Author: admin

అమెరికా–చైనా మధ్య వాణిజ్య యుద్ధం రోజురోజుకు తీవ్రతరం అవుతోంది.ఒకరిపై ఒకరు ప్రతీకార సుంకాలు విధించుకుంటూ దాడికి దిగుతున్న వేళ,ఆసక్తికర సంఘటన ఒకటి చర్చనీయాంశమైంది.ఇటీవల అమెరికా అధ్యక్షుడి సహాయకురాలు,వైట్‌హౌస్ ప్రెస్ సెక్రటరీ కరోలిన్ లీవిట్ ఓ మీడియా సమావేశానికి చైనాలో తయారైన రెడ్ డ్రెస్ ధరించి హాజరయ్యారు. ఈ విషయాన్ని గుర్తించిన చైనా దౌత్యవేత్త ఝాన్ ఝీషింగ్,ఆ ఫోటోను సోషల్ మీడియా వేదికగా షేర్ చేస్తూ,‘బిజినెస్‌ విషయంలో చైనాను నిందిస్తారు..జీవితంలో మాత్రం చైనాలో తయారైనవి కొనుగోలు చేస్తారు’ అంటూ విమర్శించారు.ప్రస్తుతం ఈ పోస్ట్‌ వైరల్‌ అవుతోంది. ఈ పోస్ట్‌ చూసిన నెటిజన్లు రకరకాలుగా స్పందిస్తున్నారు.‘చైనా ఫ్యాక్టరీలో తయారైన అందమైన డ్రెస్‌ ధరించి..చైనాను నిందిస్తున్నారు’, ‘చైనాను నిందించడం ఆమె పని.. చైనా దుస్తులను ఆస్వాదించడం ఆమె జీవితం’ అంటూ వ్యంగ్యంగా స్పందిస్తున్నారు.

అధిక రక్తపోటు బాధపడే వారికి అరటి పండు ఎంతో మేలు చేస్తుందనే విషయాన్ని తాజా అధ్యయనం మరోసారి రుజువు చేసింది.కెనడాలోని వాటర్‌లూ యూనివర్సిటీ నిర్వహించిన తాజా పరిశోధన ప్రకారం, రోజూ ఒక అరటి తినడం వలన రక్తపోటు స్థాయిని సున్నితంగా నియంత్రించవచ్చని సూచించింది.ఈ అధ్యయనానికి నేతృత్వం వహించిన మెలిస్సా స్టాట్ ప్రకారం, పొటాషియం ఎక్కువగా, సోడియం తక్కువగా ఉన్న ఆహారం తీసుకుంటే రక్తపోటు నియంత్రణలో ఉంటుందని పేర్కొన్నారు.అరటి, బ్రకోలి వంటి ఆహార పదార్థాల్లో ఉన్న పొటాషియం, శరీరంలో సోడియం ప్రభావాన్ని సమతుల్యం చేసి, రక్త నాళాలను రిలాక్స్ చేయడంలో సహాయపడుతుందని వివరించారు.ముఖ్యంగా రోజూ అరటి తీసుకోవడం వల్ల హైపర్‌టెన్షన్‌ బాధితుల్లో రక్తపోటు తగ్గే అవకాశం ఉందని చెప్పారు.రక్తపోటును నియంత్రించేందుకు మందులకే కాకుండా జీవనశైలి మార్పులు, ఆహార నియమాలు కూడా కీలకమవుతాయని అధ్యయనం సూచిస్తోంది.

అమెరికా, చైనా మధ్య కొనసాగుతున్న సుంకాల యుద్ధం మరింత తీవ్రతరంగా మారింది. అమెరికా కంపెనీ బోయింగ్ నుంచి విమానాలను కొనుగోలు చేయవద్దని తమ ఎయిర్‌లైన్స్ సంస్థలకు చైనా స్పష్టమైన ఆదేశాలు జారీ చేసింది. రెండు దేశాల మధ్య వాణిజ్య సంబంధాల్లో ఏర్పడిన విభేదాల నేపథ్యంలో డ్రాగన్ దేశం ఈ నిర్ణయం తీసుకుంది. అమెరికా అధ్యక్షుడు డోనాల్డ్ ట్రంప్ విదేశీ వస్తువులపై భారీగా సుంకాలు విధించడం తెలిసిందే. చైనా దిగుమతులపై 145 శాతం వరకు సుంకాలు వసూలు చేయనున్నట్టు అమెరికా ప్రకటించగా, దీనిపై చైనా తీవ్ర అభ్యంతరం వ్యక్తం చేసింది. ఈ చర్యలను చట్ట విరుద్ధమైన చర్యలుగా అభివర్ణించిన చైనా, ప్రతీకారంగా అమెరికా వస్తువులపై 125 శాతం సుంకాన్ని విధించేందుకు సిద్ధమవుతోంది. దీంతో బోయింగ్ విమాన పరికరాలు, విడిభాగాల కొనుగోలును పూర్తిగా నిలిపివేయాలని చైనా ప్రభుత్వ ఆదేశాలిచ్చింది. సుంకాల పెరుగుదల వల్ల విమాన పరికరాల ధరలు విపరీతంగా పెరిగిపోతున్నాయని చైనా భావిస్తోంది. ఈ…

