దేశంలోనే ప్ర‌ముఖ అగ్ర సినీ నిర్మాతలలో ఒకరైన దిల్ రాజు నిర్మాణ సంస్థ అయిన శ్రీ వెంకటేశ్వర క్రియేషన్స్ తమ సోషల్ మీడియాలో ఇటీవల “బోల్డ్‌… బిగ్‌… బియాండ్ ఇమాజినేష‌న్” అంటూ ఓ పోస్టు పెట్టిన విష‌యం తెలిసిందే. అన్న‌ట్టుగానే ఈరోజు ఉద‌యం 11.08 గంట‌ల‌కు కీలక ప్ర‌క‌ట‌న విడుద‌ల చేసింది. ఏఐ ఆధారిత టెక్నికల్ కంపెనీ క్వాంటమ్ ఏఐ గ్లోబల్‌తో కలిసి ఏఐ ఆధారిత మీడియా కంపెనీని ప్రారంభిస్తున్న‌ట్లు వెల్లడించింది. ఎంటర్టైన్మెంట్ ఇండస్ట్రీ కోసం ప్రత్యేకంగా రూపొందించబడిన అడ్వాన్స్డ్ ఏఐ సాధనాలను అభివృద్ధి చేయడానికి, అందించడానికి ఈ ఏఐ స్టూడియో ప‌నిచేస్తుంద‌ని వివరించారు. ఈ సంస్థ పేరు, మరిన్ని వివరాలను మే 4న ప్రకటిస్తామని తెలిపారు. ఈ భారీ ప్రకటనతో పాటు భార‌తీయ సినిమా ప‌రిణామ క్ర‌మానికి సంబంధించిన ఒక వీడియోను కూడా జత చేశారు. He started with a vision.He gave us unforgettable stories.Now, he’s…
Author: admin
నిత్యం ప్రజా సేవ, రాజకీయాలలో బిజీగా గడుపుతూ కనిపించే ఆంధ్రప్రదేశ్ ముఖ్యమంత్రి చంద్రబాబు ఈరోజు యూరప్ పర్యటనకు వెళుతున్నారు. 16వ కేంద్ర ఆర్థిక సంఘం ప్రతినిధులతో ఆయన సమావేశం కానున్నారు. రాత్రికి విజయవాడలో ఆర్థిక సంఘం ప్రతినిధులకు ఆయన విందును ఇవ్వనున్నారు. అనంతరం ఆయన ఢిల్లీకి బయలుదేరి వెళతారు. ఢిల్లీ నుండి కుటుంబ సభ్యులతో కలిసి ఆయన యూరప్ పర్యటనకు బయల్దేరుతారు. ఈ నెల 20వ తేదీన చంద్రబాబు పుట్టినరోజు. ఇక ఈ పుట్టినరోజు వేడుకను అక్కడే ఘనంగా జరుపుకోబోతున్నారు. 22వ తేదీన చంద్రబాబు ఢిల్లీకి చేరుకుంటారు. 23న ఆయన పలువురు కేంద్ర మంత్రులను కలిసే అవకాశం ఉండనున్నట్లు తెలుస్తోంది.
