Author: admin

గత కొన్ని రోజులుగా ప్రపంచం ఎదురుచూస్తున్న అమెరికా పరస్పర సుంకాలకు(రెసిప్రోకల్ టారిఫ్స్) సంబంధించి కీలక ప్రకటన వెలువడింది. అమెరికా ప్రెసిడెంట్ డొనాల్డ్ ట్రంప్ ప్ర‌పంచంలోని అనేక దేశాల‌పై ప‌ర‌స్ప‌ర సుంకాలు విధించారు. పలు దేశాలపై ప్రతీకార సుంకాలు విధిస్తున్నట్లు అధికారికంగా ప్రకటించారు. పెంచిన ఈ సుంకాలు త‌క్ష‌ణ‌మే అమ‌ల్లోకి వ‌స్తాయ‌ని పేర్కొన్నారు. వైట్‌హౌస్‌లోని రోజ్ గార్డెన్‌ లో ఏర్పాటు చేసిన సమావేశంలో ఈ విషయాలను ప్రకటించారు. ఈ రోజును ‘లిబరేషన్ డే’గా అభివర్ణించిన ట్రంప్, ఈ ప్రత్యేక సమావేశానికి కేబినెట్ సభ్యులతో పాటు స్టీల్, ఆటోమొబైల్ రంగ కార్మికులను ఆహ్వానించారు. ఇక భార‌త్‌తో పాటు చైనాపై భారీగానే పరస్పర సుంకాలను విధించారు. అయితే, ఆయా దేశాలు త‌మ నుంచి వసూలు చేస్తున్న సుంకాల్లో తాము స‌గ‌మే విధిస్తున్న‌ట్లు, త‌ద్వారా తాము వారిపై దయతో ఉన్నామ‌ని ఈ సంద‌ర్భంగా ట్రంప్ స్పష్టం చేశారు. వీటిని ‘రాయితీ పరస్పర సుంకాలు’ అని పేర్కొన్నారు. ఇక‌…

విభిన్న పాత్రల్లో అలరించే నేచుర‌ల్ స్టార్ నాని, ద‌ర్శ‌కుడు శ్రీకాంత్ ఓదెల కలయికలో ‘దసరా’ వంటి విజయవంతమైన చిత్రం తర్వాత వ‌స్తున్న రెండో చిత్రం ‘ది ప్యార‌డైజ్’. ఇప్ప‌టికే ఈ మూవీ గ్లింప్స్ విడుదలై విశేషంగా అలరించి చిత్రంపై అంచనాలు పెంచేసింది. అయితే, గ‌త కొన్ని రోజులుగా ఈ సినిమాపై కొన్ని వదంతులు వినిపించాయి. చిత్రం పై అసంబద్ధమైన పుకార్లు రావడంతో దీనిపై చిత్ర బృందం తాజాగా ‘ఎక్స్’ (ట్విట్ట‌ర్‌) వేదిక‌గా ఘాటుగా స్పందించింది. ఇలాంటి పుకార్లు సృష్టించేవారిని జోక‌ర్ల‌తో పోలుస్తూ ట్వీట్ చేసింది. ది ప్యార‌డైజ్’ ప‌నులు అనుకున్న విధంగానే జ‌రుగుతున్నాయి. ఈ ప్రాజెక్ట్‌ సవ్యమైన మార్గంలోనే ఉంది. నిశ్చింతగా ఉండండి. ఇది ఎంత గొప్ప‌గా రూపుదిద్దుకుంటోందో మీరు త్వ‌ర‌లోనే చూస్తారు. ఈలోగా మీకు వీలైనంత ఎక్కువ రూమ‌ర్స్ క్రియేట్ చేస్తూ ఉండండి. ఎందుకంటే… ‘గజరాజు నడిస్తే..గజ్జి కుక్కలు అరుస్తాయి.. మేము ఈ సినిమాపై అభిమానులు చూపిస్తున్న ప్రేమ‌ను గ‌మ‌నిస్తున్నామని…

