Author: admin

పృథ్వీరాజ్ సుకుమారన్ దర్శకత్వం వహించిన ‘ఎల్‌2 ఎంపురాన్’ సినిమా వివాదం రోజు రోజుకూ ముదురుతోంది.బీజేపీ హిందుత్వ రాజకీయాలకు వ్యతిరేకంగా ఉన్నట్టుగా అభిప్రాయాలు రావడంతో కేంద్రం ఈ చిత్రాన్ని లక్ష్యంగా చేసిందన్న ఆరోపణలు వినిపిస్తున్నాయి.ఇప్పటికే కొన్ని సన్నివేశాలు తొలగించడమే కాక,నటుడు మోహన్‌లాల్‌ను క్షమాపణలు చెప్పించడంపై విమర్శలు వెల్లువెత్తాయి.తాజాగా ఈ చిత్ర నిర్మాత గోకులం గోపాలన్‌పై ఈడీ దాడులు జరపగా, దర్శకుడు పృథ్వీరాజ్‌కు ఐటీ శాఖ నుండి నోటీసులు అందాయి.2022లో నిర్మించిన *‘జన గణ మన’, ‘గోల్డ్’, ‘కడువ’ సినిమాల లాభాలపై స్పష్టత ఇవ్వాలంటూ ఐటీ శాఖ ఆదేశించింది.ఈ సినిమాల ద్వారా రూ.40 కోట్లు లాభం వచ్చినట్లు ఆరోపణలు ఉన్నాయి. పృథ్వీరాజ్ తల్లి మల్లిక సుకుమారన్ స్పందిస్తూ, తన కుమారుడు ఎలాంటి తప్పు చేయలేదని, విచారణకు సిద్ధంగా ఉన్నారని తెలిపారు.కేంద్రం కావాలనే ఈ చిత్ర బృందాన్ని టార్గెట్ చేస్తోందని నెటిజన్లు మండిపడుతున్నారు.

స్టాండ్‌ అప్‌ కమెడియన్‌ కునాల్‌ కమ్రాకు ప్రముఖ టికెట్‌ బుకింగ్‌ ప్లాట్‌ఫామ్‌ *బుక్‌మైషో* ఊహించని షాక్‌ ఇచ్చింది.కళాకారుల జాబితా నుంచి కమ్రాను తొలగిస్తూ నిర్ణయం తీసుకుంది.మహారాష్ట్ర సీఎం ఏక్‌నాథ్‌ షిండేపై కమ్రా ఇటీవల చేసిన వివాదాస్పద వ్యాఖ్యల నేపథ్యంలో శివసేన కార్యకర్తలు ఆగ్రహం వ్యక్తం చేయగా,శివసేన నేతలు బుక్‌మైషో సీఈవో ఆశిష్ హేమరాజనికి కృతజ్ఞతలు తెలిపారు.పార్టీ సోషల్ మీడియా ఇన్‌చార్జి రాహుల్ కనాల్ లేఖ ద్వారా ఈ నిర్ణయాన్ని ప్రశంసించారు.ముంబై కళలను గౌరవించే నగరమని,కానీ వ్యక్తిగత ఎజెండాలకు ప్రోత్సహం ఉండదని స్పష్టం చేశారు.బుక్‌మైషో విలువలకు, నాయకత్వానికి అభినందనలు తెలుపుతూ కమ్రా వ్యాఖ్యలు శాంతికి భంగం కలిగించేవని పేర్కొన్నారు.కాగా,శివసేన ఎమ్మెల్యే ముర్జీ పటేల్ ఫిర్యాదు మేరకు ముంబై పోలీసులు హాబిటాట్‌ కామెడీ క్లబ్ పై కేసు నమోదు చేశారు.