ఏపీ గవర్నమెంట్ – సీఐఐ ఏపీ జాయింట్ కన్సల్టేటివ్ ఫోరం తొలి సమావేశంలో ఏపీ విద్యా ఐటీ శాఖ మంత్రి నారా లోకేష్ పాల్గొన్నారు. రాష్ట్రంలో ప్రజాప్రభుత్వం అధికారంలోకి వచ్చాక తొలిఏడాదిలోనే రాష్ట్రప్రజలు, పరిశ్రమదారులు, అధికార యంత్రాంగం అందరి సహకారంతో ఆర్థిక వృద్ధి రేటు (జిఎస్ డిపి)లో దేశంలో 2వస్థానాన్ని సాధించగలిగామని తెలిపారు . దేశంలోనే ఆంధ్రప్రదేశ్ అతితక్కువ కాస్ట్ ఆఫ్ డూయింగ్ బిజినెస్ ఉండేలా చర్యలు తీసుకుంటామని, రాష్ట్రంలో పెద్దఎత్తున పరిశ్రమలస్థాపనకు పారిశ్రామికవేత్తలు ముందుకు రావాలని పిలుపునిచ్చారు. విశాఖపట్నాన్ని ఐటి హబ్ గా తయారుచేసేందుకు తాము కృతనిశ్చయంతో ఉన్నామని, ఐటీ రంగంలో రాబోయే అయిదేళ్లలో 5లక్షల ఉద్యోగాలు కల్పిస్తామని చెప్పారు. తయారీ రంగంలో 30లక్షల కోట్ల పెట్టుబడులు, 5లక్షల ఉద్యోగాల కల్పనే లక్ష్యంగా నూతన పారిశ్రామిక విధానాన్ని రూపొందించామని వివరించారు. అమరావతి రాజధాని ఆర్థికవృద్ధి కేంద్రంగా అవతరించనుంది. అమరావతిని శక్తివంతంగా తయారు చేయడంలో భాగస్వాములు కావాలని సీఐఐ ప్రతినిధులకు ఈసందర్భంగా…
ముంబైలోని వాంఖడే స్టేడియంలో ఒక స్టాండ్ కు భారత కెప్టెన్ రోహిత్ శర్మ పేరును పెట్టనున్నారు. ఈ విషయాన్ని ముంబై క్రికెట్ అసోసియేషన్ తెలిపింది. మరో రెండు స్టాండ్స్ కు అజిత్ వాడేకర్, శరద్ పవార్ ల పేర్లు పెట్టనున్నట్లు వెల్లడించింది. ఈమేరకు ఒక తీర్మానం చేసింది. దివెచా పెవిలియన్ లెవెల్-3కి రోహిత్ శర్మ పేరు, గ్రాండ్ స్టాండ్ లెవెల్-3కి అజిత్ వాడేకర్ పేరు, లెవెల్-4కు శరద్ పవర్ పేరు పెట్టనున్నట్లు పేర్కొంది. 1966-74 మధ్య అజిత్ వాడేకర్ భారత్ కు ప్రాతినిథ్యం వహించారు. 37 టెస్టులు ఆయన ఆడారు. 2018లో ఆయన మరణించారు.
ప్రపంచకప్ షూటింగ్ ఛాంపియన్ షిప్ స్టేజ్-2లో భారత్ మెడల్స్ ఖాతా తెరిచింది. పురుషుల 10మీటర్ల ఎయిర్ పిస్టల్ విభాగంలో సౌరభ్ చౌదరి బ్రాంజ్ మెడల్ కైవసం చేసుకున్నాడు. ఫైనల్ లో సౌరభ్ 219.1పాయింట్లతో మూడవ స్థానంలో నిలిచాడు. చైనాకు చెందిన కయ్ హో 246.4 పాయింట్లతో ఈ విభాగంలో గోల్డ్ మెడల్ సాధించాడు. బ్రెజిల్ కు చెందిన అల్మిడా 241.0తో ద్వితీయ స్థానంలో నిలిచి సిల్వర్ గెలుచుకోగా.. మరో భారత షూటర్ వరుణ్ తోమర్ 198.1తో నాలుగో స్థానంతో సరిపెట్టుకున్నాడు.
భారత మాజీ క్రికెటర్ వినోద్ కాంబ్లీకి మాజీ క్రికెట్ దిగ్గజం సునీల్ గవాస్కర్ అండగా నిలిచాడు. అనారోగ్యం నుండి కోలుకుంటున్న అతనికి సునీల్ గవాస్కర్ ఫౌండేషన్ ద్వారా నెలకు రూ. 30వేల చొప్పున ఆర్థిక సాయం అందించనున్నారు. ఇటీవల తీవ్ర అనారోగ్యానికి గురైన వినోద్ కాంబ్లీని సునీల్ గవాస్కర్ పరామర్శించాడు. కోచ్ రమాకాంత్ అచ్రేకర్ మెమోరియల్ కార్యక్రమంలో కూడా కాంబ్లీకి సహాయం చేస్తానని మాటిచ్చారు. ఇటీవలే వాంఖడే స్టేడియం 50 ఏళ్ల కార్యక్రమంలో కూడా సునీల్ గవాస్కర్ అతనిని కలిశారు. ఇక తాజాగా తన ఫౌండేషన్ ద్వారా సాయం అందించనున్నారు. వైద్య ఖర్చుల కోసం అదనంగా మరో రూ. 30వేలు ఈ ఫౌండేషన్ ఇవ్వనుంది. సునీల్ గవాస్కర్ పెద్ద మనసుకు పలువురు ప్రశంసలు కురిపిస్తున్నారు.
