భారత్‌లోని 9 యూనివర్సిటీలు మరియు విద్యాసంస్థలు ‘క్యూఎస్‌’ ప్రపంచ టాప్-50 జాబితాలో స్థానం దక్కించుకున్నాయి. మినరల్‌, మైనింగ్‌ ఇంజనీరింగ్‌లో ధన్‌బాద్‌ ఐఎస్‌ఎం 20వ ర్యాంక్‌ సాధించగా, ముంబై, ఖరగ్‌పూర్‌ ఐఐటీలు వరుసగా 28, 45 స్థానాల్లో నిలిచాయి. ఎలక్ట్రికల్‌, ఎలక్ట్రానిక్స్‌ ఇంజనీరింగ్‌లో ఢిల్లీ, ముంబై ఐఐటీలు టాప్-50లో స్థానం సంపాదించాయి. ఐఐటీ మద్రాస్‌ (పెట్రోలియం ఇంజనీరింగ్‌), జేఎన్‌యూ (డెవలప్‌మెంట్‌ స్టడీస్‌) కూడా టాప్-50లో చోటు దక్కించుకున్నాయి. దంత వైద్య శాస్త్రంలో సవిత మెడికల్‌, టెక్నికల్‌ ఇన్‌స్టిట్యూట్‌ (తమిళనాడు) టాప్-50లో నిలిచింది. హెచ్‌సీయూ ఏడు సబ్జెక్టుల్లో మంచి ర్యాంకులు సాధించింది. ఆంగ్ల భాష-సాహిత్యంలో 251-300, లింగ్విస్టిక్స్‌ 301-350, సోషియాలజీ 301-375, కెమిస్ట్రీ 451-500, ఎకనామిక్స్‌-ఎకనామెట్రిక్స్‌ 501-550, ఫిజిక్స్‌-ఖగోళశాస్త్రం 601-675, బయోలాజికల్‌ సైన్సెస్‌లో 651-700 బ్యాండ్‌ ర్యాంకింగ్‌ పొందింది.
Author: admin
విజ‌య‌న‌గ‌రం జిల్లా, బొబ్బిలి మండ‌లం, పెంట జెడ్పీ హైస్కూల్ హెడ్మాస్టర్ చింత ర‌మ‌ణ గారు పిల్ల‌ల విద్యా పురోగ‌తి అంతంత‌మాత్రంగా ఉంద‌ని, చెప్పిన మాట విన‌డంలేద‌ని….విద్యార్థులను దండించ‌కుండా, గుంజీలు తీసిన వీడియో సోషల్ మీడియా ద్వారా విద్యాశాఖ మంత్రి లోకేష్ దృష్టికి వచ్చింది. ఈ సందర్భంగా ఆయన దానిపై స్పందిస్తూ సోషల్ మీడియా ‘ఎక్స్’ లో పోస్ట్ చేశారు. హెడ్మాస్ట‌రు గారూ! అంతా కలిసి ప‌నిచేసి, ప్రోత్సాహం అందిస్తే మ‌న ప్ర‌భుత్వ పాఠ‌శాల‌ల పిల్లలు అద్భుతాలు సృష్టిస్తారు. వారిని దండించ‌కుండా అర్థం చేసుకునేలా మీ స్వీయ‌క్ర‌మ‌శిక్ష‌ణ చ‌ర్య ఆలోచ‌న బాగుంది అంటూ అభినందనలు తెలిపారు. అందరం కలిసి విద్యాప్ర‌మాణాలు పెంచుదాం. పిల్ల‌ల విద్య, శారీర‌క, మాన‌సిక వికాసానికి కృషిచేసి, వారి బంగారు భ‌విష్య‌త్తుకు బాట‌లు వేద్దామని పిలుపునిచ్చారు. విజ‌య‌న‌గ‌రం జిల్లా, బొబ్బిలి మండ‌లం, పెంట జెడ్పీ హైస్కూల్ హెడ్మాస్టర్ చింత ర‌మ‌ణ గారు పిల్ల‌ల విద్యా పురోగ‌తి అంతంత‌మాత్రంగా ఉంద‌ని, చెప్పిన…