రామేశ్వరాన్ని తమిళనాడుతో కలుపుతూ నిర్మించిన అత్యాధునిక పంబన్‌ రైలు వంతెనను రేపు (శ్రీరామనవమి రోజున) ప్రధాని నరేంద్ర మోదీ ప్రారంభించనున్నారు. షిప్‌లు వెళ్లే సమయంలో బ్రిడ్జిని పైకి లేపే వర్టికల్‌ లిఫ్ట్‌ సాంకేతికతను ఈ బ్రిడ్జిలో వినియోగించారు. దేశంలో ఈ తరహా ఇంజినీరింగ్ టెక్నాలజీతో నిర్మించబడిన తొలి రైలు వంతెన ఇదే కావడం విశేషం. సుమారు 2.5 కిలోమీటర్ల పొడవుతో ఈ వంతెన నిర్మించబడింది. స్టెయిన్‌లెస్‌ స్టీల్‌తో నిర్మించి, తుప్పుపట్టకుండా ప్రత్యేక రసాయనంతో కోటింగ్ చేశారు. తమిళనాడులో ప్రధాని పర్యటన సందర్భంగా రూ.8,300 కోట్ల విలువైన రైలు, రోడ్డు ప్రాజెక్టులకు శంకుస్థాపన చేసి, జాతికి అంకితం చేయనున్నారు. రామేశ్వరం నుంచి చెన్నై తాంబరం వరకు నూతన రైలు సర్వీసును కూడా ఆయన ప్రారంభించనున్నారు. ఇది దేశ ఇంజినీరింగ్ నైపుణ్యానికి నిదర్శనంగా నిలుస్తుంది.

వివాదాస్పద వక్ఫ్‌ సవరణ బిల్లుపై ఆమ్‌ ఆద్మీ పార్టీ తరఫున ఎమ్మెల్యే అమనతుల్లా ఖాన్‌ సుప్రీంకోర్టును ఆశ్రయించారు.ఈ బిల్లును రాజ్యాంగ విరుద్ధమని అభివర్ణిస్తూ, ఆర్టికల్స్ 14, 15, 21, 25, 26, 29, 30 మరియు 300-ఏలకు వ్యతిరేకంగా ఉందని పిటిషన్‌లో పేర్కొన్నారు. ముస్లిం సమాజానికి చెందిన మతపరమైన,సాంస్కృతిక స్వయంప్రతిపత్తిపై ఈ బిల్లు తీవ్రంగా ప్రభావం చూపుతోందని ఆయన ఆరోపించారు.మత స్వేచ్ఛను హరించే విధంగా ప్రభుత్వ జోక్యానికి మార్గం సుగమమవుతోందని వివరించారు.మైనారిటీలకు రాజ్యాంగం కల్పించిన హక్కులు ఈ బిల్లుతో తగ్గిపోతున్నాయని పేర్కొన్నారు.ధార్మిక సంస్థల నిర్వహణలో ప్రభుత్వ చొరవను పెంచేలా ఉందని ఆందోళన వ్యక్తం చేశారు.ఈ నేపథ్యంలో ఈ బిల్లును రద్దు చేయాలని, రాజ్యాంగబద్ధతను పునఃపరిశీలించాలని సుప్రీంకోర్టును కోరారు.ఈ అంశంపై విచారణ ప్రారంభించిన కోర్టు, తదుపరి విచారణ తేదీని త్వరలోనే వెల్లడించనుంది.

ఢిల్లీ క్యాపిటల్స్:183-6 (20). చెన్నై సూపర్ కింగ్స్:158-5 (20). చెన్నైలోని చెపాక్‌ స్టేడియం వేదికగా నేడు జరిగిన ఢిల్లీ క్యాపిటల్స్ -చెన్నై సూపర్ కింగ్స్ మ్యాచ్ లో ఢిల్లీ 25 పరుగుల తేడాతో విజయభేరీ మోగించింది. ఇక చెన్నై మరో ఓటమిని ఖాతాలో వేసుకుంది. టాస్ గెలిచి మొదట బ్యాటింగ్ చేసిన ఢిల్లీ నిర్ణీత 20 ఓవర్లలో 6 వికెట్ల నష్టానికి 183 పరుగులు చేసింది. కే.ఎల్.రాహుల్ 77 (51; 6×4, 3×6) హాఫ్ సెంచరీతో రాణించాడు. అభిషేక్ పోరెల్ 33 ( 20; 4×4, 1×6), స్టబ్స్ 24 నాటౌట్ (12; 2×4, 1×6), అక్షర్ పటేల్ (21), సమీర్ రిజ్వీ(20) పరుగులు చేశారు. చెన్నై బౌలర్లలో ఖలీల్ అహ్మద్ 2 వికెట్లు, జడేజా, పతిరానా, నూర్ అహ్మద్ ఒక్కో వికెట్ తీశారు. అనంతరం లక్ష్య ఛేదనలో చెన్నై 20 ఓవర్లలో పరుగులు మాత్రమే చేయగలిగింది. విజయ్ శంకర్ 69…

