Author: admin

అమెరికా స్టాక్‌ మార్కెట్లు కుప్పకూలిన నేపథ్యంలో నేడు ఆసియా స్టాక్‌ మార్కెట్లపైనా ఆ ప్రతికూల ప్రభావం పడింది. దేశీయ మార్కెట్లపైనా ప్రారంభంలో ఆ ప్రభావం కనిపించినా తర్వాత సూచీలు క్రమంగా కోలుకున్నాయి. నష్టాల నుండి కోలుకుని ఫ్లాట్‌గా ట్రేడింగ్ ముగించాయి. బాంబే స్టాక్ ఎక్స్ చేంజ్ సూచీ సెన్సెక్స్ 12 పాయింట్లు నష్టంతో 74,102 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 37 పాయింట్లు లాభపడి 22,460 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.19గా కొనసాగుతోంది. ఇండస్ ఇండ్ బ్యాంక్ షేర్లు నేటి ట్రేడింగ్ లో భారీగా నష్టపోయాయి. ఐసీఐసీఐ బ్యాంక్, సన్ ఫార్మా, భారతీ ఎయిర్టెల్, మారుతీ సుజుకి, హెచ్.సి.ఎల్ టెక్నాలజీస్ షేర్లు లాభాలతో ముగిశాయి.

రానున్న రోజుల్లో పెద్ద సంఖ్యలో పైలెట్లు అవసరమవుతాయి కేంద్ర పౌర విమానయాన శాఖ మంత్రి రామ్మోహన్ నాయుడు అన్నారు. ప్రయాణికుల సంఖ్య ఏడాదికేడాదికి పెరుగుతుందని దానికి అనుగుణంగా విమానయాన సంస్థలు విమానాలు సిద్దం చేసుకుంటున్నాయని అన్నారు. భారత్ లో సివిల్ ఏవియేషన్ సెక్టార్ వేగంగా విస్తరిస్తోందన్నారు. రానున్న 15-20 సంవత్సరాలలో దాదాపు 30వేల పైలెట్లు అవసరమవుతారని అంచనా వేశారు. 200 శిక్షణ విమానాలు కొనుగోలుకు ఏర్పాటు చేసిన కార్యక్రమంలో ఆయన పాల్గొన్నారు. దేశీయంగా 800 విమానాలు సేవలందిస్తున్నాయని 6-7 వేల మంది పైలెట్లు పనిచేస్తున్నారని అన్నారు. ఇప్పటికే పలు సంస్థలు 1700 విమానాలు ఆర్డర్ పెట్టినట్లు తెలిపారు. భారత్ ను ట్రైనింగ్ కు కూడా హాబ్ గా మార్చాలనే లక్ష్యంగా పెట్టుకున్నట్లు తెలిపారు. ఏవియేషన్ రంగం అభివృద్ధి కోసం ఒక సమిష్టి విధానంతో కృషి చేస్తున్నట్లు పేర్కొన్నారు.

అధికారంలో వచ్చిన వెంటనే అంగన్వాడీలకు న్యాయం చేస్తామని హామీలు ఇచ్చిన కూటమి ప్రభుత్వం… ఇప్పుడు వారికి తీరని అన్యాయం చేస్తుందని మాట తప్పి మోసం చేయడం అంటే ఇదేనని సోషల్ మీడియా ‘ఎక్స్’ వేదికగా విమర్శలు గుప్పించారు. తమ గోడు వినిపించాలనుకున్న అంగన్వాడీలను ఎక్కడికక్కడ నిర్బంధించడం నిరంకుశత్వానికి నిదర్శనమని మండిపడ్డారు. వారి గొంతు నొక్కి, ఆందోళలను అణిచివేయడం కూటమి ప్రభుత్వ నియంత చేష్టలకు పరాకాష్టని దుయ్యబట్టారు. అంగన్వాడీల డిమాండ్లు పూర్తిగా న్యాయబద్ధమైనవి. వెంటనే వారిని పిలిచి ప్రభుత్వం చర్చించాలని అన్నారు. అంగన్వాడీలకు నెలకు గౌరవ వేతనం రూ.26వేలు ఇవ్వాలని తక్షణం గ్రాట్యూటి చెల్లింపు హామీని అమలు చేయాలని పేర్కొన్నారు. మినీ అంగన్వాడీ సెంటర్లను మెయిన్ సెంటర్లుగా పరిగణించాలి. హెల్పర్ల పదోన్నతిపై నిర్దిష్టమైన మార్గదర్శకాలు ఇవ్వాలి. పెండింగ్ పోస్టులను వెంటనే భర్తీ చేయాలి. విధి నిర్వహణలో అంగన్వాడీలు మరణిస్తే వారి కుటుంబ సభ్యులకు ఉద్యోగంతో పాటు మట్టి ఖర్చుల కింద రూ.20వేలు ఇవ్వాలి.…

