Author: admin

కేంద్ర వాణిజ్యశాఖ మంత్రి పియూష్ గోయల్ స్టార్టప్ మహా కుంభ్ లో కీలక వ్యాఖ్యలు చేశారు. భారత్‌-చైనా స్టార్టప్‌ల మధ్య వ్యత్యాసం గురించి ఆయన మాటలు ఆలోచింపజేసే విధంగా ఉన్నాయి. మన దేశంలోని చాలా స్టార్టప్స్ ఫుడ్ డెలివరీ వంటి తదితర యాప్‌లపై ఎక్కువగా దృష్టి పెట్టాయని, కానీ చైనాలోని స్టార్టప్‌లు మాత్రం వీటికి భిన్నంగా సాగుతున్నాయని తెలిపారు. దేశంలో ప్రస్తుతం ఉన్న స్టార్టప్‌లు ఫుడ్ డెలివరీ యాప్స్‌ పై దృష్టి పెట్టాయి. దీంతో దేశంలో దిగువ శ్రేణి కార్మికులు తయారై సంపన్నులు కాలు బయటపెట్టకుండా ఫుడ్ పొందగలుతున్నారు. అంతకుమించి ఏంలేదు. అయితే ఇదే సమయంలో చైనా స్టార్టప్ సంస్థలు ఏఐ, ఈవీలు, సెమీ కండక్టర్ల సెక్టార్ లను ఎంచుకుంటున్నాయని తెలిపారు. భారత్‌లో డీప్-టెక్ స్టార్టప్‌లు లిమిటెడ్ గా వస్తున్నాయని, ఆ సెక్టార్ లో కేవలం 1,000 స్టార్టప్‌లు మాత్రమే ఉండటం ఆందోళనకరమని అన్నారు. ఇక్కడి యువతరం గొప్ప ఆలోచనలు రూ.25…

గత సెషన్ లో ఒక మోస్తరు నష్టాలతో ట్రేడింగ్ ముగించిన దేశీయ స్టాక్ మార్కెట్లు నేటి ట్రేడింగ్ లో భారీ నష్టాలు చూశాయి. ఇటీవల అమెరికా ప్రెసిడెంట్ డొనాల్డ్ ట్రంప్ ప్రకటించిన టారిఫ్ లతో అంతర్జాతీయ మార్కెట్లు కుదేలవడంతో ఆ ప్రభావం మన మార్కెట్ల పైన పడింది. బీ.ఎస్.ఈ సెన్సెక్స్ 30లో నమోదిత కంపెనీల విలువ దాదాపు రూ.9.5 లక్షల కోట్లు క్షీణించి రూ.403 లక్షల కోట్లకు చేరింది. బాంబే స్టాక్ ఎక్స్ చేంజ్ సూచీ సెన్సెక్స్ 930 పాయింట్ల నష్టంతో 75,364 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 345 పాయింట్లు నష్టపోయి 22,904 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.42గా కొనసాగుతోంది. ఐసీఐసీఐ బ్యాంక్, హెచ్.డి.ఎఫ్.సి బ్యాంక్, నెస్లే ఇండియా, బజాజ్ ఫైనాన్స్ షేర్లు లాభాలతో ముగిశాయి.

ఆంధ్రప్రదేశ్ సచివాలయంలో నేటి ఉదయం అగ్నిప్రమాదం సంభవించిన సంగతి తెలిసిందే. కాగా, అగ్నిప్రమాద ప్రదేశాన్ని సీఎం చంద్రబాబు పరిశీలించారు. వెలగపూడి సచివాలయంలోని రెండవ బ్లాక్‌లో తెల్లవారుజామున చోటు చేసుకున్న అగ్నిప్రమాద ప్రదేశాన్ని సీఎస్ విజయానంద్, డీజీపీ హరీష్ కుమార్ గుప్తా, హోంమంత్రి అనిత,జీఏడీ పొలిటికల్ సెక్రటరీ ముఖేష్ కుమార్ మీనాతో కలిసి సీఎం చంద్రబాబు పరిశీలించారు. అంతకుముందు ఏపీ హోం మంత్రి అనిత అగ్నిప్రమాద స్థలాన్ని పరిశీలించారు. ఘటనకు షార్ట్ సర్క్యూట్ కారణమని జీఏడీ, సీఆర్డీఏ అధికారులు తెలిపారు.ఫోరెన్సిక్ నివేదిక అనంతరం తగిన చర్యలు తీసుకుంటామని తెలిపారు. భవిష్యత్తుల ఇలాంటివి జరగకుండా చర్యలకు ఆదేశించారు.