సికింద్రాబాద్ రైల్వే స్టేషన్ ఆధునికీకరణ పనుల నేపథ్యంలో దక్షిణ మధ్య రైల్వే అధికారులు కీలక నిర్ణయం తీసుకున్నారు.స్టేషన్‌లోని ప్లాట్‌ఫాంలను విడతల వారీగా తాత్కాలికంగా మూసివేయనున్నట్లు ప్రకటించారు.ఈ రోజు నుండి ప్లాట్‌ఫాం 5, 6లను 13 రోజుల పాటు, అనంతరం ప్లాట్‌ఫాం 3, 4లను 50 రోజుల పాటు మూసివేయనున్నట్టు అధికారులు తెలిపారు. ఈ నేపథ్యంలో 60 రైళ్లకు మార్పులు చేపట్టారు.సికింద్రాబాద్ నుంచి నడిచే 30 రైళ్లను చర్లపల్లి, కాచిగూడ, నాంపల్లి టర్మినళ్లకు దారి మళ్లించగా, ఇతర టర్మినల్స్‌ నుంచి 8 రైళ్లను చర్లపల్లి స్టేషన్‌కు మార్చారు.ప్రయాణికులు ముందస్తుగా తమ రైళ్ల గమ్యస్థానాలను నిర్ధారించుకోవాలని అధికారులు సూచించారు.ఆధునికీకరణ అనంతరం స్టేషన్‌ మరింత అభివృద్ధి చెందనుందని రైల్వే శాఖ పేర్కొంది.

దేశ రాజధాని ఢిల్లీలో వాయు కాలుష్యం ప్రమాదకర స్థాయిలో ఉందని కేంద్ర మంత్రి నితిన్‌ గడ్కరీ ఆందోళన వ్యక్తం చేశారు.సోమవారం ముంబైలో జరిగిన ఓ కార్యక్రమంలో ప్రసంగించిన ఆయన, “ఢిల్లీ వాతావరణంలో కేవలం మూడు రోజులు ఉన్నా… వ్యక్తికి ఇన్‌ఫెక్షన్లు రావడం ఖాయం” అని స్పష్టం చేశారు.వాయు కాలుష్యం కారణంగా ఢిల్లీ ప్రజల ఆయుష్షు 10 ఏళ్ల వరకూ తగ్గుతుందనే విషయం దురదృష్టకరమని అన్నారు.ఢిల్లీతో పాటు ముంబై కూడా రెడ్ జోన్ పరిధిలో ఉందని పేర్కొన్నారు.పర్యావరణ సమస్యలను అత్యవసరంగా పరిష్కరించాల్సిన అవసరం ఉందని,జీవావరణంపై మనం తక్షణ చర్యలు తీసుకోవాలని పిలుపునిచ్చారు.“ఆర్థిక అభివృద్ధికి ఎంత ప్రాముఖ్యత ఇస్తామో,అదే స్థాయిలో ఎకాలజీ, ఎథిక్స్ కు కూడా ఇవ్వాలి,” అని అన్నారు.భారత్ రూ.22 లక్షల కోట్ల విలువైన శిలాజ ఇంధనాలను దిగుమతి చేసుకుంటుందని,పెట్రోల్, డీజిల్‌ వాడకమే వాయు కాలుష్యానికి ప్రధాన కారణమని పేర్కొన్నారు.వీటికి పర్యావరణ అనుకూలమైన ప్రత్యామ్నాయాలను అభివృద్ధి చేయడం అత్యవసరమన్నారు.