రాజకీయ కక్షలనేవి తన జీవితంలో ఉండవని ఏపీ సీఎం చంద్రబాబు అన్నారు . ఆయన అసెంబ్లీలో మాట్లాడారు. ఈసందర్భంగా మాట్లాడుతూ వైసీపీ హయాంలో తమ పార్టీ కార్యాలయంపై జరిగిన దాడి గురించి ప్రస్తావించారు. ప్రజాస్వామ్యంలో పార్టీ కార్యాలయలపై ఎప్పుడూ దాడులు జరగలేదన్నారు. శాంతి భద్రతల సమస్యలు సృష్టిస్తే ఊరుకునేది లేదని హెచ్చరించారు. ఇక కొంతమంది డ్రగ్స్ గంజాయి వంటి వాటికి అలవాటు పడుతున్నారని అన్నారు.‌గంజాయి, డ్రగ్స్ పై కఠిన చర్యలు తీసుకుంటామని స్పష్టం చేశారు. ‘ఈగల్’ అనే ప్రత్యేక వ్యవస్థ తీసుకొచ్చినట్లు తెలిపారు. గంజాయితో ప్రజల జీవితాలతో చెలగాటం ఆడొద్దని హెచ్చరించారు. ఒక్క ఎకరాలో కూడా గంజాయి పండించకుండా చర్యలు తీసుకుంటామని చెప్పారు. గంజాయి డ్రగ్స్ పై యుద్ధం ఆపేదేలేదని పేర్కొన్నారు.

ప్రఖ్యాత సోషల్ మీడియా ప్లాట్ ఫాం ‘ఎక్స్’ (ట్విట్టర్) సేవల్లో 9వ తేదీన కొద్దీ సేపు పాటు అంతరాయం కలిగింది.ఈ మేరకు ప్రపంచవ్యాప్తంగా ఎక్స్ వినియోగదారులు ఇబ్బందిని ఎదుర్కొన్నారు.సోమవారం ఒక్కరోజే మూడుసార్లు సేవలు నిలిచిపోయాయి.అమెరికా,ఇండియా, యూకే,ఆస్ట్రేలియా,కెనడా వంటి ప్రధాన దేశాల్లో ఎక్స్ సేవలకు అంతరాయం కలిగినట్లు 40,000 మంది ఫిర్యాదు చేశారు.ఈ అంశంపై తాజాగా ఎక్స్ సీఈవో ఎలాన్ మస్క్ స్పందిస్తూ ఎక్స్ సేవల్లో అంతరాయానికి కారణం సైబర్ దాడేనని తెలిపారు.భారీ స్థాయిలో సైబర్ దాడి జరిగిందని,దీని వెనుక ఉక్రెయిన్ హస్తం ఉన్నట్లు అనుమానిస్తున్నామని పేర్కొన్నారు.అయితే సైబర్ దాడికి పాల్పడిన దుండగుల ఐపీ అడ్రస్ లు ఉక్రెయిన్ ప్రాంతానికి చెందినవేనని తెలిపారు.ఈ విషయంపై ఓ మీడియా సంస్థతో మాట్లాడుతూ.. ‘ఎక్స్ పై సైబర్ దాడి జరిగింది.దీని వెనుక ఉక్రెయిన్ హస్తం ఉండొచ్చు. ప్రస్తుతానికి దీనిపై కచ్చితంగా చెప్పలేను కానీ ఐపీ అడ్రస్ లు మాత్రం ఉక్రెయిన్ ప్రాంతానికి చెందినవేనని గుర్తించాం’ అని…