అంతర్జాతీయ వేదికపై కీలక పరిణామం చోటుచేసుకుంది.భారత ప్రధాని నరేంద్ర మోడీతో బంగ్లాదేశ్ తాత్కాలిక ప్రభుత్వాధినేత యూనస్ భేటీ అయ్యారు. బ్యాంకాక్ లో జరుగుతున్న బిమ్ స్టెక్ సమ్మిట్ సందర్భంగా వీరిరువురూ ప్రత్యేకంగా సమావేశం కావడం ప్రత్యేకతను సంతరించుకుంది. ఇక ఈ సందర్భంగా వీరితో పాటు విదేశాంగ మంత్రి జైశంకర్, నేషనల్ సెక్యూరిటీ అడ్వైజర్ అజిత్ దోవల్ కూడా ఉన్నారు. బంగ్లాదేశ్ మాజీ ప్రధాని షేక్ హసీనా పదవీచ్యుతరాలైన తర్వాత భారత్-బంగ్లాదేశ్ మధ్య సంబంధాలు సంక్లిష్ట స్థితికి చేరిన సంగతి తెలిసిందే. యూనస్ గద్దెనెక్కిన తర్వాత హిందువులు ఇతర మైనారిటీలపై అక్కడ దాడులు పెరగడంపై భారత్ అనేక సార్లు ఆందోళన వ్యక్తం చేసింది.

ప్రజా ప్రభుత్వం ఏర్పడిన 10 నెలల్లోనే ఎన్నికల ముందు ఇచ్చిన హామీ నిలబెట్టుకొన్నట్లు ఏపీ మంత్రి నారా లోకేష్ తెలిపారు. పేదలకు పట్టాభిషేకం.. మంగళగిరి పేద ప్రజల దశాబ్దాల కల నెరవేరిందని పేర్కొన్నారు. మన ఇల్లు -మన లోకేష్ కార్యక్రమంలో భాగంగా ప్రజలకు ఇళ్ల పట్టాలు అందించారు . అనంతరం మాట్లాడుతూ శాశ్వత హక్కు కల్పిస్తూ ఇళ్ల పట్టాలు అందించాను. పట్టాలు అందుకున్న వారి ఆనందం వెల కట్టలేనిదని తెలిపారు. మంగళగిరి నియోజకవర్గ ప్రజలను గుండెల్లో పెట్టుకుని పనిచేస్తానని లోకేష్ అన్నారు. నియోజకవర్గ ప్రజల కోసం 26 సంక్షేమ, అభివృద్ధి పథకాలను అమలు చేస్తున్నట్లు తెలిపారు. అత్యధిక మెజారిటీతో తనను గెలిపించిన ప్రజల కోసం అహార్నిశలు కృషి చేస్తానని స్పష్టం చేశారు. ‘సూపర్ సిక్స్ ‘ హామీలతో పాటు మంగళగిరి నియోజకవర్గ ప్రజలకు ఇచ్చిన హామీలను అమలు చేసే పనిలో ఉన్నట్లు తెలిపారు. ఈనెల 13న 100 బెడ్స్ హాస్పిటల్ కు…

తిరుపతి – పళని మధ్య ఆర్టీసీ సర్వీసును ఏపీ డిప్యూటీ సీఎం పవన్ కళ్యాణ్ రవాణా శాఖ మంత్రి మండిపల్లి రామ్ ప్రసాద్ రెడ్డితో కలిసి ప్రారంభించారు. 505 కిలోమీటర్లు… 680 రూపాయలు కలియుగ ప్రత్యక్షదైవం శ్రీ వెంకటేశ్వర స్వామి, శ్రీ సుబ్రహ్మణ్య స్వామి ఆశీస్సులతో తిరుపతి- పళని మధ్య రెండు లగ్జరీ బస్సులతో సర్వీసులు ప్రారంభించినట్లు తెలిపారు. తిరుపతి నుంచి పళనికి, పళని నుంచి తిరుపతికి ఒకే సమయంలో ఈ రెండు బస్సులు మొదలవుతాయి. 505 కిలోమీటర్ల ఈ ప్రయాణం దాదాపు 11 గంటలపాటు సాగుతుంది. తిరుపతి నుంచి రాత్రి 8 గంటల సమయంలో మొదలైన బస్సు చిత్తూరు, క్రిష్ణగిరి, ధర్మపురి మీదుగా ఉదయం 7 గంటల సమయంలో పళని చేరుకుంటుంది. అలాగే పళని నుంచి రాత్రి 8 గంటల సమయంలో మొదలైన బస్సు తిరుపతికి ఉదయం 7 గంటల సమయంలో చేరుకుంటుంది. భద్రతతో కూడిన ప్రయాణం ఇవ్వాలని ఈ…

జాతీయ ఎయిడ్స్ నియంత్రణా సంస్థ(NACO) న్యాకో తాజా నివేదికలో ఆంధ్రప్రదేశ్ రాష్ట్రం 7వ స్థానానికి చేరింది . దేశంలో ఎయిడ్స్ నియంత్రణలో ప‌నితీరు బాగా మెరుగుప‌ర్చుకుని ఏపీ 7వ స్థానానికి చేరుకుంది. గతేడాది ఏప్రిల్-డిసెంబర్ మధ్య మెరుగైన పనితీరును క‌న‌బ‌రిచి తద్వారా 17వ ర్యాంక్ నుండి పైకి ఎగబాకింది. ఈ కాలంలో ఎయిడ్స్ ను నియంత్రించడంలో ఏపీ కృషిని న్యాకో ప్రశంసించింది. వివిధ ప్ర‌మాణాల విషయంలో ఏపీశాక్స్ సాధించిన ఫ‌లితాల్ని న్యాకో వెల్ల‌డించింది. గతేడాది ఏప్రిల్, డిసెంబర్ మ‌ధ్య‌కాలంలో ఎపి శాక్స్ 90 శాతం నిధులను ఉపయోగించుకుంది. ఎయిడ్స్ వ్యాధిని నియంత్రించడంలో మంచి పని తీరును కనబర్చినందుకు ఏపీ శాక్స్ పీడీ డాక్టర్ ఎ.సిరిని, సిబ్బందిని వైద్య, ఆరోగ్య శాఖా మంత్రి సత్య కుమార్ అభినందించారు.

