నేషనల్ ఎడ్యుకేషన్ పాలసీలో భాగంగా త్రిభాషా విధానాన్ని కేంద్ర ప్రభుత్వం తీసుకొచ్చింది. కాగా, దీని అమలుపై కేంద్ర ప్రభుత్వం తమిళనాడు డీఎంకే ప్రభుత్వం మధ్య మాటల యుద్ధం కొనసాగుతోన్న సంగతి తెలిసిందే. కొందరు దీనిని సమర్థిస్తున్నారు…మరి కొందరు వ్యతిరేకిస్తున్నారు. కాగా, తాజాగా రాజ్యసభ ఎంపీ ప్రముఖ సంఘసేవకురాలు సుధామూర్తి త్రిభాషా విధానానికి మద్దతు పలికారు. ఒక వ్యక్తి పలు భాషలు నేర్చుకోవాలని తాను భావిస్తున్నానని చెప్పారు. పిల్లలు ఎక్కువ భాషలు మాట్లాడడం మంచిదేనని అన్నారు. తనకు 7-8 భాషలు వచ్చని పేర్కొన్నారు. చాలా మంది ఇటువంటి అభిప్రాయానికి మద్దతు పలుకుతున్నారు.
Author: admin
నిన్నటి ట్రేడింగ్ లో ఫ్లాట్ గా ముగిసిన దేశీయ స్టాక్ మార్కెట్ సూచీలు నేడు స్వల్ప నష్టాలతో ముగించాయి. అంతర్జాతీయ మార్కెట్ల ప్రతికూల ప్రభావం, కీలక రంగాల్లో షేర్లలో అమ్మకాలతో సూచీలు నష్టాల బాటలో పయనించాయి. బాంబే స్టాక్ ఎక్స్ చేంజ్ సూచీ సెన్సెక్స్ 72 పాయింట్లు నష్టంతో 74,029 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 27 పాయింట్లు నష్టపోయి 22,470 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.22గా కొనసాగుతోంది. సెన్సెక్స్ 30లో ఇండస్ ఇండ్ బ్యాంక్, టాటా మోటార్స్, బజాజ్ ఫైనాన్స్, హెచ్.డి.ఎఫ్.సి బ్యాంక్, కోటక్ మహీంద్రా బ్యాంక్ షేర్లు లాభాలతో ముగిశాయి.
వైసీపీ లోని కొందరు నేతలపై మాజీ ఎంపీ విజయసాయిరెడ్డి సంచలన వ్యాఖ్యలు చేశారు. పార్టీలో వారు ఎదగడానికి తనను కొందరు కిందకు లాగారని అన్నారు. వైసీపీ అధినేత జగన్ చుట్టూ ఉన్న కోటరీ కారణంగా ఆయనకు తీవ్ర నష్టం జరుగుతోందని కోటరీ నుండి బయటకు రాకపోతే జగన్ కు రాజకీయ భవిష్యత్తు ఉండదని అన్నారు. కాకినాడ పోర్టు వాటాల బదిలీ కేసులో నిందితుడిగా ఉన్న మాజీ రాజ్యసభ సభ్యుడు విజయసాయిరెడ్డి సీఐడీ విచారణ ముగిసింది. విచారణ తర్వాత ఆయన మీడియాతో మాట్లాడుతూ ఈ వ్యాఖ్యలు చేశారు. తన మనసులో జగన్ పట్ల గౌరవం ఉందని జగన్ మనసులో తనకు స్థానం లేదని అందుకే తాను పార్టీ నుంచి బయటకు వచ్చేశానని తెలిపారు. కోటరీ వల్లే తాను జగన్ కు దూరమయ్యానని చెప్పారు. కోటరీ మాటలు వినొద్దని జగన్ కు స్పష్టంగా చెప్పానని తెలిపారు. భవిష్యత్తుల్లో మళ్లీ వైసీపీలో చేరే అవకాశమే లేదని…