వక్ఫ్‌ (సవరణ) బిల్లుకు లోక్‌సభ ఆమోదం తెలిపింది. లోక్‌సభలో ఈ బిల్లుపై సుదీర్ఘ‌ చర్చ జరిగింది. 12 గంటల పాటు జరిగిన సుదీర్ఘ చర్చ తర్వాత, అర్ధరాత్రి తర్వాత స్పీకర్‌ ఓం బిర్లా బిల్లుపై ఓటింగ్‌ నిర్వహించారు. మొత్తం 282 మంది సభ్యులు అనుకూలంగా ఓటు వేయగా, 232 మంది దీనిని వ్యతిరేకించారు. ఇక ఈరోజు ఈ వక్ఫ్‌ బిల్లు రాజ్యసభకు వెళ్లనుంది. ఈ బిల్లుపై రాజ్యసభలో చర్చించేందుకు 8 గంటల సమయం కేటాయించారు. కాగా, బీజేపీ నేతృత్వంలోని ఎన్‌డీఏ కూటమి, ప్రతిపక్ష ఇండి ఎలయన్స్ కూటమిలోని ప్రధాన పార్టీలు తమ ఎంపీలకు విప్‌ జారీ చేసిన విషయం విదితమే.

రాయల్ ఛాలెంజర్స్ బెంగళూరు: 169-8 (20). గుజరాత్ టైటాన్స్: 170-2 (17.5). ఈ సీజన్ లో రాయల్ ఛాలెంజర్స్ బెంగళూరుకు మొదటి ఓటమి ఎదురైంది. తాజాగా బెంగుళూరు వేదికగా జరిగిన మ్యాచ్ లో గుజరాత్ టైటాన్స్ రాయల్ ఛాలెంజర్స్ బెంగళూరు పై 8 వికెట్ల తేడాతో గెలుపొందింది. టాస్ గెలిచి మొదట బౌలింగ్ ఎంచుకున్న గుజరాత్ బెంగళూరును 169-8కి కట్టడి చేసింది. లివింగ్ స్టోన్ 54 (40; 1×4, 5×6) హాఫ్ సెంచరీతో రాణించాడు. జితేష్ శర్మ 33 (21; 5×4, 1×6), టిమ్ డేవిడ్ 32 నాటౌట్ (18; 3×4, 2×6) పరుగులతో పర్వాలేదనిపించారు. గుజరాత్ బౌలర్లలో సిరాజ్ 3 వికెట్లు, సాయి కిషోర్ 2 వికెట్లు, అర్షద్ ఖాన్, ఇషాంత్ శర్మ, ప్రసీద్ కృష్ణ ఒక్కో వికెట్ చొప్పున పడగొట్టారు. ఇక లక్ష్యాన్ని గుజరాత్ ఎక్కడా తడబడకుండా చేధించింది. జాస్ బట్లర్ 73 నాటౌట్ (39; 5×4, 6×6)…

సచివాలయంలో తిరుమల తిరుపతి దేవస్ధానంపై ముఖ్యమంత్రి చంద్రబాబు సమీక్ష నిర్వహించారు. ఈ సమీక్షకు దేవాదాయ శాఖా మంత్రి ఆనం రామ్ నారాయణ రెడ్డి, టీటీడీ చైర్మన్ బిఆర్ నాయుడు, ఈవో జె.శ్యామలరావు, అడిషనల్ ఈవో వెంకయ్య చౌదరి, చీఫ్ విజిలెన్స్ అధికారి, తిరుపతి జిల్లా ఎస్పీ హర్షవర్థన్ రాజు తదితరులు హాజరయ్యారు. వేసవి దృష్ట్యా తిరుమలలో తీసుకోవాల్సిన జాగ్రత్తలపై సీఎం చంద్రబాబు పలు సూచనలు చేశారు. తిరుమలలో పెండింగ్ అంశాలపై సీఎం చంద్రబాబు చర్చించారు . టీటీడీ పూర్తిస్థాయి ప్రక్షాళన, అభివృద్ధి తో పాటు…. తిరుమల పవిత్రత పెంపుదల, ఏఐ టెక్నాలజీ తో శ్రీవారి దర్శనం, వసతి తదితర సదుపాయాలు కల్పన, అన్యమత ఉద్యోగులను ప్రభుత్వశాఖలకు బదిలీ, దేశ, విదేశాల్లో శ్రీవారి ఆలయాలు నిర్మాణంగత ప్రభుత్వ హాయంలో ఇష్టానుసారం జరిగిన నిధులు కేటాయింపులు, ఏళ్ల తరబడి పాతుకుపోయిన అధికారులు‌ బదిలీలు తదితర కీలక‌ ఆంశాలపై టిటిడి చైర్మన్ మరియు అధికారులు సీఎం…

