Author: admin

తెలుగు తేజం, విశాఖకు చెందిన యువ స్కేటర్ దొంతారా గ్రీష్మ కు ఏపీ సీఎం చంద్రబాబు అభినందనలు తెలిపారు. తైవాన్ లో జరిగిన ఆర్టిస్టిక్ రోలర్ స్కేటింగ్ ఛాంపియన్షిప్ లో తెలుగమ్మాయి, విశాఖకు చెందిన యువ స్కేటర్ దొంతారా గ్రీష్మ మూడు విభాగాల్లో బంగారు పతకాలను సాధించడం రాష్ట్రానికి గర్వకారణమని పేర్కొన్నారు. భవిష్యత్తులో మరిన్ని విజయాలతో రాష్ట్రానికి, దేశానికి గ్రీష్మ మంచి పేరు తీసుకు వస్తుందని ఆకాంక్షిస్తున్నట్లు సోషల్ మీడియా ‘ఎక్స్’ లో పోస్ట్ చేశారు.

ఏప్రిల్, మే, జూన్ ఈ మూడు నెలల పాటు సాధారణం కంటే ఎక్కువ ఉష్ణోగ్రతలు నమోదయ్యే అవకాశం ఉందని ఇండియన్ మెటీరియాలజికల్ డిపార్ట్మెంట్ (ఐఎండీ) అంచనా వేస్తోంది. ఎక్కువ ప్రాంతాల్లో గరిష్ట స్థాయిలో సాధారణం కంటే ఎక్కువ ఉష్ణోగ్రతలు అదే విధంగా కనిష్ట ఉష్ణోగ్రతలు కూడా పలు చోట్ల సాధారణం కంటే ఎక్కువ ఉంటాయని ఐఎండీ చీఫ్ మృత్యుంజయ మహాపాత్ర పేర్కొన్నారు. దేశంలోని ఎక్కువ భాగాల్లో గరిష్ట ఉష్ణోగ్రతలు సాధారణ స్థాయికి పైగా ఉండనున్నాయి. పశ్చిమ మరియు తూర్పు భారతదేశంలోని కొన్ని ప్రాంతాల్లో ఉష్ణోగ్రతలు సాధారణ స్థాయిలో ఉండే అవకాశం ఉంది. అయితే, కనిష్ట ఉష్ణోగ్రతలు ఎక్కువ ప్రాంతాల్లో సగటును మించిపోవచ్చని అంచనా వేస్తున్నారు. ఆంధ్రప్రదేశ్, తెలంగాణా, కర్ణాటక, రాజస్థాన్, ఉత్తరప్రదేశ్, ఒడిశా, హార్యానా, బీహార్, ఛత్తీస్ ఘడ్ రాష్ట్రాల్లో సాధారణం కంటే ఎక్కువ వడగాలుల రోజులు కొనసాగే అవకాశం ఉంది. ముఖ్యంగా ఏప్రిల్ లో దేశంలో చాలా ప్రాంతాల్లో ఎక్కువ…

ఎంతో మనోధైర్యంతో దాదాపు 9 నెలల పాటు అంతరిక్షంలో గడిపిన భారత సంతతి వ్యోమగామి సునీతా విలియమ్స్, మరో వ్యోమగామి బుచ్ విల్మోర్ లు ఇటీవలే భూమికి సురక్షితంగా చేరిన సంగతి తెలిసిందే. కాగా, తాజాగా నాసా నిర్వహించిన ప్రెస్ కాన్ఫరెన్స్ లో అంతరిక్షంలో తమ తమ అనుభవాలను వీరు పంచుకున్నారు. రోదసి నుండి భారత్ ఎలా కనిపించిందనే ప్రశ్నకు స్పందిస్తూ సునీత చాలా అద్భుతంగా కనిపించిందని అన్నారు. తనలో భారత్ మూలాలు ఉండటం తనకు ఎంతో గర్వంగా ఉందని అన్నారు. ఇక తాము హిమాలయాల మీద నుంచి వెళ్లిన ప్రతిసారి మంచు పర్వతాల అందాలను విల్మోర్ కెమెరాలో బంధించారని సునీత వివరించారు. హిమాలయాలు అత్యద్భుతం అని చెప్పారు. గుజరాత్, ముంబై వంటి ప్రాంతాల మీద నుంచి వెళుతున్నప్పుడు తీరం వెంబడి ఉండే మత్స్యకారుల పడవలు తమకు సిగ్నల్ మాదిరి పని చేసేవని పేర్కొన్నారు. తన మూలాలు ఉన్న భారత్ కు…

బాపట్ల జిల్లా చినగంజాం మండలం గొల్లపాలెంలో ఎన్టీఆర్ భరోసా పింఛన్ల పంపిణీ కార్యక్రమంలో ఏపీ సీఎం చంద్రబాబు పాల్గొన్నారు. లబ్ధిదారులకు ఇళ్లకు స్వయంగా వెళ్లి పింఛన్లు అందించి. లబ్ధిదారుల సమస్యలను అడిగి తెలుసుకున్నారు. నేడు 1వ తేదీ సందర్భంగా రాష్ట్రంలో ఎన్టీఆర్ భరోసా పింఛన్ల పంపిణీ ప్రారంభమైంది. ఉదయం 7 గంటల నుండి లబ్ధిదారుల ఇళ్లకు వెళ్లి పింఛన్లు సిబ్బంది అందిస్తున్నారు . ఉదయం10 గంటలకే దాదాపుగా 80% లబ్ధిదారులకు పింఛన్లు అందజేశారు.

