Author: admin

ఆంధ్రప్రదేశ్ సచివాలయంలోని రెండో బ్లాక్‌లో ఈరోజు ఉద‌యం అగ్నిప్రమాదం చోటుచేసుకుంది. దీంతో స‌మాచారం అందుకున్న ఫైర్ సిబ్బంది వెంట‌నే ఘ‌ట‌నాస్థ‌లి వద్దకు చేరుకుని మంటలను అదుపు చేసి ఆర్పివేశారు. ఈ ఘటనకు సంబంధించిన పూర్తి వివరాలు తెలియాల్సి ఉంది. కాగా, సచివాలయంలోని రెండో బ్లాక్‌లోనే డిప్యూటీ సీఎం పవన్ కళ్యాణ్, హోం మంత్రి వంగలపూడి అనిత, ఆర్థిక మంత్రి పయ్యావుల కేశవ్, టూరిజం మంత్రి కందుల దుర్గేష్, దేవాదాయ శాఖ మంత్రి ఆనం రామనారాయణరెడ్డి, మున్సిపల్ శాఖ మంత్రి నారాయణ, పౌరసరఫరాల శాఖ మంత్రి నాదెండ్ల మనోహర్ ఆఫీసులు ఉన్నాయి. 

బాలీవుడ్ నటుడు, దర్శకుడు మనోజ్ కుమార్ తుదిశ్వాస విడిచారు. ఆయన వయసు 87 ఏళ్లు. కొంతకాలంగా అనారోగ్యంతో బాధపడుతున్న ఆయన ముంబయిలోని కోకిలాబెన్ ధీరూభాయ్ అంబానీ హాస్పిటల్ లో చికిత్స పొందుతూ కన్నుమూశారు. ఆయన అసలు పేరు హరికృష్ణ గోస్వామి 1937లో జన్మించారు. 1957లో ‘ఫ్యాషన్’ చిత్రంతో ఇండస్ట్రీలోకి ప్రవేశించారు. ‘పలు చిత్రాలలో దర్శకుడిగా, రైటర్గా, నటుడిగా ప్రేక్షకులకు చేరువయ్యారు. ఎక్కువగా దేశభక్తి సినిమాలు తెరకెక్కించి అలరించారు. 40 సంవత్సరాలకు పైగా సినీ పరిశ్రమకు సేవలు అందించారు. బాలీవుడ్ అగ్రహీరోలతో సినిమాలు రూపొందించారు. తన కెరీర్ లో ఎన్నో అవార్డులు సొంతం చేసుకున్నారు. ఆయన చిత్ర పరిశ్రమకు చేసిన సేవలకు గాను 1992లో పద్మశ్రీ, 2015లో దాదాసాహెబ్ఫల్కే అవార్డులతో కేంద్ర ప్రభుత్వం సత్కరించింది. మనోజ్ కుమార్ మృతి పట్ల ప్రధాని మోడీ సహా పలువురు ప్రముఖులు సంతాపం వ్యక్తం చేశారు.

ఐపీఎల్ లో కోల్ కతా నైట్ రైడర్స్ జట్టు అద్భుతమైన ఘనత సాధించింది. తాజాగా సన్రైజర్స్ హైదరాబాద్ జరిగిన మ్యాచ్ లో కేకేఆర్ 80 పరుగుల తేడాతో విజయం సాధించింది. ఈక్రమంలో కేకేఆర్ అరుదైన రికార్డును తానే ఎకౌంట్ లో వేసుకుంది. ఐపీఎల్ చరిత్రలో ఇప్పటివరకు 3 జట్లపై 20 అంతకంటే ఎక్కువ విజయాలను నమోదు చేసిన తొలి టీమ్ గా కేకేఆర్ అవతరించింది. సన్ రైజర్స్ హైదరాబాద్ పై 20, రాయల్ ఛాలెంజర్స్ బెంగళూరుపై 20, పంజాబ్ కింగ్స్ పై 21 మ్యాచుల్లో కోల్ కతా గెలిచింది.

