Author: admin

రెబల్ స్టార్ ప్రభాస్ గెస్ట్ రోల్‌లో కనిపించనున్న చిత్రం ‘కన్నప్ప’.ఈ చిత్రంపై ఇప్పటికే భారీ అంచనాలు నెలకొన్నాయి.మంచు విష్ణు డ్రీమ్ ప్రాజెక్ట్‌గా తెరకెక్కుతున్న ఈ చిత్రంలో ప్రభాస్ రుద్ర అనే శక్తివంతమైన పాత్రలో కనిపించనున్నాడు.ఇటీవల ఓ ఇంటర్వ్యూ లో మంచు విష్ణు చేసిన వ్యాఖ్యలు ఈ పాత్రపై మరింత ఆసక్తిని పెంచేశాయి.కాగా కన్నప్పలో ప్రభాస్ చేసే గెస్ట్ రోల్, ఆయన స్ట్రైట్ హీరోగా చేసే సినిమాలకంటే ఎక్కువ ఇంపాక్ట్ కలిగిస్తుందని విష్ణు ధీమా వ్యక్తం చేశాడు.దీనితో ఈ పాత్రపై అభిమానుల్లో భారీ అంచనాలు ఏర్పడ్డాయి.ప్రభాస్‌తో పాటు అక్షయ్ కుమార్ , మోహన్ లాల్ , కాజల్ అగర్వాల్ , మోహన్ బాబు , బ్రహ్మనందం తదితరులు కీలక పాత్రలు పోషిస్తున్నారు.ప్రపంచవ్యాప్తంగా భారీగా విడుదల కానున్న ఈ చిత్రం ఏప్రిల్ 25న థియేటర్లలో సందడి చేయనుంది.

ఇది ప్రజా ప్రభుత్వమని ప్రజలు ఏమి చెప్పినా వినే ప్రభుత్వమని గత ప్రభుత్వంలో మాదిరి, ప్రజలకు తనకు మధ్య పరదాలు లేవని ఏపీ సీఎం చంద్రబాబు అన్నారు. ప్రతి నెలా 3వ శనివారం స్వచ్ఛాంధ్ర కార్యక్రమం పెట్టాం. రాష్ట్రంలో అందరూ నెలకు ఒక రోజు స్వచ్ఛాంధ్ర కోసం పని చేయాలని పిలుపునిచ్చారు. అలాగే, మన ఆరోగ్యం కాపాడుతూ, మన కోసం ఎవరూ చేయని పని పారిశుధ్య కార్మికులు చేస్తున్నారు. వారిని మనం సమాజంలో గౌరవించాలని స్పష్టం చేశారు. ప్రజల ఆశీస్సులతో 47 ఏళ్ళ క్రితం ఇదే రోజు, ఎమ్మెల్యేగా ప్రమాణ స్వీకారం చేశాను. 41 ఏళ్ళు ఎమ్మెల్యేగా ఉన్నాను. 9 ఏళ్ళు సమైక్యాంధ్ర సీయంగా, మొత్తంగా 14 ఏళ్ళకు పైగా సీయంగా ఉన్నా. పదేళ్ళు ప్రతిపక్ష నేతగా చేశాను. ప్రజలు నాకు ఇచ్చిన గౌరవం ఇది. నా చివరి రక్తపు బొట్టు ఉన్నంత వరకు, తెలుగువారికి న్యాయం చేయాలనేదే ఏకైక సంకల్పమని…