గుండె పోటు,బ్రెయిన్‌ స్ట్రోక్‌ను నివారించడానికి చైనా వ్యాక్సిన్‌ను అభివృద్ధి చేసింది.అయితే రక్తనాళాలు గట్టిపడడం,రక్తవాహికల్లో రక్త ప్రవాహానికి అడ్డంకులు ఏర్పడడానికి కారణమయ్యే ‘ప్లేక్స్‌’ ఏర్పడడాన్ని ఈ నానో వ్యాక్సిన్ నిరోధిస్తుందని సమాచారం.నాన్జింగ్‌ యూనివర్సిటీ ఆఫ్‌ సైన్స్‌ అండ్‌ టెక్నాలజీ,చైనా యూనివర్సిటీ ఆఫ్‌ సైన్స్‌ అండ్‌ టెక్నాలజీ సంయుక్తంగా ‘కాక్‌టైల్‌’ రూపంలో ఈ నానో వ్యాక్సిన్‌ను అభివృద్ధి చేశారు. కాగా రక్తనాళాలు పెళుసుబారకుండా,వాహికల్లో కొవ్వు పొరలు ఏర్పడకుండా అనేక ప్రొటీన్లు పనిచేస్తున్నాయన్న పరిశోధనా ఫలితాలు గతంలోనే వెలువడ్డాయి.ఈ ఫలితాలు కొత్త వ్యాక్సిన్ కు స్ఫూర్తిగా నిలిచాయి.అలా పనిచేసే వాటిలో పీ210 కారకం ఒకటి….దీనిని ఐరన్‌ ఆక్సైడ్‌ నానోపార్టికల్స్‌కు జత చేశారు.ఇలా తయారుచేసిన వ్యాక్సిన్ రోగనిరోధక శక్తిని మరింత పెంచడానికి ఒక ఉత్ర్పేరకాన్ని వాడారు.అయితే దీన్ని తొలిదశలో ఎలుకలపై ప్రయోగించినప్పుడు చక్కటి ఫలితాలు వచ్చాయని శాస్త్రవేత్తలు తెలిపారు.
ఆల్ ఇంగ్లాండ్ బ్యాడ్మింటన్ ఛాంపియన్ షిప్ లో భారత స్టార్ షట్లర్ పీ.వీ.సింధుకు మొదటి రౌండ్ లోనే పరాభవం ఎదురైంది. 21-19, 13-21, 13-21తో కొరియాకు చెందిన కిమ్ గా యున్ చేతిలో ఓడింది. మొదటి గేమ్ లో ఆధిపత్యం కనబరిచింది. ఆ తర్వాత ప్రత్యర్థి పైచేయి సాధించింది. మహిళల డబుల్స్ లో గాయత్రీ గోపీచంద్-ట్రీసాజాలీ జోడీ మొదటి రౌండ్ లో 21-17, 21-13తో చైనీస్ తైపీకి చెందిన సంఘ్ షు యున్-యు చీన్ హుయిపై గెలిచారు. మిక్స్డ్ డబుల్స్ లో రుత్విక శివాని- రోహిత్ కపూర్ ద్వయం 21-10, 17-21, 24-22తో చైనీస్ తైపీకి చెందిన యి హాంగ్ వీ నికోల్ గొంజాలెస్ చాన్ లపై గెలిచింది.