సన్ రైజర్స్ హైదరాబాద్ వరుస పరాజయాలు కొనసాగుతున్నాయి. జట్టు మరోసారి పేలవ ప్రదర్శనతో నిరాశ పరిచింది. తాజాగా జరిగిన మ్యాచ్ లో కోల్ కతా నైట్ రైడర్స్ చేతిలో 80 పరుగుల భారీ తేడాతో పరాజయం పాలైంది. దారుణమైన ఫీల్డింగ్, కీలక బ్యాటర్లు విఫలమవడం ఆ జట్టు ఓటమిలో కీలక పాత్ర పోషించాయి. మరోవైపు కోల్ కతా అద్భుతమైన ఆటతీరుతో ఆకట్టుకుంది. మ్యాచ్ లో టాస్ గెలిచిన సన్ రైజర్స్ హైదరాబాద్ ఫీల్డింగ్ ఎంచుకుంది. దీంతో మొదట బ్యాటింగ్ చేసిన కోల్ కతా నిర్ణీత 20 ఓవర్లలో 6 వికెట్ల నష్టానికి 200 పరుగులు చేసింది. వెంకటేష్ అయ్యర్ 60 (29; 7×4, 3×6), రఘవన్షీ 50 (32; 5×4, 2×6) హాఫ్ సెంచరీలతో చెలరేగారు. కెప్టెన్ రహానే 38 (27; 1×4, 4×4), రింకూ సింగ్ 32 (17; 4×4, 1×6) పరుగులు చేసి ఆ జట్టు 200 పరుగులు…

కాంగ్రెస్ అగ్రనేత్రి సోనియా గాంధీ వక్ఫ్ సవరణ బిల్లును లోక్‌సభలో ‘బుల్‌డోజ్’ చేశారని మండిపడ్డారు. ఈ బిల్లును రాజ్యాంగంపై దాడిగా అభివర్ణించిన ఆమె, ప్రభుత్వం ప్రతిపక్షాలకు తగినంత చర్చా సమయం ఇవ్వలేదని ఆరోపించారు.ఈ వివాదాస్పద బిల్లును బుధవారం లోక్‌సభలో 12 గంటలపాటు చర్చించిన అనంతరం ఓటింగ్ ద్వారా ఆమోదించారు. బిల్లుకు అనుకూలంగా 282 ఓట్లు పడగా, వ్యతిరేకంగా 232 ఓట్లు నమోదయ్యాయి. అర్ధరాత్రి 2 గంటల ప్రాంతంలో ఓటింగ్ ముగిసింది.కాంగ్రెస్ పార్లమెంటరీ పార్టీ సమావేశంలో సోనియా మాట్లాడుతూ, రాజ్యసభలో వ్యూహాత్మకంగా వ్యవహరించాలని సూచించారు.ప్రతిపక్షాల సమన్వయంతో ఈ బిల్లును తిప్పికొట్టాలని పిలుపునిచ్చారు.మోదీ ప్రభుత్వం రాజ్యాంగాన్ని ధ్వంసం చేయాలని చూస్తోందని ఆమె ఆరోపించారు.నేడు ఈ బిల్లు రాజ్యసభలో ప్రవేశపెట్టనున్నారు.రాజ్యసభలో ప్రభుత్వం మెజారిటీ కలిగి ఉండటంతో ఈ బిల్లుపై ప్రతిపక్షాల వ్యూహం కీలకంగా మారనుంది.

కంచ గచ్చిబౌలి భూముల వ్యవహారంలో హైకోర్టు రిజిస్ట్రార్ పంపిన మధ్యంతర నివేదికను సుప్రీంకోర్టు పరిశీలించింది.ఈ నివేదిక ఆధారంగా కోర్టు రాష్ట్ర ప్రభుత్వ చర్యలను నిలిపివేయాలని ఉత్తర్వులు జారీ చేసింది. ప్రభుత్వ ప్రధాన కార్యదర్శిని (CS) ప్రతివాదిగా చేర్చిన కోర్టు, చట్టాన్ని చేతుల్లోకి తీసుకోవడం ఎలా సాధ్యమని ప్రశ్నించింది. జస్టిస్ గవాయ్ ధర్మాసనం ఈ వ్యవహారాన్ని తీవ్రంగా పరిగణించింది.కోర్టు,ఈ అంశంపై రాష్ట్ర ప్రభుత్వాన్ని అఫిడవిట్ దాఖలు చేయాలని ఆదేశించింది.తదుపరి విచారణను ఈ నెల 16కి వాయిదా వేసింది.హైకోర్టు కూడా ఈ వ్యవహారంలో కీలక ఆదేశాలు ఇచ్చింది.ఇటీవల హైకోర్టులో ఈ వ్యవహారంపై విచారణ జరుగగా, 400 ఎకరాల్లో చెట్ల నరికివేతను తక్షణమే ఆపాలని ఆదేశించింది.పిటిషన్లను పరిశీలించిన అనంతరం, కేసును ఈ నెల 7వ తేదీకి వాయిదా వేసింది.అప్పటివరకు భూముల్లో ఎలాంటి అభివృద్ధి పనులు చేపట్టకూడదని స్పష్టం చేసింది. హైకోర్టులో ప్రజా ప్రయోజన వ్యాజ్యాలపై రాష్ట్ర ప్రభుత్వం కౌంటర్ దాఖలు చేయాల్సి ఉందని, దీనికోసం అడ్వకేట్…

