరాకు విడుదల చేయాలని చిత్రబృందం భావిస్తుందని తెలుస్తోంది.

మంగళగిరి శ్రీలక్ష్మీ నరసింహస్వామి వార్షిక బ్రహ్మోత్సవాల్లో భాగంగా నిన్న అర్ధరాత్రి జరిగిన కల్యాణ మహోత్సవంలో ఆంధ్రప్రదేశ్ విద్య, ఐటీ శాఖల మంత్రి నారా లోకేష్, నారా బ్రాహ్మణి దంపతులు పాల్గొన్నారు.స్వామివారికి ప్రభుత్వం తరఫున పట్టువస్త్రాలు సమర్పించి,పూజల్లో పాల్గొన్నారు.వేద మంత్రోచ్చారణల మధ్య వైభవంగా జరిగిన ఈ కల్యాణాన్ని భక్తులు కనులారా వీక్షించి స్వామివారి అనుగ్రహం పొందారు.ప్రత్యేక పూజలు, మహా సంకల్పం, ముత్యపు తలంబ్రాలు, మంగళహారతితో ఉత్సవం అత్యంత భక్తిశ్రద్ధలతో కొనసాగింది.మంత్రి లోకేశ్ దంపతుల రాకను పురస్కరించుకుని ఆలయ అధికారులు ఘనస్వాగతం పలికారు.