సూపర్ స్టార్ మహేష్ బాబు కథానాయకుడిగా,దర్శకధీరుడు ఎస్ ఎస్ రాజమౌళి దర్శకత్వంలో ఓ భారీ బడ్జెట్ చిత్రం తెరకెక్కుతున్న సంగతి తెలిసిందే.ఇందులో మహేష్ కు జోడిగా ప్రియాంక చోప్రా నటిస్తుంది.అయితే తాజాగా ఈ చిత్రం ఒడిశాలో చిత్రీకరణ జరుపుకుంటోంది.దర్శకుడు రాజమౌళి ఎన్ని జాగ్రత్తలు తీసుకుంటున్నా ఏదో ఒకటి లీక్ అవుతూనే ఉన్నాయి.ఈ చిత్రానికి సంబంధించిన విజువల్స్ బయటికి వచ్చాయి.ఆ సెట్టింగ్స్ చూస్తేనే మహేష్ తో రాజమౌళి ఎంత పెద్ద సినిమా తీస్తున్నాడో అర్థమవుతోంది.సెట్ పై ఉన్నవారిలో ఒకరు సెల్ ఫోన్ తో ఈ వీడియో రికార్డ్ చేసినట్టు సమాచారం.ఈ చిత్రంలో మలయాళ స్టార్ పృథ్వీరాజ్ సుకుమారన్ ప్రతినాయకపాత్ర నటించనున్నారని సమాచారం.ఈ భారీ చిత్రాన్ని కేఎల్ నారాయణ నిర్మిస్తున్నారు.

అమెరికా ప్రెసిడెంట్ గా రెండోసారి బాధ్యతలు చేపట్టిన తర్వాత డొనాల్డ్ ట్రంప్ తనదైన శైలిలో నిర్ణయాలు తీసుకుంటూ దూసుకుపోతున్నారు. అమెరికా ఎగుమతులపై సుంకాలు విధించే దేశాలపై ప్రతీకార సుంకాలు విధిస్తూ టారిఫ్ సవరణలకు ఉపక్రమించారు. ఈ మార్పులు ప్రపంచవ్యాప్తంగా స్టాక్ మార్కెట్లపై తీవ్ర ప్రభావం చూపుతున్నాయి. తాజాగా నెలకొన్న అనిశ్చితితో అమెరికా మార్కెట్లు కూడా కుప్పకూలాయి. నాస్డాక్, డౌజోన్స్, ఎస్ అండ్ పీ వంటి సూచీలు భారీగా పతనం అయ్యాయి. దాదాపుగా రూ.349 లక్షల కోట్ల మేర ఇన్వెసర్ల సంపద ఆవిరైంది. ప్రపంచ పారిశ్రామిక వేత్త ట్రంప్ సన్నిహితుడైన ఎలాన్ మస్క్ కు చెందిన టెస్లా షేర్లు సైతం 15 శాతం మేర కుదేలవడం గమనార్హం.