ప్రముఖ కథానాయకుడు శ్రీకాంత్ కుమారుడు రోషన్ ప్ర‌ధాన పాత్ర‌లో తెరకెక్కుతున్న తాజా చిత్రం “ఛాంపియన్”.ఈ చిత్రానికి ప్రదీప్ అద్వైత్ ద‌ర్శ‌క‌త్వం వహిస్తున్నాడు.ఈ చిత్రాన్ని స్వప్న సినిమాస్, జీ స్టూడియోస్, ఆనంది ఆర్ట్ క్రియేషన్స్ కాన్సెప్ట్ బ్యాన‌ర్లు ఈ సినిమాను సంయుక్తంగా నిర్మిస్తున్నాయి.రోషన్ నాలుగు ఏళ్ల అనంతరం ఈ చిత్రం ప్రేక్షకుల ముందుకు వస్తున్నాడు.గతంలో కాన్వెంట్, పెళ్లిసందD చిత్రాల్లో నటించాడు.ఈరోజు రోషన్ పుట్టిన రోజు సందర్భంగా ఈ సినిమా నుండి ఫ‌స్ట్ లుక్‌తో పాటు గ్లింప్స్‌ను చిత్రబృందం విడుదల చేసింది.ఈ చిత్రం స్పోర్ట్స్ బ్యాక్‌డ్రాప్‌లో తెరకెక్కుతుందని తెలుస్తుంది.ఈ చిత్రానికి మిక్కీ జే మేయర్ సంగీతం అందిస్తున్నాడు. https://youtu.be/SVOFCkU0av0?si=dy-jPYQfJnXFPxwl
సినీ నటుడు,మాజీ వైసీపీ నేత పోసాని కృష్ణమురళికి మరో షాక్ తగిలింది.డిప్యూటీ సీఎం పవన్ కళ్యాణ్,మంత్రి నారా లోకేష్ గురించి అనుచిత వ్యాఖ్యలు చేసిన కేసులో గుంటూరు కోర్టు పోసానికి 14 రోజుల రిమాండ్ విధించింది.ఈ మేరకు ఆయనను గుంటూరు జిల్లా జైలుకు తరలించారు.అయితే పోసానిపై ఇప్పటి వరకు నమోదైన అన్ని కేసుల్లో ఆయనకు బెయిల్ వచ్చింది. కాగా ఆయన కర్నూలు జైలు నుండి విడుదల అవుతారని అందరూ భావిస్తున్న సమయంలో… గుంటూరు సీఐడీ పోలీసులు ఆయనపై పీటీ వారెంట్ దాఖలు చేశారు.పీటీ వారెంట్ ను కొట్టివేయాలని ఆయన హైకోర్టులో లంచ్ మోషన్ పిటిషన్ వేయగా…ఆ పిటిషన్ ను హైకోర్టు కొట్టివేసింది.కర్నూలు నుండి గుంటూరుకు పోసానిని తీసుకెళ్లిన పోలీసులు…ఆయనను సీఐడీ కోర్టులో ప్రవేశపెట్టారు.కోర్టులో వాదనల సమయంలో జడ్జి ఎదుల పోసాని భోరున విలపించారని సమాచారం.నా ఆరోగ్యం బాగోలేదని…బెయిల్ ఇవ్వకపోతే ఆత్మహత్యే శరణ్యమని వాపోయారని తెలుస్తుంది.ఇరు పక్షాల వాదనలను విన్న న్యాయమూర్తి…పోసానికి 14…
తెలంగాణలో బీజేపీ ప్రభుత్వం వస్తేనే హిందువులకు రక్షణ ఏర్పడుతుందని గోషామహల్ ఎమ్మెల్యే, బీజేపీ సీనియర్ నేత రాజా సింగ్ వ్యాఖ్యానించారు.అయితే తెలంగాణలో అధికారంలోకి రావాలంటే పార్టీలోని సీనియర్ నేతలకు రిటైర్మెంట్ ప్రకటించి ఇంట్లో కూర్చోబెట్టాలని సంచలన వ్యాఖ్యలు చేశారు. కొంతమంది సీనియర్ నేతలు , సీఎం రేవంత్ తో రహస్యంగా భేటీ అవుతున్నారని విమర్శించారు.ఏ ప్రభుత్వం వస్తే ఆ ప్రభుత్వంలోని కీలక నేతలను, ముఖ్యమంత్రిని రహస్యంగా కలిసి మంతనాలు చేస్తున్నారని,ఇలాంటి నేతలను పార్టీ నుండి బహిష్కరించాలని డిమాండ్ చేశారు.తెలంగాణలో బీజేపీ అధికారంలోకి రావాలంటే ఈ చర్యలు తీసుకోవాలంటూ అధిష్ఠానానికి రాజా సింగ్ సూచించారు.