టాలీవుడ్ యువ హీరో నితిన్, దర్శకుడు వెంకీ కుడుముల కాంబినేషన్‌లో రూపొందుతున్న చిత్రం ‘రాబిన్‌ హుడ్’పై భారీ అంచనాలు ఉన్నాయి. ‘భీష్మ’ చిత్రం అనంతరం ఈ ఇద్దరూ కలిసి చేస్తున్న ప్రాజెక్ట్ కావడంతో ప్రేక్షకుల్లో ఆసక్తి పెరిగింది.ఈ చిత్రం మార్చి 28న ప్రేక్షకుల ముందుకు రానుంది.అయితే ప్ర‌మోష‌న్స్‌లో భాగంగా చిత్రబృందం వరుస అప్‌డేట్స్‌ను షేర్ చేస్తోంది.ఆసక్తికరంగా, ఆస్ట్రేలియా క్రికెటర్ డేవిడ్ వార్నర్ ఇందులో ప్రత్యేక పాత్రలో నటించనున్నారు.కాగా మైత్రీ మూవీ మేకర్స్ తాజాగా వార్నర్ ఫస్ట్‌లుక్‌ను విడుదల చేసింది. “బౌండ‌రీ నుండి బాక్సాఫీస్‌కు వ‌స్తున్న వార్న‌ర్‌కు భారత సినిమాకు స్వాగతం” అంటూ స్పెషల్ పోస్టర్ షేర్ చేశారు.ఈ చిత్రంలో నితిన్ సరసన శ్రీలీల కథానాయికగా నటిస్తుంది.ఇందులో రాజేంద్రప్రసాద్,వెన్నెల కిషోర్ లు కీలక పాత్రల్లో కనిపించనున్నారు. After shining and leaving a mark on the ground, it is time for him to shine on the silver…

అమెరికా అధ్యక్షుడు డొనాల్డ్‌ ట్రంప్‌ తన రెండోసారి అధ్యక్ష బాధ్యతలు స్వీకరించిన తర్వాత సంచలన నిర్ణయాలు తీసుకుంటున్నారు.తాజాగా, 41 దేశాల పౌరులపై అమెరికాలోకి ప్రవేశాన్ని నిరోధించే ప్రయాణ ఆంక్షలు విధించేందుకు సిద్ధమయ్యారు.ఈ దేశాలను మూడు గ్రూపులుగా విభజించి,ఆయా దేశాలపై వివిధ స్థాయిలో ఆంక్షలు విధించనున్నారు.మొదటి గ్రూప్‌లో అఫ్గానిస్థాన్‌, ఇరాన్‌, సిరియా, క్యూబా, ఉత్తరకొరియా వంటి పది దేశాలు ఉండగా, ఈ దేశాల పౌరులకు వీసాల జారీ పూర్తిగా నిలిపివేయనున్నారు.రెండో గ్రూప్‌లో ఇరిట్రియా, హైతీ, లావోస్‌, మయన్మార్‌, దక్షిణ సూడాన్‌ దేశాలు ఉన్నాయి, వీరికి పాక్షిక ఆంక్షలు అమలు చేయనున్నారు.మూడో గ్రూప్‌లో పాకిస్థాన్‌, భూటాన్‌ సహా 26 దేశాలు ఉండగా, ఈ దేశాలకు 60 రోజుల గడువు ఇచ్చి, భద్రతా తనిఖీలను మెరుగుపరచుకోవాలని సూచించారు.ఈ నిర్ణయాలు అధికారికంగా ప్రకటించబడాల్సి ఉంది.

పారిశుద్ధ్యం, స్వచ్ఛత పట్ల ప్రజల్లో మార్పు రావాలని ఏపీ విద్యా ఐటీ శాఖ మంత్రి నారా లోకేష్ అన్నారు. “స్వర్ణాంధ్ర-స్వచ్ఛాంధ్ర” కార్యక్రమంలో ఆయన పాల్గొన్నారు. ప్రజల్లో చైతన్యం కోసం మంగళగిరి నియోజకవర్గంలో డోర్ టూ డోర్ ప్రచారం చేపట్టారు. స్వచ్ఛతలో మంగళగిరిని ఆదర్శ కార్పోరేషన్ గా తీర్చిదిద్దుతామని స్పష్టం చేశారు. మంగళగిరి లోని ఎకో పార్క్ లో స్వచ్ఛాంద్ర కార్యక్రమంలో పాల్గొన్న మంత్రి లోకేష్ పార్క్ లో చెత్తను శుభ్రం చేశారు. పారిశుద్ధ్య కార్మికుడితో ముఖాముఖి మాట్లాడారు. వారిని ఘనంగా సత్కరించారు. మంగళగిరి పారిశుద్ధ్యం, పరిసరాల పరిశుభ్రత పట్ల ప్రజల్లో మార్పు రావాల్సిన అవసరం ఉందని, ప్రజల్లో చైతన్యం కల్పించేందుకు మంగళగిరి నియోజకవర్గంలో ఇంటింటి ప్రచారం నిర్వహిస్తామని తెలిపారు.