రైల్వే బోర్డు మరింత ఇండిపెండెంట్ గా వ్యవహారించడానికి పనితీరు మరింత మెరుగుపరుచుకోవడానికి ఉపయుక్తంగా ఉంటుందని ప్రభుత్వం పేర్కొంటున్న బిల్లుకు పార్లమెంట్ ఆమోదం తెలిపింది. రైల్వే (అమెండ్మెంట్) 2024కు రాజ్యసభ మూజువాణి ఓటుతో ఆమోదం తెలిపింది. గతేడాది డిసెంబర్ లో లోక్ సభ దీనిని ఆమోదించింది. 1905 నాటి రైల్వే యాక్ట్ స్థానంలో అమలులోకి రానుంది. కేంద్ర రైల్వే మంత్రి అశ్విని వైష్ణవ్ మాట్లాడుతూ రైలు ప్రమాదాలు గణనీయంగా తగ్గాయని, భద్రతపై ప్రతి సంవత్సరం రూ.లక్ష కోట్లు ఖర్చు చేస్తున్నట్లు తెలిపారు. జీఎంలకు అధికారాలు పెంచినట్లు తెలిపారు. వెస్ట్ బెంగాల్, ఒడిశా, తమిళనాడుకు చేసిన కేటాయింపులు వివరిస్తూ ఆ రాష్ట్రాలపై వివక్ష లేదని స్పష్టం చేశారు.

నాడు-నేడు అంటూ గత ప్రభుత్వం ఫేజ్ 1, 2, 3 అని మొదలు పెట్టింది. ఫేజ్ 1 పూర్తిగా చేయలేదని ఏపీ విద్యా ఐటీ శాఖ మంత్రి నారా లోకేష్ అన్నారు. ఫేజ్ 2లో అనేక పనులు పెండింగ్ ఉన్నాయని ఫేజ్-1, ఫేజ్-2 పెండింగ్ పనులు పూర్తి చేయటానికే రూ.4,789 కోట్లు ఖర్చు అవుతుందని అసెంబ్లీలో పేర్కొన్నారు. పిల్లలను విద్యకు దూరం చేసే జీవో 117ని మా కూటమి ప్రభుత్వం రాగానే రద్దు చేసిందని తెలిపారు . దానికి ప్రత్యామ్నాయం తీసుకొచ్చి, ఎక్కడైతే మౌళిక సదుపాయాల అవసరం ఉందో తెలుసుకుని, రేటింగ్ మెకానిజం ప్రకారం పనులు చేస్తామని వివరించారు. అన్ని పాఠశాలలను ఫైవ్ స్టార్ రేటింగ్ స్థాయికి చేర్చే విధంగా కృషి చేస్తున్నట్లు తెలిపారు.

ఏపీ పురపాలక, పట్టణాభివృద్ధి శాఖ మంత్రి నారాయణ రాజధాని నేడు అసెంబ్లీలో కీలక ప్రకటన చేశారు. బీజేపీ ఎమ్మెల్యే సుజనా చౌదరి అడిగిన ప్రశ్నకు ఈసందర్భంగా ఆయన సమాధానమిచ్చారు. మరో మూడేళ్లలో అమరావతి నిర్మాణం 2028 నాటికి పూర్తవుతుందని స్పష్టం చేశారు. రాజధానికీ రూ.64,721 కోట్ల ఖర్చవుతుందని తెలిపారు. నాడు సీఎం చంద్రబాబుపై నమ్మకంతో అమరావతి రైతులు భూములు ఇచ్చిన విషయం గుర్తు చేశారు. రైతులు 58 రోజుల వ్యవధిలోనే 34 వేల ఎకరాలు ఇచ్చారని రాజధాని ప్రాంతంలో అభివృద్ధి చేసిన ప్లాట్లను మూడేళ్లలో రైతులకు అప్పగిస్తామని పేర్కొన్నారు. టాప్-5 రాజధానుల్లో ఒకటిగా అమరావతి ఉండాలని సీఎం చంద్రబాబు ఆకాంక్షించారని తెలిపారు. మూడేళ్లలో అసెంబ్లీ, సెక్రటేరియట్, హైకోర్టు నిర్మాణాలు పూర్తవుతాయని, ఏడాదిన్నరలో అధికారుల భవనాలు పూర్తి చేస్తామని తెలిపారు.