దేశీయ స్టాక్ మార్కెట్లు నిన్నటి నష్టాల నుండి కోలుకుని తిరిగి లాభాలు ఆర్జించాయి. , మరికొన్ని గంటల్లోనే అమెరికా ప్రెసిడెంట్ డొనాల్డ్ ట్రంప్ టారిఫ్ లకు సంబంధించిన కీలక నిర్ణయం ప్రకటించనున్న నేపథ్యంలో సూచీలు రాణించడం గమనార్హం. మన దేశ కాలమానం ప్రకారం నేడు అర్థరాత్రి 1:30 తరువాత ట్రంప్ తన నిర్ణయాన్ని ప్రకటించనున్నారు. వెంటనే టారిఫ్ లు అమలులోకి రానున్నాయని వైట్ హౌస్ తెలిపింది. ఇక నేడు బాంబే స్టాక్ ఎక్స్ చేంజ్ సూచీ సెన్సెక్స్ 592 పాయింట్ల లాభంతో 76,617 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 166 పాయింట్లు లాభపడి 23,332 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.48గా కొనసాగుతోంది. సెన్సెక్స్ 30లో టైటాన్, జొమాటో, ఇండస్ ఇండ్ బ్యాంక్, టెక్ మహీంద్రా, మారుతీ సుజుకీ షేర్లు ప్రధానంగా లాభపడ్డాయి.

ఆంధ్రప్రదేశ్ రాష్ట్ర శాసన మండలి సభ్యుడిగా జనసేన సీనియర్ నేత నాగబాబు నేడు ప్రమాణ స్వీకారం చేశారు. ఈసందర్భంగా ఎమ్మెల్యే కోటాలో ఎమ్మెల్సీగా ఎన్నికయ్యేందుకు నాకు అవకాశం కల్పించి, ఆంధ్రప్రదేశ్ శాసన మండలి సభ్యునిగా బాధ్యతలు అప్పజెప్పిన సీఎం చంద్రబాబు, డిప్యూటీ సీఎం పవన్ కళ్యాణ్, సూచనలకు అనుగుణంగా తన బాధ్యతను నిబద్ధతతో నిర్వర్తిస్తానని తెలిపారు. ప్రజా సంక్షేమం, జవాబుదారీతనం ప్రధాన లక్ష్యాలుగా పని చేస్తున్న కూటమి ప్రభుత్వంలో శాసన మండలి సభ్యునిగా నా కర్తవ్యాలను క్రమశిక్షణతో నిర్వహిస్తామని చెప్పారు. చట్టసభలో ప్రజా ప్రతినిధిగా ప్రజాగళం వినిపించే అవకాశం లభించేందుకు సహకరించిన ప్రతీ ఒక్కరికీ ఈ సందర్భంగా కృతజ్ఞతలు తెలిపారు. మండలి చైర్మన్ మోషేస్ రాజు నాగబాబు చేత ప్రమాణస్వీకారం చేయించారు. కూటమి నేతలు ఈసందర్భంగా నాగబాబుకు శుభాకాంక్షలు తెలిపారు.

పెండింగ్‌ ఈ-చలాన్‌లు ఉన్న వాహనదారులు మూడు నెలల్లోపు జరిమానా చెల్లించకపోతే డ్రైవింగ్‌ లైసెన్స్ సస్పెన్షన్ ఖాయమని ప్రభుత్వం హెచ్చరించింది.కొత్త ఆర్థిక సంవత్సరం అమలులోకి వచ్చిన తర్వాత,ఈ-చలాన్ రికవరీ రేటును పెంచేందుకు ఈ కఠిన నిర్ణయాన్ని తీసుకుంది.ఒక ఆర్థిక సంవత్సరంలో మూడు సార్లు ట్రాఫిక్ నిబంధనలు ఉల్లంఘించినా కనీసం మూడు నెలలపాటు లైసెన్స్ రద్దు చేస్తామని స్పష్టంచేసింది.అదనంగా,జరిమానాలు చెల్లించని వాహనదారుల ఇన్సూరెన్స్ ప్రీమియంను పెంచే విధానం అమలు చేయనున్నట్లు వెల్లడించింది.ట్రాఫిక్ ఉల్లంఘనలను గుర్తించేందుకు సీసీటీవీ కెమెరాలు,స్పీడ్‌ గన్లు,బాడీ-వార్మ్‌ కెమెరాలు,ఆటోమేటిక్ నంబర్ ప్లేట్ గుర్తింపు వ్యవస్థలను మోటార్ వాహన చట్టంలోని 136ఏ సెక్షన్‌ కింద ఉపయోగించనున్నారు. ఇక మద్యం తాగి వాహనం నడిపిన వారికి భారీ జరిమానాలతో పాటు జైలు శిక్ష విధిస్తున్నారు. మొదటిసారి పట్టుబడితే ₹10,000 జరిమానా లేదా 6 నెలల జైలు కాగా, మళ్లీ అదే నేరానికి పాల్పడితే ₹15,000 జరిమానా, 2 సంవత్సరాల వరకు జైలు శిక్ష విధించనున్నారు. హెల్మెట్…