అఫ్గానిస్థాన్‌లో బుధవారం తెల్లవారుజామున భూకంపం భయానక దెబ్బకు గురి చేసింది.రిక్టర్ స్కేలు పై 5.9 మాగ్నిట్యూడ్ తీవ్రతతో వచ్చిన ఈ భూకంప కేంద్రం,బాగ్లాన్ నగరానికి 164 కిలోమీటర్ల దూరంలో,121 కిలోమీటర్ల లోతులో నమోదు అయింది.అయితే మొదట ఇది 6.4 మాగ్నిట్యూడ్ గా నమోదు అయిందని యూరోపియన్ మెడిటరేనియన్ సీస్మోలాజికల్ సెంటర్ (EMSC) ప్రకటించింది. ఈ ప్రకంపనలు అఫ్గాన్‌తో పాటు భారత్‌లోని ఢిల్లీ-ఎన్‌సీఆర్ ప్రాంతాల వరకు ప్రభావం చూపినట్టు తెలుస్తోంది.ఢిల్లీ ప్రాంత ప్రజలు స్వల్పంగా భూప్రకంపనలు అనుభవించారని స్థానిక నివాసితులు తెలిపారు. అయితే ఇప్పటివరకు అఫ్గాన్ భూకంపానికి సంబంధించి ప్రాణ, ఆస్తి నష్టానికి సంబంధించిన పూర్తి వివరాలు అందాల్సి ఉంది.అధికార యంత్రాంగం పరిస్థితిని సమీక్షిస్తూ అప్రమత్తంగా ఉందని సమాచారం.తరచూ భూకంపాలు ఎదుర్కొంటున్న అఫ్గానిస్థాన్ ఈసారి కూడా ప్రకృతి ప్రకోపాన్ని ఎదుర్కొంటున్నది.

నట సింహం నందమూరి బాలకృష్ణ నటించిన ‘డాకు మహారాజ్’ చిత్రం తాజాగా అంతర్జాతీయ గుర్తింపు దక్కించుకుంది.ఈ ఏడాది సంక్రాంతి సందర్భంగా విడుదలై థియేటర్లలో హిట్‌గా నిలిచిన ఈ సినిమా, ఇప్పుడు ఇరాక్‌కు చెందిన ప్రముఖ అరబిక్ పత్రికలో ప్రత్యేక కథనంగా ప్రచురితమై చర్చనీయాంశమైంది.ఈ వార్త తెలియగానే బాలయ్య అభిమానులు సోషల్ మీడియాలో హర్షం వ్యక్తం చేస్తున్నారు.పత్రిక కథనం ప్రకారం, సినిమాలోని యాక్షన్ సన్నివేశాలు, వినియోగించిన సాంకేతికత అత్యున్నత స్థాయిలో ఉండటమే కాక, బాలకృష్ణ పోషించిన పాత్రను రాబిన్‌హుడ్ తరహాలో ప్రజల అండగా నిలిచే శక్తిమంత పాత్రగా వివరించారు. బాక్సాఫీస్ వద్ద సినిమా సాధించిన వసూళ్లు, ప్రజాదరణను కూడా వివరంగా విశ్లేషించారు. అరబిక్ పత్రికల్లో తెలుగు సినిమాకు ఇంత పెద్ద స్థాయి కవరేజ్ రావడం అరుదైన విషయం కావడంతో, ఇది తెలుగు పరిశ్రమకు గర్వకారణంగా మారింది. బాలయ్య సరసన ప్రజ్ఞా జైస్వాల్, శ్రద్ధా శ్రీనాథ్ నటించగా, ఊర్వశీ రౌతేలా ప్రత్యేక గీతంలో అలరించింది.…

