Author: admin

భారతదేశం వ్యాప్తంగా ఘనంగా జరుపుకునే హోలీ పండుగను న్యూజిలాండ్ ప్రధాని క్రిస్టోఫర్ లుక్సాన్ కూడా తన దేశ ప్రజలతో కలిసి సంబరంగా జరుపుకున్నారు.క్లౌడ్ గులాల్ సిలిండర్ ఉపయోగించి జనంపై రంగులు చల్లుతున్న వీడియో ప్రస్తుతం సోషల్ మీడియాలో వైరల్ అవుతోంది.లుక్సాన్ భారత్‌పై అనేక సందర్భాల్లో అభిమానం వ్యక్తం చేశారు.ఈ సందర్భంగా, వాణిజ్యం,పెట్టుబడులు సహా ద్వైపాక్షిక సహకారాన్ని పెంపొందించుకునేందుకు లుక్సాన్ మార్చి 16 నుండి 20 వరకు భారతదేశ పర్యటనకు రానున్నారు. మార్చి 17న న్యూఢిల్లీలో ప్రధాని నరేంద్ర మోదీతో సమావేశమై ద్వైపాక్షిక సంబంధాలపై చర్చించనున్నారు.రాష్ట్రపతి ద్రౌపది ముర్మును కూడా కలవనున్న ఆయన, మార్చి 19, 20 తేదీల్లో ముంబయిలో పర్యటించనున్నారు.

Read More

గుంటూరుకు చెందిన ప్రముఖ పారిశ్రామికవేత్త, ట్రిపుల్ ఎక్స్ సోప్స్ అధినేత అరుణాచలం మాణిక్యవేల్ (77) నిన్న సాయంత్రం కన్నుమూశారు.కొంతకాలంగా అనారోగ్యంతో బాధపడుతున్న ఆయన గుంటూరులోని ఓ ప్రైవేటు ఆసుపత్రిలో చికిత్స పొందుతూ మృతి చెందారు.1980లలో గుంటూరుకు వచ్చి,సబ్బుల వ్యాపారం ప్రారంభించిన మాణిక్యవేల్, ఇంటింటికి తిరిగి సబ్బులు విక్రయిస్తూ ఎదిగారు. ఫ్యాక్టరీ స్థాపించి, ట్రిపుల్ ఎక్స్ సోప్స్ బ్రాండ్‌ను ప్రజాదరణ పొందేలా చేశారు. “ట్రిపుల్ ఎక్స్.. సంస్కారవంతమైన సోప్” అనే ప్రకటన ఎంతగానో ప్రాచుర్యం పొందింది. సాంస్కృతిక, సేవా సంస్థలకు ఆర్థిక సహాయం అందించిన ఆయన మరణం పరిశ్రమకు తీరని లోటు. ఆయనకు భార్య, కుమారుడు, కుమార్తె ఉన్నారు.నేడు గుంటూరులో అంత్యక్రియలు నిర్వహించనున్నారు.

Read More

విమెన్స్ ప్రీమియర్ లీగ్ (డబ్ల్యూపీఎల్) 2025లో భాగంగా ముంబైలో జరిగిన ఎలిమినేటర్ మ్యాచ్‌లో ముంబై ఇండియన్స్ ఘన విజయం సాధించింది. గుజరాత్ జెయింట్స్‌పై 47 పరుగుల తేడాతో గెలిచి ఫైనల్‌కు చేరుకుంది. ముందుగా బ్యాటింగ్ చేసిన ముంబై జట్టు 20 ఓవర్లలో 213/4 స్కోరు చేసింది. హేలీ మాథ్యూస్ (77) మరియు నట్ స్కివర్ బ్రంట్ (77) అద్భుత ఇన్నింగ్స్ ఆడారు. హర్మన్‌ప్రీత్ కౌర్ 36 పరుగులతో చెలరేగింది. లక్ష్య చేధనలో గుజరాత్ జెయింట్స్ 166 పరుగులకే ఆలౌటైంది. హేలీ మాథ్యూస్ 3 వికెట్లు తీసి అన్ని వైపులా ప్రభావం చూపింది. ‘ప్లేయర్ ఆఫ్ ద మ్యాచ్’ అవార్డు కూడా ఆమెకే దక్కింది. ముంబై ఇండియన్స్ ఇప్పుడు ఢిల్లీ క్యాపిటల్స్‌తో ఫైనల్‌లో తలపడనుంది. Here are the winners of the #CurvvSuperStriker of the Match, #SintexSixesoftheMatch and #HerbalifeActiveCatchOfTheMatch awards 👌👌@TataMotors_Cars | @Sintex_BAPL_Ltd | #SintexTanks |…