దేశవ్యాప్తంగా 900 రకాలకు పైగా ఔషధాల ధరలు పెరిగినట్టు నేషనల్‌ ఫార్మాస్యుటికల్‌ ప్రైజింగ్‌ అథారిటీ (NPPA) ప్రకటించింది. ఏప్రిల్‌ 1 నుంచి ఈ కొత్త ధరలు అమల్లోకి వచ్చాయి.టోకు ద్రవ్యోల్బణ సూచీ (WPI) ఆధారంగా ఔషధ తయారీ సంస్థలుప్రభుత్వ అనుమతి లేకుండానే ధరలను సవరించుకునే అవకాశం ఉంది.ఇది నిత్యావసర ఔషధాలను వినియోగించే ప్రజలకు అదనపు భారం కలిగించనుంది.ఇప్పటికే వైద్య ఖర్చులు పెరుగుతున్న నేపథ్యంలో,ఈ ధరల పెంపు సామాన్య ప్రజలపై తీవ్ర ప్రభావం చూపనుందని ఆరోగ్య నిపుణులు ఆందోళన వ్యక్తం చేస్తున్నారు. ధరల పెంపు శాతం:- 1.74% ప్రభావితమైన ఔషధాలు:- – ఇన్ఫెక్షన్ల చికిత్సకు వాడే మందులు – గుండె సంబంధిత వ్యాధుల ఔషధాలు – షుగర్‌/డయాబెటిస్‌ మందులు – పెయిన్‌ కిల్లర్లు

కర్ణాటకలో కాంగ్రెస్‌ ప్రభుత్వం వరుసగా కొత్త పన్నులను విధిస్తూ ప్రజలను ఆర్థికంగా ఒత్తిడికి గురిచేస్తోంది.ఇటీవల ఆర్టీసీ, మెట్రో, వాహన రిజిస్ట్రేషన్‌, విద్యుత్‌ చార్జీలు, నీటి బిల్లులు, స్టాంప్‌ డ్యూటీ,ఎక్సైజ్‌ డ్యూటీ వంటి అనేక సేవలకు సంబంధించి ట్యాక్స్‌లు పెంచిన ప్రభుత్వం,ఇప్పుడు చెత్త సేకరణపైనా యూజర్‌ ఛార్జీలను విధించింది.బెంగళూరు మహానగర పాలక సంస్థ ఏప్రిల్‌ 1 నుంచి వ్యర్థాల నిర్వహణ ఛార్జీలను వసూలు చేయనున్నట్టు ప్రకటించింది.భవనాల విస్తీర్ణాన్ని బట్టి పన్ను విధిస్తూ, 600 చ.అడుగులలోపు గల నివాస భవనాలకు నెలకు రూ.10, 4,000 చ.అడుగులపైగా ఉన్న ఇళ్లకు నెలకు రూ.400 వసూలు చేయనుంది.వాణిజ్య భవనాలకు కేజీకి రూ.12 చొప్పున చెత్త సేకరణ ఛార్జీలు విధించనున్నారు. అంతేకాక,ప్రభుత్వం తాజాగా డీజిల్‌పై లీటర్‌కు రూ.2 పెంచుతూ నోటిఫికేషన్‌ జారీ చేసింది. దీంతో రాష్ట్రంలో డీజిల్‌ లీటర్‌ ధర రూ.91.02కు చేరుకుంది.ఈ పెంపుతో రైతులు,రవాణా రంగం,డ్రైవర్లు తీవ్రంగా నష్టపోతున్నారని పలువురు మండిపడుతున్నారు.ఇంధన ధరలు పెరిగితే సరుకుల రవాణా…