Author: admin

2028లో లాస్ ఏంజిల్స్ వేదికగా జరుగనున్న ఒలింపిక్స్ లో క్రికెట్ ను చేర్చనున్నారు. 128 సంవత్సరాల తరువాత క్రికెట్ ఒలింపిక్స్ లోకి తీసుకురానున్నారు. ఒకవేళ అప్పుడు భారత్ ఫైనల్ చేరితే తన టీ20 రిటైర్మెంట్ ను వెనక్కితీసుకుంటానని ప్రకటించాడు. ఒలింపిక్స్ లో మెడల్ గెలుచుకోవడం అద్భుతమే కదా అని కోహ్లీ ఇన్నోవేషన్ ల్యాబ్ ఇండియన్ స్పోర్ట్స్ క్లబ్ సమ్మిట్ లో చెప్పాడు. గతేడాది జరిగిన టీ20 ప్రపంచ కప్ భారత్ కైవసం చేసుకున్న అనంతరం ఆ ఫార్మాట్ కు వీడ్కోలు పలికిన సంగతి తెలిసిందే.

ఉమెన్స్ ప్రీమియర్ లీగ్ (డబ్ల్యూ.పీ.ఎల్) లో ముంబై ఇండియన్స్ ఉమెన్స్ మరోసారి టైటిల్ విజేతగా నిలిచింది. ముంబై ఇండియన్స్ ఉమెన్స్ ఢిల్లీ క్యాపిటల్స్ ఉమెన్స్ జట్ల మధ్య జరిగిన ఉత్కంఠ ఫైనల్ పోరులో ముంబై పైచేయి సాధించింది. ఢిల్లీ కూడా గొప్పగా పోరాడింది. ఫైనల్ లో టాస్ గెలిచిన ఢిల్లీ మొదట ఫీల్డింగ్ ఎంచుకుంది. దీంతో మొదట బ్యాటింగ్ చేసిన ముంబై నిర్ణీత 20 ఓవర్లలో 7 వికెట్ల నష్టానికి 149 పరుగులు చేసింది. కెప్టెన్ హార్మన్ ప్రీత్ కౌర్ 66 (44; 9×4, 2×6) హాఫ్ సెంచరీతో రాణించగా…నాట్ సివర్-బ్రంట్ 30 (28; 4×4) పరుగులు చేసింది. ఢిల్లీ బౌలర్లలో జొనాస్సెన్ 2 వికెట్లు, నల్లపురెడ్డి చరణీ 2 వికెట్లు, మారిజన్ కాప్ 2 వికెట్లు, అనాబెల్ సూతర్లాండ్ 1 వికెట్ చొప్పున తీశారు. అనంతరం లక్ష్య ఛేదనలో ఢిల్లీ 20 ఓవర్లలో 9 వికెట్లు కోల్పోయి 141 పరుగులు…

జనసేన పార్టీ ప్రతి భారతీయునికి భాషాపరమైన స్వేచ్ఛ మరియు విద్యా ఎంపిక సూత్రానికి కట్టుబడి ఉందని ఆపార్టీ అధినేత, ఏపీ డిప్యూటీ సీఎం పవన్ కళ్యాణ్ అన్నారు. ఒక భాషను బలవంతంగా రుద్దడం లేదా ఒక భాషను గుడ్డిగా వ్యతిరేకించడం; రెండూ మన భారత జాతీయ & సాంస్కృతిక ఏకీకరణ లక్ష్యాన్ని సాధించడంలో సహాయపడవని అన్నారు. హిందీని ఒక భాషగా తాను ఎప్పుడూ వ్యతిరేకించలేదని దానిని తప్పనిసరి చేయడాన్ని మాత్రమే వ్యతిరేకించానని ఆయన ‘ఎక్స్’ వేదికగా తెలిపారు. NEP 2020 హిందీని అమలు చేయనప్పుడు, దాని విధింపు గురించి తప్పుడు కథనాలను వ్యాప్తి చేయడం ప్రజలను తప్పుదోవ పట్టించే ప్రయత్నం తప్ప మరొకటి కాదని పేర్కొన్నారు. NEP 2020 ప్రకారం, విద్యార్థులు విదేశీ భాషతో పాటు ఏదైనా రెండు భారతీయ భాషలను (తమ మాతృభాషతో సహా) నేర్చుకునే సౌలభ్యాన్ని కలిగి ఉంటారు. వారు హిందీని చదవకూడదనుకుంటే, వారు తెలుగు, తమిళం, మలయాళం,…