Read More

భారతీయ చిత్ర పరిశ్రమలో తనదైన ముద్ర వేసిన దిగ్గజం తెలుగు అగ్ర నటుడు మెగాస్టార్ చిరంజీవి తన అత్యుత్తమ నటనతో 9 ఫిలిం ఫేర్ అవార్డ్స్,3 నంది అవార్డులు సహా ఎన్నో పురస్కారాలు, అత్యున్నత డ్యాన్సులతో గిన్నిస్ బుక్ ఆఫ్ వరల్డ్ రికార్డ్స్ లో చోటు సంపాదించుకున్నారు. చిత్ర పరిశ్రమకు ఆయన చేసిన విశేష సేవలకు గుర్తింపుగా భారత ప్రభుత్వం రెండో అత్యున్నత పౌర పురస్కారమైన పద్మ విభూషణ్ తో సత్కరించిన విషయం తెలిసిందే. కాగా, మరో ప్రతిష్టాత్మక గౌరవం ఆయనకు లభించనుంది. యూకే ప్రభుత్వం సైతం ఆయన సేవలను గుర్తించి లైఫ్ టైం అచీవ్మెంట్ అవార్డు అందించాలని నిర్ణయించింది. యూకే పార్లమెంటు ఈ పురస్కారాన్ని ప్రదానం చేయనుండగా…ఈనెల 19 నా మెగాస్టార్ ఈ గౌరవాన్ని అందుకోనున్నారు.

Read More

మరో వారంలో క్రికెట్ అభిమానులను ఉర్రూతలూగించే సమ్మర్ వినోదాల జల్లు ఇండియన్ ప్రీమియర్ లీగ్ (ఐపీఎల్‌) 2025 సీజ‌న్‌ ప్రారంభం కానుంది. జట్లన్నీ కూర్పులను సిద్దం చేసుకుంటున్నాయి. ఈక్రమంలో తాజాగా ఢిల్లీ క్యాపిటల్స్ (డీసీ) తమ కొత్త కెప్టెన్‌గా అక్షర్ పటేల్‌ను ఎంపిక చేసింది. బ్యాటింగ్, బౌలింగ్ ఫీల్డింగ్ ఇలా అన్ని విభాగాల్లో కూడా అక్షర్ పటేల్ ఎన్నో మ్యాచ్ లలో కీలకంగా వ్యవహరించాడు. ఇక అంత‌కుముందు ఢిల్లీ జ‌ట్టు కెప్టెన్‌గా రిష‌భ్ పంత్ కొన‌సాగాడు. అయితే, వేలంలో అత‌డిని లక్నో సూపర్ జెయింట్స్‌ రూ. 27 కోట్ల భారీ ధరకు కొనుగోలు చేసింది. ఇప్పుడు పంత్ స్థానంలోనే డీసీ ఆల్ రౌండర్ అక్ష‌ర్‌ ను కెప్టెన్ గా నియ‌మించింది. కాగా, గ‌త కొన్నేళ్లుగా ఢిల్లీ జ‌ట్టులో అక్ష‌ర్ ప‌టేల్ కీల‌క ప్లేయ‌ర్ ‌గా కొనసాగుతున్నాడు. ఇక మరో స్టార్ ఆటగాడు కేఎల్ రాహుల్ ఈ సీజన్ నుండి ఢిల్లీకి ఆడనున్నాడు.…