డీఎంకే పార్టీ సీనియర్ నేత ఏ రాజా తాజాగా చేసిన వ్యాఖ్యలు వివాదాస్పదంగా మారాయి. పార్టీ కార్యకర్తలకు ఆయన కుంకుమ బొట్టు పెట్టుకోవద్దని, చేతికి కంకణం కట్టుకోవద్దని సూచించారు.డీఎంకే పార్టీకి అనుసంధానమైన ధోతీ ధరించిన సమయంలో ఈ అలంకరణలను నివారించాలన్నారు.ఈ వ్యాఖ్యలు సోషల్ మీడియాలో వైరల్ అవుతుండగా,ఆయన మాటలపై వివాదం రాజుకుంది.ఏ రాజా తన వ్యాఖ్యల్లో దేవుడి నమ్మకాలపై వ్యతిరేకత లేదని,కానీ బొట్టు, కంకణం ధరించడం ద్వారా ఆర్‌ఎస్‌ఎస్ సభ్యుల్లా కనిపించే అవకాశం ఉందని తెలిపారు.స్టూడెంట్ వింగ్ కార్యకర్తలు కనీసం ఈ నియమాన్ని పాటించాలని సూచించారు.పేరెంట్స్ విభూతి పెడితే దాన్ని అంగీకరించొచ్చని అన్నారు. ఈ వ్యాఖ్యలపై తమిళనాడు దేవాదాయ శాఖ మంత్రి పీకే శేఖర్ బాబు స్పందించారు. ఏ రాజా వ్యక్తిగత అభిప్రాయంగా ఈ వ్యాఖ్యలు చేశారని, డీఎంకే పార్టీ దీనికి బాధ్యత వహించదని స్పష్టం చేశారు.ఇదివరకూ కూడా ఏ రాజా వివాదాస్పద వ్యాఖ్యలు చేసిన సందర్భాలు ఉన్నాయి.ఈ విషయంపై తమిళనాడు…

పశ్చిమబెంగాల్‌లో మమతా బెనర్జీ సర్కార్‌కు సుప్రీంకోర్టు భారీ షాక్ ఇచ్చింది. టీచర్ల నియామక కుంభకోణం కేసులో కోల్‌కతా హైకోర్టు ఇచ్చిన తీర్పును సమర్థిస్తూ, 2016లో నియమించిన 25,753 మంది టీచర్లు, నాన్-టీచింగ్ సిబ్బంది నియామకాలను రద్దు చేసింది. అయితే, ఈ ఉద్యోగులు ఇప్పటివరకు పొందిన వేతనాలను తిరిగి చెల్లించాల్సిన అవసరం లేదని స్పష్టం చేసింది.గతేడాది ఏప్రిల్‌లో కలకత్తా హైకోర్టు ఈ నియామకాలను రద్దు చేస్తూ, అక్రమ నియామకాలపై సీబీఐ దర్యాప్తునకు ఆదేశాలు జారీ చేసింది. కొత్తగా రిక్రూట్‌మెంట్ చేపట్టాలని పశ్చిమబెంగాల్ స్కూల్ సర్వీస్ కమిషన్‌ను (SSC) ఆదేశించింది. 2016లో 24,640 ఖాళీల కోసం పరీక్ష నిర్వహించగా, 25,753 మందికి అపాయింట్‌మెంట్ లెటర్లు జారీ చేసినట్లు ఆరోపణలు వచ్చాయి.ఈ తీర్పుతో పశ్చిమబెంగాల్ ప్రభుత్వంపై రాజకీయ ఒత్తిడి పెరగనుంది. అక్రమ నియామకాల కేసులో మరింత లోతైన దర్యాప్తు జరుగుతుందని అంచనా.కోర్టు తీర్పుతో ప్రభావితమైన ఉపాధ్యాయులు ఇకపై తమ భవిష్యత్తు ఏమిటన్న ఆందోళనలో ఉన్నారు.