ఎలాన్ మస్క్ స్టార్ లింక్ శాటిలైట్ ఇంటర్నెట్‌ ను భారత్ కు తీసుకొచ్చేందుకు రిలయన్స్ జియో తయారైంది. ఈ మేరకు స్పేస్ ఎక్స్ తో ఒప్పందం చేసుకుంది. భారత్‌లో స్టార్ లింక్ ఇంటర్నెట్‌ను అందించేందుకు స్పేస్ ఎక్స్‌తో భాగస్వామ్యం కుదుర్చుకున్నట్టు ఎయిర్‌ టెల్ కూడా తాజాగా చెప్పింది. ఒక్క రోజులోనే జియో నుండి కూడా ఈ ప్రకటన రావడం గమనార్హం. అందరికీ బ్రాడ్ బ్యాండ్ కనెక్టివిటీ అందేలా చూసేందుకు ఈ భాగస్వామ్యం ఒక కీలక అడుగు. జియో బ్రాడ్ బ్యాండ్ వ్యవస్థతో స్టార్ లింక్ ను అనుసంధానించడం ద్వారా మా రేంజ్ ను మరింత విస్తరించనున్నాం. ఈ ఒప్పందం ఏఐ ఆధారిత యుగంలో హైస్పీడ్ బ్రాడ్ బ్యాండ్ విశ్వసనీయతను పెంచనుందని పేర్కొంది. జియో తన రిటైల్ అవుట్లెట్లు, ఆన్లైన్ వేదికగా స్టార్ లింక్ సేవలు అందుబాటులోకి తీసుకురానుంది. ఈ రెండు సంస్థలు పరస్పరం తమ ప్రయోజనాల దృష్ట్యా ముందుకుసాగనున్నాయని తన ప్రకటనలో…
అమెరికా ప్రెసిడెంట్ గా బాధ్యతలు స్వీకరించిన తర్వాత నుండి పలు దేశాలపై సుంకాలు విధిస్తూ తనదైన శైలిలో దూకుడు ప్రదర్శిస్తున్నారు డొనాల్డ్ ట్రంప్. కాగా కెనడాకు చెందిన ఉక్కు, అల్యూమినియంపై 50 శాతం సుంకాలు విధిస్తామని మొదట చెప్పిన ట్రంప్ ఆ విషయంలో ప్రస్తుతం వెనక్కితగ్గారు. అమెరికాలోని పలు రాష్ట్రాలపై విద్యుత్ ధరల పెంపును కెనడా ఉపసంహరించుకున్న నేపథ్యంలో ట్రంప్ కూడా పట్టువీడినట్లు తెలుస్తోంది. అమెరికాకి సరఫరా చేసే విద్యుత్ పై 25% అదనపు రుసుము వసూలు చేస్తామని ఆంటారియో ప్రీమియర్ డగ్ ఫోర్డ్ పేర్కొనడంతో కెనడా స్టీల్, అల్యూమినియంపై 50% సుంకాలు విధిస్తామని ట్రంప్ మొదట ప్రకటించారు. అయితే తాజాగా ఆ పెంపును తాత్కాలికంగా నిలిపివేశారు. కాగా, యూఎస్ వాణిజ్య సెక్రటరీ హోవార్డ్ లుట్నిక్ తో చర్చల తర్వాత విద్యుత్ పై 25% అదనపు రుసుము వసూలు చేయాలనేది ప్రణాళికలను పక్కకు పెట్టినట్లు ఒంటారియో ప్రీమియర్ డగ్ ఫోర్డ్ తెలిపారు.