అంతర్జాతీయ అంతరిక్ష కేంద్రంలో తొమ్మిది నెలలుగా ఉన్న వ్యోమగామి సునీతా విలియమ్స్ భూమిపైకి వచ్చే మార్గం సుగమమైంది.నాసా-స్పేస్‌ ఎక్స్‌లు సంయుక్తంగా చేపట్టిన క్రూ-10 మిషన్‌లో భాగంగా ఫాల్కన్‌ 9 రాకెట్ విజయవంతంగా నింగిలోకి దూసుకెళ్లింది.శనివారం ఉదయం అమెరికాలోని కెన్నడీ స్పేస్‌ సెంటర్ నుండి ప్రయోగించిన ఈ రాకెట్ అంతర్జాతీయ అంతరిక్ష కేంద్రానికి నలుగురు వ్యోమగాములను పంపించనుంది.గత ఏడాది జూన్‌లో బోయింగ్‌ స్టార్‌లైనర్ ద్వారా సునీతా విలియమ్స్‌,విల్‌మోర్‌ ఐఎస్‌ఎస్‌కు వెళ్లారు. అయితే ఆ నౌకలో సాంకేతిక లోపాలు తలెత్తడంతో భూమికి తిరిగి రావడం సాధ్యపడలేదు.నాసా ఆగస్టులోనే వారిని భూమికి తీసుకురావాలని నిర్ణయించినా,తగిన ఏర్పాట్లు ఆలస్యం కావడంతో వారు అక్కడే ఉండిపోయారు.తాజాగా ఫాల్కన్‌ 9 రాకెట్ ప్రయోగం విజయవంతం కావడంతో,సునీతా విలియమ్స్ భూమిపైకి వచ్చే అవకాశం ఏర్పడింది.ఈ మిషన్ ద్వారా నాసా తన అంతరిక్ష ప్రయోగాల్లో మరింత స్థిరత్వాన్ని సాధించనుంది.వ్యోమగాములు సురక్షితంగా భూమికి చేరుకునే వరకు మరిన్ని పరీక్షలు నిర్వహించనున్నారు.

త్రిభాషా విధానం అమలు విషయంలో కేంద్రం,తమిళనాడు ప్రభుత్వం మధ్య వివాదం కొనసాగుతుండగా,ఏపీ డిప్యూటీ సీఎం పవన్ కళ్యాణ్ చేసిన వ్యాఖ్యలు కొత్త చర్చకు దారితీశాయి.అయితే తమిళనాడు హిందీని వ్యతిరేకిస్తూనే…హిందీలో సినిమాలు విడుదల చేయడం హాస్యాస్పదంగా ఉందని పవన్ కళ్యాణ్ అన్నారు.ఈ వ్యాఖ్యలపై డీఎంకే అధికార ప్రతినిధి సయ్యద్ హఫీజుల్లా స్పందిస్తూ…తమ రాష్ట్ర ప్రజలపై హిందీని బలవంతంగా రుద్దడాన్ని మాత్రమే వ్యతిరేకిస్తున్నామని తెలిపారు. డీఎంకే సీనియర్ నేత ఎళన్‌గోవన్ తమిళనాడు భాషా విధానం 1938 నుండి స్థిరంగా ఉందని, 1968లో ద్విభాషా విధానాన్ని చట్టబద్ధం చేశామని గుర్తు చేశారు.ద్విభాషా విధానాన్నే అమలు చేస్తామని 1968లో రాష్ట్ర అసెంబ్లీలో చట్టాన్ని కూడా ఆమోదించుకున్నాం. విద్యా నిపుణుల సలహాలు, సూచనల మేరకే ఈ నిర్ణయం తీసుకున్నాం. ఆ బిల్లు పాస్‌ అయినప్పటికీ పవన్ కల్యాణ్‌ పుట్టి ఉండరు. తమిళ రాజకీయాలపై పవన్ కు అవగాహన లేకపోయి ఉండొచ్చు’ అని విమర్శించారు.