వక్ఫ్ బోర్డు చట్ట సవరణ బిల్లును 12 గంటల సుదీర్ఘ చర్చ అనంతరం నిన్న లోక్ సభ ఆమోదించిన సంగతి తెలిసిందే. కాగా, నేడు ఆ బిల్లును కేంద్ర మైనారిటీ వ్యవహారాల శాఖ మంత్రి కిరణ్ రిజిజు నేడు రాజ్యసభలో ప్రవేశపెట్టారు. వక్ఫ్ ఆస్తులను ముస్లిమేతరులు నిర్వహిస్తారనే తప్పుడు అభిప్రాయాన్ని ప్రతిపక్షాలు అనవసరంగా ఆరోపణలు చేస్తున్నాయని, అందులో నిజం లేదని రిజిజు స్పష్టం చేశారు. రాజ్యసభలో ఆయన మాట్లాడుతూ కాంగ్రెస్ నేతృత్వంలోని యూపీఏ 2013లో వక్ఫ్ బిల్లుకు సవరణలు చేసిందని, ఆ తప్పులను తాము తాజాగా చేసిన సవరణలు ఏవిధంగా సరిదిద్దుతాయో కూడా వివరించారు. వక్ఫ్ ఆస్తుల దుర్వినియోగాన్ని 2013లో సెలెక్ట్ కమిటీ అంగీకరించిందని, దేశంలోనే ఇది మూడవ అతిపెద్ద భూ యజమానిగా ఉన్నప్పటికీ, మైనారిటీ వర్గానికి ప్రయోజనం చేకూర్చేందుకు వనరులను సద్వినియోగం చేసుకోవడంలో విఫలమైందన్నారు. వక్ఫ్ బోర్డుల కూర్పునూ వివరించారు. కేంద్ర, రాష్ట్ర స్థాయిల్లో వక్ఫ్ బోర్డుల పాలకవర్గాల్లో మహిళా…

భారత ప్రధాని నరేంద్ర మోదీ రెండు రోజుల థాయ్‌లాండ్ పర్యటన కోసం ఇవాళ బ్యాంకాక్ చేరుకున్నారు.థాయ్‌లాండ్ ప్రధాని పేటోంగ్టార్న్ షినవత్ర ఆహ్వానం మేరకు ఆయన ఈ పర్యటన చేపట్టారు.బ్యాంకాక్ ఎయిర్‌పోర్ట్‌లో ప్రధానికి ఘన స్వాగతం లభించింది.పర్యటన సందర్భంగా మోదీ థాయ్‌లాండ్ ప్రధానితో ద్వైపాక్షిక సంబంధాలపై చర్చించనున్నారు.అనంతరం ఏప్రిల్ 4న శ్రీలంకకు వెళ్లనున్నారు,అక్కడ మూడు రోజుల పాటు పర్యటించనున్నారు. శ్రీలంక పర్యటనలో ఆ దేశ అధ్యక్షుడు అనురకుమార దిసనాయకేతో ప్రధాని మోదీ సమావేశం కానున్నారు.రెండు దేశాల మధ్య ఉన్న వ్యాపార సంబంధాలు, ఆర్థిక సహాయ ఒప్పందాలు, నైపుణ్యాభివృద్ధి వంటి అంశాలపై చర్చించనున్నారు.ఇక ఏప్రిల్ 4న బ్యాంకాక్‌లో జరిగే బే ఆఫ్ బెంగాల్ ఇనీషియేటివ్ ఫర్ మల్టీ సెక్టోరల్ టెక్నికల్ అండ్ ఎకనామిక్ కోఆపరేషన్ సమావేశంలో కూడా ప్రధాని పాల్గొననున్నారు.ఈ సమావేశంలో వాణిజ్యం,పెట్టుబడులు,అభివృద్ధి వంటి కీలక అంశాలపై సభ్యదేశాధినేతలతో చర్చలు జరిపే అవకాశం ఉంది.