Read More

రక్షణ రంగంలో ఔత్సాహిక పారిశ్రామికవేత్తలు పెద్దఎత్తున పరిశ్రమలు స్థాపించేలా కృషి చేస్తున్న డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ (డీఆర్‌డీవో )మాజీ చైర్మన్, ఏరోనాటికల్ సొసైటీ ఆఫ్ ఇండియా ప్రెసిడెంట్ డాక్టర్ జి సతీష్ రెడ్డి ఏపీ సీఎం చంద్రబాబుతో సచివాలయంలో సమావేశమయ్యారు. ప్రస్తుతం 50 మంది ఔత్సాహిక పారిశ్రమికవేత్తలతో రాష్ట్రంలో పరిశ్రమలు స్థాపించేలా సహకారం అందిస్తానని, ఇందుకు రాష్ట్ర ప్రభుత్వ తోడ్పాటు కావాలని కోరారూ. దీనికి సీఎం చంద్రబాబు సానుకూలంగా స్పందించారు. సీఎం చంద్రబాబు అధ్యక్షతన SIPB సమావేశం ఏపీ సీఎం చంద్రబాబు అధ్యక్షతన అసెంబ్లీ ప్రాంగణంలోని సీఎం ఛాంబర్ లో స్టేట్ ఇన్వెస్ట్ మెంట్ ప్రమోషన్ బోర్డు (SIPB) సమావేశం జరిగింది. ఈ సమావేశంలో మంత్రులు పయ్యావుల కేశవ్, లోకేష్, అచ్చెన్నాయుడు, అనగాని సత్యప్రసాద్, టి జి భరత్, పి.నారాయణ, రాష్ట్ర ప్రభుత్వ ప్రధాన కార్యదర్శి విజయానంద్, ఉన్నతాధికారులు పాల్గొన్నారు.

Read More

నేడు హోళీ పండుగ సందర్భంగా ప్రజలందరికీ ఏపీ సీఎం చంద్రబాబు శుభాకాంక్షలు తెలిపారు. రంగుల పండుగ ‘హోలీ’ సందర్భంగా అందరికి శుభాకాంక్షలు. దేశవ్యాప్తంగా అందరూ జరుపుకునే హోలీ పండుగ మన జీవితాల్లో కొత్త రంగులు నింపాలని కోరుకుంటున్నాను. వసంత కాలంలో మన ఆరోగ్యం కోసం నిర్వహించుకునే హోలీ పండుగను రసాయనాలు ఉపయోగించి కలుషితం చేయవద్దని ఈ సందర్భంగా అందరికి విజ్ఞప్తి చేస్తున్నాను. ‘కామ దహనం’ చేసి, రంగులు చల్లుకుని, ఆనందం పంచుకుని అందరూ సుఖసంతోషాలతో ఉండాలని మనస్ఫూర్తిగా ఆకాంక్షిస్తున్నానంటూ ఆయన ‘ఎక్స్’ లో పోస్ట్ చేశారు. శుభాకాంక్షలు తెలిపిన మంత్రి లోకేష్: చెడుపై మంచి సాధించిన విజయానికి గుర్తు ఈ హోలీ. రంగుల పండుగ హోలీ ప్రతి ఒక్కరి జీవితాల్లో సంతోషాలు, సంబరాలు నింపాలని కోరుకుంటూ తెలుగు ప్రజలందరికీ హోలీ పండుగ శుభాకాంక్షలు.