నేడు వైఎస్సార్ కాంగ్రెస్ పార్టీ 15వ ఆవిర్భావ దినోత్సవం సందర్భంగా ఆ పార్టీ అధినేత మాజీ సీఎం వైఎస్ జగన్ సోషల్ మీడియా ‘ఎక్స్’ వేదికగా పార్టీ కార్య‌క‌ర్త‌ల‌కు, నాయ‌కుల‌కు, శ్రేయోభిలాషులంద‌రికీ శుభాకాంక్షలు తెలిపారు. తన తండ్రి దివంగ‌త సీఎం డాక్ట‌ర్ వైయ‌స్ఆర్ ఆశ‌యాల సాధ‌నే ల‌క్ష్యంగా ఆవిర్భ‌వించిన వైయ‌స్ఆర్ కాంగ్రెస్ పార్టీని నాటి నుండి నేటి వ‌ర‌కూ తమ భుజ‌స్కందాల‌పై మోస్తున్న కార్య‌క‌ర్త‌లు, అభిమానులు, శ్రేయోభిలాషులు, నాయ‌కులంద‌రికీ పార్టీ ఆవిర్భావ దినోత్స‌వ శుభాకాంక్షలు. నా ఒక్క‌డితో మొద‌లై, ఎన్నో ఒడిదుడుకులు ఎదుర్కొని, ప్ర‌జ‌ల ఆశీస్సుల‌తో శ‌క్తివంత‌మైన రాజకీయ పార్టీగా ఎదిగిన వైయ‌స్ఆర్ కాంగ్రెస్ పార్టీ 15వ సంవ‌త్స‌రంలోకి అడుగుపెట్టింది. ఈ సుదీర్ఘ కాలంలో పార్టీ నిరంతరం ప్ర‌జ‌ల‌తోనే ఉంది, ప్ర‌జ‌ల కోసం ప‌నిచేస్తూనే ఉంది. అధికారంలో ఉన్న ఆ ఐదేళ్ల‌లో దేశ రాజకీయ చ‌రిత్ర‌లో ఏ రాష్ట్రంలో ఏ పార్టీ చేయ‌ని విధంగా సంక్షేమం, అభివృద్ధిని అందించింది. ప్ర‌జ‌ల జీవ‌న…
ఆల్ ఇంగ్లాండ్ బ్యాడ్మింటన్ ఛాంపియన్ షిప్ లో లక్ష్యసేన్ 13-21, 21-17,21-15తో లీ యాంగ్ పై విజయం సాధించాడు. మహిళల సింగిల్స్ లో మాళవిక బాన్సోద్ 21-13, 10-21, 21-17తో సింగపూర్ కు చెందిన యో జియా మిన్ పై గెలిచింది. హెచ్.ఎస్.ప్రణయ్ 19-21, 16-21తో ఫ్రాన్స్ కు చెందిన పోపోవ్ చేతిలో ఓడాడు. మహిళల డబుల్స్ మొదటి రౌండ్ లో అశ్విని పొన్నప్ప, తనీష్ క్యాస్ట్రో జోడీ 20-22, 18-21తో చైనీస్ తైపీకి చెందిన పీ షాన్ సీ-ఎన్ జు హాంగ్ ద్వయం చేతిలో ఓటమిపాలయ్యారు. మిక్స్డ్ డబుల్స్ లో సతీష్ కుమార్ -ఆద్య జోడీ 6-21, 15-21తో చైనాకు చెందిన గువో జిన్ వా-ఫాంగ్ హుయి జోడీ చేతిలో ఓడిపోయారు.