దేశంలో కులగణన (క్యాస్ట్ సెన్సెస్) చేయాలని పలు పార్టీలు కేంద్ర ప్రభుత్వాన్ని డిమాండ్ చేస్తున్న సంగతి తెలిసిందే. తాజాగా ఉత్తరప్రదేశ్ మాజీ సీఎం, బీఎస్పీ అధినేత్రి మాయావతి కూడా కుల గణన అంశంపై కేంద్రాన్ని డిమాండ్ చేశారు. కేంద్ర ప్రభుత్వం ఈ దిశగా చర్యలు తీసుకోవాలన్నారు. కాన్షీరామ్ జయంతి సందర్భంగా సోషల్ మీడియా’ఎక్స్’ వేదికగా ఆమె ట్వీట్ చేశారు. ఈసందర్భంగా కులగణన చేయాలని పేర్కొన్నారు. సమగ్రాభివృద్ధికి జనగణన అవసరమని మాయావతి అభిప్రాయపడ్డారు. ప్రభుత్వం దీనిని విస్మరించకూడదని కులగణన చేయకుంటే అది సుపరిపాలన కాబోదని అభిప్రాయపడ్డారు. కులగణన చేయకపోవడంపై ఒక పార్లమెంటరీ కమిటీ కూడా అసంతృప్తిని వ్యక్తం చేసిందని గుర్తు చేశారు. యూపీలో 80 శాతం మంది బహుజనులు ఉన్నారని, ఇలాంటి చోట్ల కులగణన చాలా ముఖ్యమని పేర్కొన్నారు.

సావరిన్ గోల్డ్ బాండ్స్ ను ఎనిమిది సంవత్సరాల క్రితం కొన్న వారికి జాక్ పాట్ లభించనుంది. 2016-17 సిరీస్ ఫోర్ బాండ్లకు సంబంధించి రిడెంప్షన్ డేట్ ను రిజర్వ్ బ్యాంక్ ఆఫ్ ఇండియా తాజాగా ప్రకటించింది. మార్చి 17ను మెచ్యూరిటీ డేట్ గా ప్రకటించింది. దీంతో అప్పట్లో పెట్టుబడులు పెట్టిన వారికి మూడింతల లాభం చేకూరుతుంది. దేశంలో భౌతిక బంగారం కొనుగోళ్లను తగ్గించాలనే లక్ష్యంతో 2015 నవంబర్‌లో ఆర్.బీ.ఐ ఈ పథకాన్ని ప్రారంభించింది. ఈ బాండ్ల కాలపరిమితి 8 సంవత్సరాలు. 2017 మార్చిలో జారీ చేసిన 4వ విడత బాండ్ల మెచ్యూరిటీ ధరను తాజాగా ఆర్.బీ.ఐ ప్రకటించింది. ఆ సమయానికి గ్రాముకు రూ.2,943 చొప్పున బాండ్లను జారీ చేయగా, ప్రస్తుత ధరను రూ.8,624గా నిర్ణయించారు. దీని ప్రకారం, అప్పట్లో లక్ష రూపాయలు పెట్టుబడి పెట్టిన వారికి ఇప్పుడు దాదాపు రూ.3 లక్షలు దక్కనున్నాయి. దీనికి అదనంగా, బాండ్లపై ఏటా 2.50 శాతం…

జమ్మూకశ్మీర్ మహిళలకు ఆ రాష్ట్ర ముఖ్యమంత్రి ఒమర్ అబ్దుల్లా మంచి వార్తను అందించారు. ఏప్రిల్ 1 నుండి ప్రభుత్వ రంగ బస్సుల్లో మహిళలకు ఉచిత ప్రయాణ సౌకర్యం కల్పించనున్నట్లు ప్రకటించారు. ఈ కార్యక్రమంతో మహిళలకు ప్రయాణ ఖర్చు తగ్గడం మాత్రమే కాకుండా వారి దైనందిన జీవితానికి మరింత సౌలభ్యం కలుగుతుందని సీఎం పేర్కొన్నారు. మహిళలకు మరింత స్వేచ్ఛ, అవకాశాలను అందించనుందని తెలిపారు. సీఎం ఒమర్ అబ్దుల్లా ప్రకటన పట్ల జమ్మూకశ్మీర్ మహిళలు హార్షం వ్యక్తం చేస్తున్నారు.