ప్రదీప్ చిలుకూరి దర్శకత్వంలో నందమూరి కళ్యాణ్ రామ్ హీరోగా తెరకెక్కిన తాజా చిత్రం ‘అర్జున్ సన్నాఫ్ వైజయంతి’. సీనియర్ నటి విజయశాంతి కీలక పాత్రలో నటించారు.అశోక్ వర్ధన్ ముప్పా, సునీల్ బలుసు నిర్మించారు. కాగా, ఈ చిత్రం ఏప్రిల్ 18న ప్రపంచవ్యాప్తంగా థియేటర్లలో విడుదల కానున్నట్లు చిత్ర నిర్మాణ సంస్థ ఎన్టీఆర్ ఆర్ట్స్ అధికారికంగా తెలిపింది. ఇటీవల విడుదలైన టీజర్ లో యాక్షన్ సన్నివేశాలు చిత్రంపై ఆసక్తిని పెంచేలా ఉన్నాయి. విజయశాంతి ఈ చిత్రంలో వైజయంతి ఐపీఎస్ పాత్రని పోషించడం మరో హైలెట్. ఇక సోహైల్ ఖాన్, సయీ మంజ్రేకర్, శ్రీకాంత్, పృథ్వీరాజ్ ఇతర ముఖ్య పాత్రల్లో కనిపించనున్నారు.

రూ. 5 వేల కోట్లతో అనకాపల్లి జిల్లా గోరపూడి గ్రామంలోని ఐపీ రాంబిల్లి ఫేజ్-2లో బల్క్ డ్రగ్స్ పరిశ్రమ ఏర్పాటు కానుంది. కాగా, ఈ పరిశ్రమ ఏర్పాటు చేయబోతున్న లారెస్ ల్యాబ్స్ సంస్థ ప్రతినిధులు ఏపీ సీఎం చంద్రబాబుతో మర్యాదపూర్వకంగా భేటీ అయ్యారు. సీఈవో చావా సత్యనారాయణ, ఎగ్జిక్యూటివ్ వైస్ ప్రెసిడెంట్ చావా నరసింహారావు ఉన్నారు. ఈ యూనిట్ ద్వారా ప్రత్యక్షంగా, పరోక్షంగా 7,500 మంది ఉపాధి పొందనున్నారు . లారస్ సంస్థకు అన్ని విధాలా ప్రభుత్వం సహకరిస్తుందని, వీలైనంత త్వరగా నిర్మాణ పనులు చేపట్టాలని సీఎం పేర్కొన్నారు.

వెస్ట్ బెంగాల్ సీఎం మమతా బెనర్జీ ప్రభుత్వానికి సుప్రీంకోర్టులో ఎదురుదెబ్బ తగిలింది. ఆ రాష్ట్ర స్కూల్ సర్వీస్ కమిషన్‌ పరిధిలో ఉద్యోగాలు పొందిన 25 వేల మందికి పైగా టీచర్లు, బోధనేతర సిబ్బంది నియామకాలను రద్దు చేస్తూ కలకత్తా హైకోర్టు ఇచ్చిన ఉత్తర్వులను సుప్రీంకోర్టు సమర్థించింది. రిక్రూట్మెంట్ ప్రాసెస్ అంతా లోపభూయిష్టంగా ఉందని దానికి విశ్వసనీయత, చట్టబద్ధత లేదని పేర్కొంది. హైకోర్టు ఆదేశాల్లో జోక్యం చేసుకోవాల్సిన ఆవశ్యకత లేదని దేశ అత్యున్నత న్యాయస్థానం సుప్రీంకోర్టు ప్రధాన న్యాయమూర్తి సంజీవ్ ఖన్నా, జస్టిస్ పీవీ సంజయ్ కుమార్‌తో కూడిన ధర్మాసనం స్పష్టం చేసింది. నియామకాలు సరిగా లేదని నియామక ప్రక్రియలో పెద్ద ఎత్తున అవకతవకలు జరిగాయని అంది. సదరు అభ్యర్థులు సంవత్సరాలుగా పొందిన వేతనాలను తిరిగి చెల్లించాల్సిన అవసరం లేదని స్పష్టం చేసింది. అయితే, వారి నియామకాలను మాత్రం రద్దు చేస్తున్నట్టు తెలిపింది. కాగా, 2016లో మమత సర్కారు నిర్వహించిన రాష్ట్రస్థాయి పరీక్షకు…