ఆంధ్రప్రదేశ్ లో గిరిజనులు పండించే అరకు కాఫీని మరింత ప్రోత్సహించే దిశగా కూటమి ప్రభుత్వం కీలక చొరవ తీసుకుంది. ఈ నేపథ్యంలో లోక్ సభ స్పీకర్ ఓం బిర్లాను కేంద్ర మంత్రి రామ్మోహన్ నాయుడు తెలుగుదేశం పార్టీ పార్లమెంటరీ చైర్మన్ లావు శ్రీకృష్ణదేవరాయలు, బీజేపీ ఎంపీ సీఎం రమేష్ లు కలిసి పార్లమెంటులో అరకు కాఫీ ప్రచారం కోసం ప్రత్యేకమైన కార్యక్రమాన్ని మరియు అరకు కాఫీ కోసం శాశ్వతంగా ఒక స్టాల్ ఏర్పాటు చేయమని కోరారు. తోటి పార్లమెంట్ సభ్యులు మరియు ప్రముఖులకు ఈ కాఫీ రుచిని మరింత దగ్గర చేసే విధంగా తీసుకురావాలనే భాగంగా ఈ ప్రయత్నం చేసినట్లు రామ్మోహన్ నాయుడు సోషల్ మీడియా ‘ఎక్స్’ లో తెలిపారు. మన అరకు కాఫీ గురించి సాక్షాత్తు మన ప్రధాని మోడీనే మన్ కీ బాత్ వంటి పలు ముఖ్య సందర్భాలలో మన అరకు కాఫీ యొక్క విశిష్టతను ప్రస్తావించిన విషయం…
ఏపీ సీఎం చంద్రబాబు అధ్యక్షతన తాజాగా అసెంబ్లీలోని ఛాంబర్ లో ఆంధ్రప్రదేశ్ క్యాపిటల్ రీజియన్ డెవలప్మెంట్ అథారిటీ (CRDA) సమావేశం జరిగింది. రాజధాని అమరావతిలో టెండర్లు ఖరారైన రూ.37,702.15 కోట్ల విలువైన 59 పనులకు ఈ సమావేశంలో ఆమోదం తెలిపారు. మొత్తం రూ.48,012 కోట్ల విలువైన 73 పనులకు గతంలో CRDA ఆమోదం తెలుపగా అందులో 61 పనులకు CRDA, ADC టెండర్లు పిలిచాయి. వాటిలో 59 పనులకు బిడ్స్ ఓపెన్ చేసి కాంట్రాక్టు సంస్థలను ఖరారు చేశారు. ఇక అథారిటీ సమావేశం తీసుకున్న నిర్ణయాలు పురపాలక శాఖ మంత్రి నారాయణ మీడియాకు తెలిపారు. 24 పనులకు టెండర్లు పిలిచి రూ.22,607.11 కోట్ల విలువైన 22 పనులకు బిడ్స్ ఖరారు చేసినట్లు వివరించారు. మిగిలిన రెండు పనులకు ఈనెల 17న టెండర్లు చేయనున్నట్లు తెలిపారు. ADC రూ.15,095.04 కోట్ల విలువైన 37 పనులకు టెండర్లు పిలిచినట్లు పేర్కొన్నారు. త్వరలో లెటర్ ఆఫ్…
భారత ప్రధాన మంత్రి నరేంద్ర మోడీ మారిషస్ లో పర్యటిస్తున్నారు. కాగా , ఆ దేశ అధ్యక్షుడు ధరమ్ గోకుల్‌ కు మహా కుంభమేళా నుండి తీసుకువెళ్లిన పవిత్ర జలాన్ని అందించారు. ఈ పర్యటనలో భాగంగా ఆయనతో భేటీ అయ్యారు. ఈ సందర్భంగా పవిత్ర జలంతో పాటు పలు బహుమతులను అందించారు. అనంతరం మారిషస్ అధ్యక్షుడు ఇచ్చిన విందులో పాల్గొన్నారు. దానికి ముందు మారిషస్ ప్రధాని నవీన్ రామ్ గోలంతో నరేంద్ర మోడీ సమావేశమయ్యారు. ఆ దేశ జాతిపిత సీవోసాగర్ రామ్ గోలం పేరు మీద ఏర్పాటు చేసిన బొటానికల్ గార్డెన్‌ ను సందర్శించారు. ఇరువురు ప్రధానులు గార్డెన్‌ లో మొక్కలు నాటారు. అమ్మ పేరిట మొక్క నాటినట్లు నరేంద్ర మోడీ సోషల్ మీడియా ‘ఎక్స్’ లో తెలిపారు.