అట్టడుగు ప్రజలకు సంపన్న కుటుంబాల తోడ్పాటే లక్ష్యంగా ఏపీలో పీ4 కార్యక్రమానికి రాష్ట్ర ప్రభుత్వం శ్రీకారం చుట్టింది.సీఎం చంద్రబాబు ఇటీవలే ఈ పీ4 కార్యక్రమాన్ని ప్రారంభించారు. ఆయన పిలుపుతో పీ4కి అనూహ్య స్పందన వస్తోంది. సొంత డబ్బులతో కొమ్మమూరు లిఫ్ట్ ఇరిగేషన్ నిర్మాణానికి ప్రసాద్ సీడ్స్ సంసిద్ధత వ్యక్తం చేసింది. లిఫ్ట్ స్కీం నిర్మాణానికి రూ. 10 కోట్ల వితరణ ప్రసాద్ సీడ్స్ చైర్మన్ ప్రసాద్‌ ముందుకొచ్చారు. కొమ్మమూరు లిఫ్ట్‌ తో కాకుమాను మండలంలో 5,315 ఎకరాలకు సాగునీటి స్థిరీకరణ. రైతుల కోసం లిఫ్ట్ నిర్మాణానికి ముందుకు వచ్చిన ప్రసాద్ ఔదారాన్ని సీఎం చంద్రబాబు అభినందించారు. సమన్వయం చేసుకోవాలని ఇరిగేషన్ శాఖ అధికారులకు ఆదేశించారు.

కేంద్ర హోం మంత్రి అమిత్ షా ఒక ఆసక్తికర ఫోటోను సోషల్ మీడియా వేదికగా పంచుకున్నారు. ఒకప్పుటి నక్సల్ ప్రభావిత ప్రాంతమైన బస్తర్-సుకుమా జిల్లాలోని ఒక ప్రాంతంలో ఇద్దరు పిల్లలు మొబైల్ చూసుకుంటూ తమ ఇంటి బయట ఆడుకుంటున్న ఫోటోను ఆయన షేర్ చేశారు. ఒకప్పుడు ఈ ప్రాంతంలో నక్సలిజం భయంతో ప్రజలు ఇళ్లను వదిలి బయటకు వచ్చే వారు కాదని అయితే ఈరోజు ఆ పిల్లలు ఆనందంగా ఆడుకుంటూ నిర్భయంగా ఫోన్ చూస్తున్న ఈ ఫోటో చూస్తుంటే ఆనందంతో హృదయం ఉప్పొంగుతోందని పేర్కొన్నారు. అభివృద్ధి మరియు విశ్వాసాన్ని ప్రతిబింబించే ఈ చిత్రాన్ని మీతో పంచుకుంటున్నానని ఆయన అన్నారు. ఇక 2026 నాటికి దేశంలో నక్సలిజాన్ని పూర్తిగా నిర్మూలించేందుకు మోదీ ప్రభుత్వం కట్టుబడి ఉందని ప్రస్తుతం నక్సల్స్ ప్రభావిత జిల్లాల సంఖ్య 12 నుంచి 6కి తగ్గిందని, ఇది భద్రతా బలగాల చర్యలకు నిదర్శనమని ఇటీవల ఆయన పేర్కొన్నారు.ఛత్తీస్‌గఢ్ అడవుల్లో ఇటీవల…

వర్తమాన నేర ప్రపంచంలో జరుగుతున్న ఘటనల ఆధారంగా వైవిధ్యభరితమైన కథాంశంతో తెరకెక్కిన చిత్రం “కర్మణ్యే వాధికారస్తే”. ఇటీవల విడుదలైన ఈ చిత్ర టీజర్ వ్యూస్ పరంగా యూట్యూబ్ లో దూసుకెళ్తోంది. ప్రేక్షకులను విశేషంగా ఆకట్టుకుని చిత్రంపై ఆసక్తిని మరింత పెంచేసింది. టీజర్ తాజాగా 1 మిలియన్ కు పైగా వ్యూస్ సొంతం చేసుకుంది. ఈచిత్రానికి అమర్ దీప్ చల్లపల్లి దర్శకత్వం వహించారు. తొలి ప్రయత్నంలోనే తన దర్శకత్వ శైలితో ఆకట్టుకున్నారు. ఉషస్విని ఫిలిమ్స్ పతాకంపై డిఎస్ఎస్ దుర్గా ప్రసాద్ ఈ చిత్రాన్ని నిర్మించారు. మార్తాండ్ కె వెంకటేష్ ఎడిటర్. భాస్కర్ సామల సినిమాటోగ్రఫీ అందించారు. గ్యానీ సంగీతం సమకూర్చారు. కథ- సంభాషణలు శివకుమార్ పెళ్లూరు . శత్రు, బ్రహ్మాజీ, ‘మాస్టర్’ మహేంద్రన్ ప్రధాన పాత్రల్లో నటించగా…పృథ్వీ, శివాజీరాజా, శ్రీ సుధా, బెనర్జీ, అజయ్ రత్నం తదితరులు ఇతర ముఖ్య పాత్రల్లో కనిపించనున్నారు. ఐరా దయానంద్ రెడ్డి ఈచిత్రంతో పరిచయమవుతున్నారు.