శుక్రవారం రాత్రి అమృత్‌సర్‌లోని ఓ గుడిపై గ్రేనేడ్ దాడి చోటుచేసుకుంది. ఇద్దరు వ్యక్తులు బైక్‌పై వస్తూ హ్యాండ్ గ్రేనేడ్ విసిరారు, ఈ దాడి వల్ల ఆలయ గోడకు స్వల్ప నష్టం జరిగినప్పటికీ ఎవరూ గాయపడలేదు.పూజారి మరియు అతని కుటుంబం గుడి పైభాగంలో ఉంటున్నారు, వారు సురక్షితంగా ఉన్నారు. సీసీటీవీ ఫుటేజ్ ఆధారంగా పోలీసులు దాడిని నిర్ధారించారు మరియు విచారణ చేపట్టారు. ఈ దాడి నగరంలో మతపరమైన ప్రదేశంపై జరిగిన తొలి దాడి అని పోలీసులు భావిస్తున్నారు.గత నాలుగు నెలలలో ఇది 12వ గ్రేనేడ్ దాడి సంఘటన.స్థానిక నేత కిరణ్‌ప్రీత్ సింగ్ ఈ దాడిని ఖండించారు మరియు పంజాబ్ శాంతిని భంగం చేయాలని కుట్ర జరుగుతోందని తెలిపారు.

పాకిస్థాన్ వైఖరిని మరోసారి అంతర్జాతీయ వేదికపై భారత్ ఎండగట్టింది. అంతర్జాతీయ ఇస్లామోఫోబియా నిర్మూలన దినోత్సవం సందర్భంగా యునైటెడ్ నేషన్స్ జనరల్ అసెంబ్లీలో ఒక సమావేశం నిర్వహించారు. ఈసందర్భంగా పాకిస్థాన్ ప్రతినిధి విదేశాంగ శాఖ మాజీ కార్యదర్శి తెహ్ మినా జుంజువా మాట్లాడుతూ కాశ్మీర్ అంశాన్ని ప్రస్తావించడం పట్ల భారత్ తీవ్రంగా స్పందించింది. ఐక్యరాజ్యసమితి భారత శాశ్వత ప్రతినిధి పర్వతనేని హారీష్ పాక్ తీరును ఎండగట్టారు. జమ్మూ కాశ్మీర్ పై పాక్ ప్రతినిధివి అసంబద్ధ వ్యాఖ్యలని ఇలా పదే పదే అవాస్తవాలు ప్రచారం చేసినంత మాత్రాన అది నిజం కాదని ఈ వ్యాఖ్యలతో వారు చేస్తున్న సీమాంతర ఉగ్రవాదాన్ని సమర్థించుకోలేరని ధీటుగా బదులిచ్చారు. పాకిస్థాన్ మనస్తత్వం అందరికీ తెలుసు ఇటువంటి కుటిల యత్నాలతో జమ్మూకాశ్మీర్ నిజమైన అంశాలు ఎప్పటికీ మారిపోవని స్పష్టం చేశారు. జమ్మూకాశ్మీర్ ఎప్పటికీ భారత్ లో అంతర్భాగమని పునరుద్ఘాటించారు. భారత్ వైవిధ్యతను, బహుళత్వాన్ని గౌరవిస్తుందని స్పష్టం చేశారు.