రహదారులపై టోల్ వసూళ్లను సులభతరం చేయడంలో భాగంగా కేంద్ర ప్రభుత్వం సంచలనాత్మక పథకాన్ని ప్రవేశపెట్టేందుకు సిద్ధమైంది. త్వరలోనే ఫాస్టాగ్ అకౌంట్ ద్వారా రూ.3 వేలు చెల్లించిన వాహనదారులు ఒక సంవత్సరం పాటు టోల్‌ చార్జీలు లేకుండానే దేశంలోని జాతీయ, రాష్ట్ర రహదారులపై ప్రయాణించగలరని సమాచారం. ఇందుకు సంబంధించి కొన్ని సంస్థలతో కేంద్ర రవాణా మంత్రిత్వ శాఖ ఇప్పటికే రెండు విడతల చర్చలు జరిపినట్లు తెలుస్తోంది.అలాగే మే 1 నుంచి శాటిలైట్ ఆధారిత టోల్ సిస్టమ్ దేశంలోని కొన్ని ప్రధాన రూట్లలో ప్రారంభం కానుంది. ఈ టెక్నాలజీ అమలుతో టోల్ ప్లాజాల వద్ద వాహనాలు ఆగాల్సిన అవసరం ఉండదు.వాహనాల్లోని జీపీఎస్ ఆధారంగా ప్రయాణించిన దూరాన్ని గుర్తించి టోల్ వసూలు చేయనున్నారు.ఈ విధానం అమలవుతోన్న మొదటి దేశంగా భారత్‌ గుర్తింపు పొందే అవకాశం ఉంది.ప్రస్తుతం ఉన్న ఒప్పందాలపై కొన్ని అడ్డంకులు ఉన్నప్పటికీ,కేంద్రం రాష్ట్ర ప్రభుత్వాలతో చర్చలు కొనసాగిస్తోంది. ఈ పథకాలు అమలైతే ట్రాఫిక్ సమస్యలు…

పంజాబ్ కింగ్స్:111 (15.3) కోల్ కతా నైట్ రైడర్స్:95 (15.1) ఐపీఎల్ చరిత్రలోనే తక్కువ స్కోరును డిఫెండ్ చేసుకుని పంజాబ్ కింగ్స్ సత్తా చాటింది. కోల్ కతా నైట్ రైడర్స్ పై 16 పరుగుల తేడాతో ఘన విజయం సాధించింది. బౌండరీలు, కళ్లు చెదిరే బ్యాటింగ్ విన్యాసాలతో బ్యాటర్ల ఆధిపత్యమే కనపడుతున్న తరుణంలో బౌలర్లు సత్తా చాటారు. మ్యాచ్ లో ముందు బ్యాటింగ్ చేసిన పంజాబ్ 15.3 ఓవర్లలో 111 పరుగులు మాత్రమే చేసింది. ప్రభ్ సిమ్రాన్ (30) టాప్ స్కోరర్. ప్రియాన్ష్ ఆర్య (22), శశాంక్ సింగ్ (18), బార్ట్లెట్ (11) నేహాల్ వధేరా (10) పరుగులు చేశారు. కోల్ కతా నైట్ రైడర్స్ బౌలర్లలో హార్షిత్ రాణా 3 వికెట్లు, వరుణ్ చక్రవర్తి 2 వికెట్లు, సునీల్ నరైన్ 2 వికెట్లు, వైభవ్ అరోరా 1 వికెట్, నోర్తుజే 1 వికెట్ తీశారు. 112 పరుగుల లక్ష్యంతో బరిలోకి…

ఈ సంవత్సరం రుతుపవన కాలంలో సాధారణం నుండి అధిక వర్షపాతం నమోదయ్యే అవకాశం ఉన్నట్లు ఇండియన్ మెటిరియాలజికల్ డిపార్ట్మెంట్ (ఐఎండీ) అంచనా వేసింది.ముఖ్యంగా ఏడాది పొడవునా విస్తారంగా వర్షాలు కురవబోతున్నాయని అంచనా వేసింది. ఈ సంవత్సరం మాత్రం 105 శాతం అధికంగా వర్షాలు పడతాయని వివరించింది. దీంతో రైతులకు లబ్ది చేకూర్చే విధంగా ఆశాజనకంగా ఉంటుందని భావిస్తున్నారు. జూన్- సెప్టెంబర్ మధ్య కాలంలో దేశంలో అధిక వర్షపాతం నమోదయ్యే అవకాశం ఉంది. దీర్ఘకాలిక యావరేజ్ 87 సెం.మీ ఉండగా ఈసారి అంతకంటే ఎక్కువ వర్షపాతం నమోదవుతుందని ఐఎండీ చీఫ్ మృత్యుంజయ్ మెహాపాత్ర తెలిపారు. ఎల్ నినో వంటి పరిస్థితి ఈసారి ఏర్పడకపోవచ్చని భావిస్తున్నట్లు తెలిపారు. ఇది రైతులకే కాదు, నీటి కొరతతో బాధపడుతున్న ప్రాంతాలకూ ఊరటను కలిగించనుంది.