Read More

అగ్రకథానాయకుడు పవన్ కళ్యాణ్ నటిస్తున్న చిత్రం ‘హరిహార వీరమల్లు’. రెండు భాగాలుగా తెరకెక్కుతున్న ఈ చిత్రం పార్ట్-1: స్వార్డ్ వర్సెస్ స్పిరిట్’ పీరియాడికల్ కథాంశంతో రూపొందుతోంది. నేడు హోలీ పండుగను పురస్కరించుకుని చిత్ర బృందం కీలక అప్‌డేట్ ను అభిమానులతో పంచుకుంది. ఈ చిత్రానికి సంబంధించిన కొత్త విడుద‌ల తేదీని ప్ర‌క‌టించారు. ఈ మేర‌కు ప్ర‌త్యేక పోస్ట‌ర్‌ను విడుద‌ల చేసిన నిర్మాణ సంస్థ మే 9న చిత్రాన్ని ప్రపంచవ్యాప్తంగా ప్రేక్షకుల ముందుకు తీసుకురానున్నట్లు తెలిపింది. ఇక ఈ చిత్రంలో పవన్ సరసన నిధి అగర్వాల్ అలరించనున్నారు. బాలీవుడ్ నటుడు బాబీ డియోల్ కీలక పాత్ర పోషిస్తున్నారు. జ్యోతి కృష్ణ దర్శకత్వం వహిస్తున్నారు. ఎం.ఎం‌కీరవాణీ సంగీతం అందిస్తున్నారు. మెగా సూర్య ప్రొడక్షన్స్ పతాకంపై ఎ.ఎం.రత్నం నిర్మిస్తున్నారు. నిష్ణాతులైన సాంకేతిక నిపుణులు ఈచిత్రానికి పనిచేస్తున్నారు. The battle is set, and the fight for JUSTICE and DHARMA will be unstoppable!…

Read More

ఆల్ ఇంగ్లాండ్ బ్యాడ్మింటన్ ఛాంపియన్ షిప్ లో భారత్ కు మిశ్రమ ఫలితాలు లభించాయి. స్టార్ షట్లర్ లక్ష్యసేన్ క్వార్టర్ ఫైనల్ చేరాడు. పురుషుల సింగిల్స్ ప్రి క్వార్టర్స్ లో లక్ష్యసేన్ 21-13, 21-10తో డిఫెండింగ్ చాంపియన్ ఇండోనేషియా స్టార్ షట్లర్ జొనాథన్ క్రిస్టీ పై గెలిచి క్వార్టర్స్ లోకి దూసుకెళ్లాడు. మరోవైపు మహిళల సింగిల్స్ లో మాళవిక బాన్సోద్ 16-21, 13-21తో జపాన్ కు చెందిన అగ్రశ్రేణి షట్లర్ యమగూచి చేతిలో పరాజయం పాలైంది. పురుషుల డబుల్స్ లో సాత్విక్ సాయిరాజ్-చిరాగ్ శెట్టి జోడీ పోరాటం కూడా ముగిసింది. చైనా ద్వయం జెంగ్-గ్జియ్ తో 16-21, 2-2తో ఉన్న సమయంలో చిరాగ్ కు వెన్ను గాయం వలన పోటీ నుండి తప్పుకుంది.

Read More

ఇంటర్నేషనల్ మాస్టర్స్ లీగ్ లో సచిన్ సేన ఇండియా మాస్టర్స్ ఫైనల్ కు దూసుకెళ్లింది. తాజాగా జరిగిన సెమీ ఫైనల్ లో ఆస్ట్రేలియా మీపై 94 పరుగుల భారీ విజయం సాధించి సత్తా చాటింది. యువరాజ్ సింగ్ 59 (30; 1×4, 7×6),సచిన్ టెండూల్కర్ 42 (30; 7×4), స్టువర్ట్ బిన్నీ 36 (21; 5×4, 1×6) అదరగొట్టారు. దీంతో 20 ఓవర్లలో 7 వికెట్ల నష్టానికి 220 పరుగుల భారీ స్కోరు చేసింది. ఆస్ట్రేలియా బౌలర్లలో డోహార్టీ, డానియల్ క్రిస్టియన్ లు 2 వికెట్లు చొప్పున పడగొట్టారు. లక్ష్య ఛేదనలో ఆస్ట్రేలియా 18.1ఓవర్లలో 126 పరుగులకే కుప్పకూలింది. బెన్ కటింగ్ (39) ఒక్కడే చెప్పుకోదగిన ప్రదర్శన కనబరిచాడు. భారత బౌలర్లలో షాబాజ్ నదీమ్ 4 వికెట్లు, వినయ్ కుమార్ 2 వికెట్లు, ఇర్ఫాన్ పఠాన్ 2 వికెట్లు పడగొట్టారు.

Read More