కొలంబియా యూనివర్సిటీలో భారత విద్యార్థిని రంజని శ్రీనివాసన్ స్వచ్ఛందంగా అమెరికాను వదిలిపెట్టారు.పాలస్తీనా అనుకూల నిరసనల్లో పాల్గొన్న కారణంగా ఆమె వీసాను మార్చి 5న యూఎస్ హోంల్యాండ్ సెక్యూరిటీ రద్దు చేసింది.ఆమె హింస, ఉగ్రవాదాన్ని సమర్థిస్తున్నారనే ఆరోపణలతో ఈ చర్య తీసుకున్నారని సమాచారం.మార్చి 11న స్వీయ బహిష్కరణ ప్రక్రియను పూర్తి చేసి స్వదేశానికి తిరిగి వెళ్లారు.అమెరికా అధికారులు మిలటరీ విమానంలో పంపకుండా ముందస్తుగా ఆమె జాగ్రత్తలు తీసుకున్నారు.హోంల్యాండ్ సెక్యూరిటీ కార్యదర్శి క్రిస్టి నోయెమ్ ఆమె విమానాశ్రయంలో ఉన్న వీడియోను ఎక్స్‌లో షేర్ చేశారు.రంజని అర్బన్ ప్లానింగ్‌లో రీసెర్చ్ విద్యార్థిగా చదువుతున్నారు. హార్వర్డ్ యూనివర్సిటీలో మాస్టర్స్ డిగ్రీ పూర్తి చేసిన ఆమె అహ్మదాబాద్ సీపీఈటీ యూనివర్సిటీలో బ్యాచిలర్స్ చదివారు.

ఏపీ డిప్యూటీ సీఎం పవన్ కళ్యాణ్ చేసిన వ్యాఖ్యలపై నటుడు ప్రకాష్ రాజ్ ఇచ్చిన కౌంటర్ కు ఏపీ బీజేపీ ఉపాధ్యక్షుడు విష్ణువర్ధన్ రెడ్డి తీవ్రంగా స్పందించారు.పవన్ కల్యాణ్‌ను విమర్శించడం ద్వారా ప్రకాశ్ రాజ్ ప్రచారం పొందాలని చూస్తున్నారని విమర్శించారు.ప్రకాష్ రాజ్ బతికేందుకు కన్నడ, తెలుగు, హిందీ, ఇంగ్లీష్, తమిళ భాషలు నేర్చుకుని సినిమాలు చేశారని గుర్తుచేశారు. కాగా హిందీ సినిమాల ద్వారా డబ్బు సంపాదించడం సరే కానీ,అదే భాషపై ద్వేషాన్ని రెచ్చగొట్టడం తల్లి పాలు తాగి ఆ తల్లికి ద్రోహం చేసినట్లే అని వ్యాఖ్యానించారు.భాషను ప్రేమించడం తప్పు కాదని,అయితే రాజకీయ ఓటు బ్యాంకు కోసం భాషను వాడుకోవడం సిగ్గుచేటని విమర్శించారు.సినీ ఇండస్ట్రీకి సంబంధించిన వారు భాషతో సంబంధం లేకుండా సినిమా చేయడం సహజమని పేర్కొన్నారు.భాషను ఓ రాజకీయ హతక్రీడగా మార్చడం తగదని హితవు పలికారు.ఏకంగా ఓ ఇండస్ట్రీలో పని చేసి ఆ భాషను విమర్శించడం అవాస్తవమైన ధోరణిగా ఆయన అభిప్రాయపడ్డారు.భాషపై…