ఎన్టీఆర్ జిల్లా ముప్పాళ్లలో ఏపీ సీఎం చంద్రబాబు పర్యటించారు. దిగ్గజ నేత బాబూ జగ్జీవన్ రామ్ జయంతి కార్యక్రమంలో పాల్గొన్నారు. జగ్జీవన్ రామ్ స్ఫూర్తితో కూటమి ప్రభుత్వం పని చేస్తోందని తెలిపారు. 30 ఏళ్ల క్రితమే మహిళల కోసం డ్వాక్రా సంఘాలు ఏర్పాటు చేశామని రాష్ట్రాభివృద్ధి కోసం ఎప్పటికప్పుడు కొత్త ఆలోచనలు చేసినట్లు వివరించారు. సెకండ్ జనరేషన్ సంస్కరణలకు శ్రీకారం చుట్టాం. ఒకప్పుడు జన్మభూమి కార్యక్రమం చేపడితే అందరూ సహకరించారని పేర్కొన్నారు . ఇక ఇప్పుడు P4 (పబ్లిక్, ప్రైవేటు, పీపుల్, పార్టనర్ షిప్) అనే వినూత్న కార్యక్రమంతో ముందుకు వెళ్తున్నామని సీఎం చంద్రబాబు స్పష్టం చేశారు. ఇక తల్లికి వందనం కింద ఎంత మంది పిల్లలు ఉంటే అంత మందికి డబ్బులు ఇస్తామని పునరుద్ఘాటించారు. అమరావతి, పోలవరం నిర్మాణాలు పూర్తి చేయాలని సూపర్-6 హామీలు అమలు చేయాలని పేర్కొన్నారు. దేశంలో ఇంత ఎక్కువ పెన్షన్ ఇస్తున్న రాష్ట్రం ఏపీనేనని అన్నారు.…

భారత ప్రధాని నరేంద్ర మోదీకి శ్రీలంక అత్యున్నత పౌర పురస్కారం ‘మిత్ర విభూషణ’ లభించింది.ఈ పురస్కారాన్ని శ్రీలంక అధ్యక్షుడు అనుర కుమార ప్రత్యేకంగా ప్రధాని మోదీకి అందజేశారు.ఈ పురస్కారంతో మోదీ భారత ప్రధానిగా ఈ గౌరవాన్ని అందుకున్న మొదటి వ్యక్తిగా నిలిచారు.‘మిత్ర విభూషణ’ పురస్కారం రెండు దేశాల మధ్య గాఢమైన స్నేహాన్ని సూచిస్తుంది.ఇందులోని ధర్మ చక్రం సాంస్కృతిక సంప్రదాయాలను ప్రతిబింబిస్తుంది. మధ్యలో ఉన్న కలశం శ్రేయస్సును సూచించగా, తొమ్మిది రత్నాలు శాశ్వత స్నేహాన్ని తెలియజేస్తాయి. సూర్యుడు, చంద్రుడు కలసి రెండు దేశాల మధ్య ఉన్న కాలాతీత బంధాన్ని ప్రతినిధిస్తాయి.మోదీ నాయకత్వంలో భారత్-శ్రీలంక సంబంధాలు మరింత బలపడ్డాయని శ్రీలంక పేర్కొంది.ద్వైపాక్షిక అభివృద్ధికి మోదీ పాత్ర అసాధారణమని వారు ప్రశంసించారు. ఈ గౌరవం రెండు దేశాల స్నేహానికి మరో మైలురాయిగా నిలిచిందని రాజకీయవర్గాలు అభిప్రాయపడుతున్నాయి.