రాష్ట్ర వ్యాప్తంగా ఈరోజు జరుగుతున్న “స్వర్ణాంధ్ర-స్వచ్ఛాంధ్ర” కార్యక్రమంలో భాగంగా ఆంధ్రప్రదేశ్ ముఖ్యమంత్రి నారా చంద్రబాబు తణుకులోని ఎన్టీఆర్ పార్క్ లో పారిశుద్ధ్య కార్మికులతో కలిసి చెత్త ఊడ్చారు. అనంతరం కార్మికులతో ముఖాముఖి కార్యక్రమంలో పాల్గొని వారి సమస్యలు, బాగోగులు అడిగి తెలుసుకున్నారు. అనంతరం ఆ ప్రాంతంలో జరుగుతున్న అభివృద్ధి పనులు పరిశీలించారు. అక్టోబర్ 2 నాటికి, తణుకు పట్టణంలో 42 పార్కులు పూర్తి చేయాలని అధికారులని ఆదేశించారు. తణుకు కూరగాయల హోల్ సేల్ మార్కెట్ ను పరిశీలించి కూరగాయల వ్యర్థాల నుంచి ఎరువుల తయారీపై అక్కడి కూరగాయల షాపుల వారికి అవగాహన కల్పించారు.

మంగళగిరి అభివృద్ధి కోసం అందరం కష్టపడతామని, ప్రజలకు ఇచ్చిన హామీలను పద్ధతిప్రకారం నెరవేరుస్తామని ఏపీ విద్యా ఐటీ శాఖ మంత్రి నారా లోకేష్ అన్నారు. ఈమేరకు ఆయన విలేకరుల సమావేశంలో చెప్పారు. సొంత నియోజకవర్గం మంగళగిరిలో ఆయన పర్యటించారు. ఉగాది తర్వాత మొదటి విడతగా 5వేల మందికి ఇళ్ల పట్టాలు అందిస్తామని పేర్కొన్నారు. స్వర్ణకారులను ఆదుకోవాలనే లక్ష్యంతో పనిచేస్తున్నామని వివరించారు. నియోజకవర్గంలో 100 అభివృద్ధి కార్యక్రమాలకు శ్రీకారం చుట్టినట్లు మంత్రి లోకేష్ వివరించారు. మంగళగిరి మండలం యర్రబాలెంలో ఆధునీకరించిన శ్రీ భగవాన్ మహవీర్ గోశాలను, నూతన సముదాయాలను కేంద్రమంత్రి పెమ్మసాని చంద్రశేఖర్ తో కలిసి ప్రారంభించారు. శ్రీ భగవాన్ మహవీర్ విగ్రహ ప్రతిష్ట కార్యక్రమంలో పాల్గొన్నారు.

ఇండియన్ ప్రీమియర్ లీగ్ (ఐపీఎల్) భారత క్రికెట్ స్టాండర్డ్స్ ను పెంచేసిందని మాజీ ఆటగాడు దినేష్ కార్తీక్ అన్నాడు. విప్లవాత్మక మార్పులు తెచ్చిందన్నాడు. సమాన నైపుణ్యం గల మూడు జట్లను ఒకేసారి బరిలోకి దింపేంత సత్తా, ప్రతిభ భారత్ కు ఉందని ఆయన అభిప్రాయపడ్డాడు. భారత ఆటగాళ్లలో ఐపీఎల్ గెలవాలనే కసిని ఐపీఎల్ పెంచింది. ఈ లీగ్ తో ఎంతో ఆర్థిక ప్రయోజనాలు పొందుతున్న ఫ్రాంచైజీలు మౌలిక సదుపాయాల అభివృద్ధికి దృష్టి పెడుతున్నట్లు వివరించాడు. మంచి మౌలిక సదుపాయాలు ఉన్నప్పుడు ఆట కూడా అభివృద్ధి చెందుతుందని పేర్కొన్నాడు.