ఐ.బీ.ఎఫ్.ఎస్ ప్రపంచ బిలియర్డ్స్ ఛాంపియన్ షిప్ లో డిఫెండింగ్ ఛాంపియన్ పంకజ్ అద్వానీ టైటిల్ వైపు దూసుకెళ్తున్నాడు. సెమీ ఫైనల్ లో పంకజ్ ధ్రువ్ సిత్వాలా పై 1070-300తో విజయం సాధించాడు. ఆద్యంతం ఆధిపత్యం కనబరిచిన పంకజ్ గెలుపుతో సత్తా చాటాడు. 2016 నుండి అతను ఈ టోర్నీలో ఓడిపోలేదు. మరో సెమీస్ లో డేవిడ్ కాసియార్ తో భారత క్రీడాకారుడు సౌరభ్ కొఠారి తలపడనున్నాడు.
భారత స్టార్ క్రికెటర్ ఇటీవల అంతర్జాతీయ మ్యాచ్ లలో రాణించిన శ్రేయాస్ అయ్యర్ కు ఐసీసీ మార్చి ‘ప్లేయర్ ఆఫ్ ది మంత్’ అవార్డు దక్కింది. ఛాంపియన్స్ ట్రోఫీలో 243 పరుగులతో రాణించి జట్టు విజయాల్లో కీలక పాత్ర పోషించిన సంగతి తెలిసిందే. ఛాంపియన్స్ ట్రోఫీలో రాణించినందుకు ఈ అవార్డు రావడం ఎంతో ఆనందంగా ఉందని శ్రేయాస్ అయ్యర్ తెలిపాడు. ఇక ఈ టోర్నీలో శ్రేయాస్ అయ్యర్ లీగ్ స్టేజ్ మ్యాచ్ లో న్యూజిలాండ్ పై 79, ఆస్ట్రేలియాతో జరిగిన సెమీ ఫైనల్ లో 45, ఫైనల్ లో న్యూజిలాండ్ పై 48 పరుగులతో కీలక ఇన్నింగ్స్ లు ఆడాడు. ఫిబ్రవరిలో కూడా ఐసీసీ ప్లేయర్ ఆఫ్ ది మంత్ అవార్డు భారత్ కే చెందిన శుభ్ మాన్ గిల్ కే దక్కగా.. మరోసారి భారత క్రికెటర్ ఈ పురస్కారం దక్కించుకున్నాడు.
ఆంధ్రప్రదేశ్ లో ఖాళీ అయిన రాజ్యసభ స్థానానికి జరిగే ఉపఎన్నికకు సంబంధించి ఎన్నికల కమిషన్ షెడ్యూల్ ప్రకటించింది. వైసీపీలో కీలకంగా వ్యవహరించిన ఎంపీ విజయసాయిరెడ్డి రాజీనామాతో ఈ స్థానం ఖాళీ అయిన సంగతి విదితమే. ఇక ఈ స్థానానికి గానూ ఈనెల 29న నామినేషన్ల స్వీకరణ ఉండనుంది. 30న నామినేషన్ల పరిశీలన మే 2వరకు నామినేషన్ల ఉపసంహరణకు గడువు ఉండనుంది. మే 9న ఉపఎన్నిక నిర్వహించనున్నారు. అదే రోజు సాయంత్రం ఓట్ల లెక్కింపు జరగనుంది.
భారత క్రికెట్ జట్టు బంగ్లాదేశ్ లో పర్యటించనుంది. ఈమేరకు పర్యటన ఖరారైంది. షెడ్యూల్ వివరాలను బంగ్లాదేశ్ క్రికెట్ బోర్డు ప్రకటించింది. ఈ పర్యటనలో భాగంగా భారత్ 3 వన్డేలు, 3 టీ 20లు ఆడనుంది. మీర్ పూర్ లో 4 మ్యాచ్ లు చట్టోపూర్ లో 2 మ్యాచ్ లు జరగనున్నాయి. బంగ్లాదేశ్ లో బైలేటరల్ టీ 20 సిరీస్ ఆడడం భారత్ ఇదే మొదటిసారి. అగష్టు 13న భారత జట్టు ఢాకా చేరుకుంటుంది. 17,20,23వ తేదీలలో వన్డే మ్యాచ్ లు, 26, 29,31వ తేదీలలో టీ20లు జరగనున్నాయి.