అమెరికా ప్రతిపాదించిన 30 రోజుల కాల్పుల విరమణ ఒప్పందానికి ఉక్రెయిన్ అధ్యక్షుడు జెలెన్‌స్కీ అంగీకరించిన అనంతరం రష్యా అధ్యక్షుడు వ్లాదిమిర్ పుతిన్ తొలిసారిగా యుద్ధ భూమిలోకి అడుగు పెట్టడం ప్రాధాన్యతను సంతరించుకుంది.కాగా ఆయన నిన్న పశ్చిమ రష్యాలోని కర్క్స్‌లో పర్యటించారు.అయితే ఈ ప్రాంతంలోని కొంత భూభాగాన్ని ఉక్రెయిన్ దళాలు స్వాధీనం చేసుకున్న సంగతి తెలిసిందే.ఈ మేరకు కర్క్స్ లోని రష్యా దళాల కంట్రోల్ సెంటర్ కు అధ్యక్షుడు పుతిన్ వెళ్లారు.పుతిన్ మిలటరీ డ్రస్‌లో ఉన్న ఫొటోలను మీడియా ప్రసారం చేసింది.యుద్ధ భూమిలోని పరిస్థితులను అధ్యక్షుడు పుతిన్‌కు రష్యన్ జనరల్ స్టాఫ్ హెడ్ వలెరీ జెరసిమోవ్ వివరించారు.కొంత మంది ఉక్రెయిన్ సేనలు తమకు లొంగిపోయినట్లు చెప్పారు.త్వరగా ఈ ప్రాంతం నుండి కీవ్ దళాలను తరిమికొట్టాలని పుతిన్ ఆదేశించినట్లు సమాచారం.
ఏపీ సీఎం చంద్రబాబు కూటమి ప్రభుత్వంపై విమర్శలు గుప్పించారు. పేద విద్యార్థులను చదువులకు దూరం చేసే మీ కుట్రపై వైయ‌స్ఆర్‌సీపీ ఆధ్వర్యంలో ప్రజాస్వామ్యయుతంగా “యువత పోరు’’ ద్వారా విద్యార్థులు గళమెత్తారని ఆయన ‘ఎక్స్’ లో పోస్ట్ చేశారు. పలుచోట్ల పోలీసులతో ఈ కార్యక్రమాన్ని అడ్డుకోవాలని చూసినా వాటన్నింటినీ అధిగమించి ఈ సంవత్సర కాలంగా ఈ ప్రభుత్వం పెడుతున్న కష్టాలపై నిలదీశారు. నిరుద్యోగులు, విద్యార్థులు మీకు పంపిన తొలి హెచ్చరిక ఇదని పేర్కొన్నారు. పలు అంశాలపై ప్రభుత్వాన్ని నిలదీశారు. పేదరికం వల్ల పెద్ద చదువులకు ఎవ్వరూ దూరం కాకూడదన్న దృఢ సంకల్పంతో వైసీపీ ప్రభుత్వం తెచ్చిన పథకాలను మీ ప్రభుత్వం పూర్తిగా నీరుగార్చింది. చంద్రబాబుగారూ… మీ గత పాలనలోని ఆ చీకటి రోజులనే మళ్లీ మీరు తీసుకు వచ్చారని దుయ్యబట్టారు.ప్రజల పక్షాన నిలుస్తూ, విద్యార్థుల సమస్యలపై, వారికోసం చంద్రబాబు గారి కూటమి ప్రభుత్వాన్ని నిలదీస్తూ “యువత పోరు’’ కార్యక్రమాన్ని విజయవంతం చేసిన పిల్లలు,…
అక్రమంగా భారత్ లోకి చొరబడేందుకు ప్రయత్నించిన 2601 మంది బంగ్లాదేశీయులను అరెస్టు చేసినట్లు కేంద్ర హోం శాఖ సహాయ మంత్రి నిత్యానంద రాయ్ తెలిపారు. 2024 జనవరి-2025 జనవరి మధ్య వీరిని అదుపులోకి తీసుకున్నట్లు పేర్కొన్నారు. బంగ్లాదేశ్ నుండి భారత్ కు అక్రమ చొరబాట్లు అడ్డుకునేందుకు కేంద్ర ప్రభుత్వం వేగవంతమైన చర్యలు తీసుకుంటున్నట్లు తెలిపారు. ఈమేరకు ఆయన రాజ్యసభలో లిఖితపూర్వక సమాధానం ఇచ్చారు. భారత్- బంగ్లా బోర్డర్ లో అధునాతన నిఘా టెక్నాలజీ సిస్టమ్ ను కాంప్రహెన్సివ్ ఇంటిగ్రేటెడ్ బోర్డర్ మేనేజ్మెంట్ సిస్టమ్ (సీ.ఐ.బి.ఎం.ఎస్)ను ఉపయోగిస్తున్నామని వీటితో పాటు తీసుకుంటున్న వివిధ చర్యలను వివరించారు.