అనకాపల్లి నుండి అచ్యుతాపురం వరకు సుమారు 14కి.మీ.ల పొడవైన రోడ్డు విస్తరణ పనులకు మంత్రి నారా లోకేష్ శంకుస్థాపన చేశారు. యువగళం పాదయాత్ర సమయంలో ఈ ప్రాంత ప్రజలు రహదారి విస్తరణ చేపట్టాలని విన్నవించిన నేపథ్యంలో ఆనాడు ఇచ్చిన హామీ మేరకు ప్రస్తుతం డబుల్ రోడ్డుగా ఉన్న ఈ రహదారిని రూ.347 కోట్ల ఆసియా డెవలప్ మెంట్ బ్యాంక్ (ఎడిబి) ఆర్థికసాయంతో 4లైన్ల రహదారిగా విస్తరణకు శ్రీకారం చుట్టారు. రెండేళ్ల కాలవ్యవధిలో చేపట్టే ఈ ప్రాజెక్టులో భాగంగా ప్రధానంగా అచ్యుతాపురం జంక్షన్ వద్ద ఫ్లైఓవర్ తోపాటు రెండు మైనర్ బ్రిడ్జిలు, 47 కల్వర్టులు నిర్మిస్తారు. ఈ ప్రాంతం విశాఖ-చెన్నయ్ ఇండస్ట్రియల్ కారిడార్ (VCIC), జవహర్‌లాల్ నెహ్రూ ఫార్మా సిటీ, స్పెషల్ ఎకనమిక్ జోన్ లో భాగంగా రాంబిల్లి, అచ్యుతపురం, పరవాడ వద్ద అభివృద్ధి చేస్తున్న పారిశ్రామిక సమూహాలకు దగ్గరగా ఉంది. దీంతో భవిష్యత్ ట్రాఫిక్ రద్దీని దృష్టిలో పెట్టుకొని ఈరోడ్డు విస్తరణ…

భద్రతా దళాలకు ప్రత్యేక అధికారాలను ఇచ్చే సాయుధ బలగాల ప్రత్యేక అధికారాల చట్టాన్ని (AFSPA) మణిపుర్, నాగాలాండ్, అరుణాచల్ ప్రదేశాలలో 6 నెలల పాటు పొడిగిస్తున్నట్లు కేంద్ర హోంశాఖ ప్రకటించింది. ఈరోజు నుండి ఈ ఆదేశాలు అమల్లోకి రానున్నాయి. మణిపూర్ రాష్ట్రంలో ప్రస్తుత పరిస్థితుల్లో శాంతి భద్రతల పరిస్థితిని సమీక్షించిన తర్వాత శాంతి భద్రతలను నెలకొల్పాలన్న ఉద్దేశ్యంతో ఈ నిర్ణయం తీసుకుంది. 13 పోలీస్ స్టేషన్ల రేంజ్ ను మినహాయించి మణిపూర్ లో ఈ యాక్టు పూర్తిగా అమలు కానుంది. నాగాలాండ్ లోని 8 జిల్లాల్లో పూర్తిగా, ఇతర జిల్లాల్లో 21 పోలీస్ స్టేషన్లు మరియు అరుణాచల్ ప్రదేశ్ లో మూడు జిల్లాలు పూర్తిగా, మరో జిల్లాలో మూడు పోలీస్ స్టేషన్ల పరిధిలోని ప్రాంతం ఈ చట్టం రేంజ్ లో ఉండనున్నాయి. 2024 సెప్టెంబర్లో మణిపూర్ ని 6 జిల్లాల్లో ఆరు నెలల పాటు అఫ్సా విధించారు. ఇది ఈ ఏడాది…

మియామీ ఓపెన్ ఫైనల్ లో సెర్బియన్ టెన్నిస్ దిగ్గజం నోవాక్ జకోవిచ్ పై 19 ఏళ్ల కుర్రాడు జాకుబ్ మెన్సిక్ 7-6 (4), 7-6 (4)తో సంచలన విజయం నమోదు చేశాడు. చెక్ రిపబ్లిక్ కు చెందిన ఈ యువ కెరటం షార్ప్ సర్వీసెస్ తో అదరగొట్టాడు. ప్రపంచ 54వ ర్యాంకర్ గా టోర్నీలో అడుగుపెట్టాడు. ఇక మ్యాచ్ అనంతరం జకోవిచ్ పై తన అభిమానాన్ని చాటుకున్నాడు. చిన్ననాటి నుంచి జకోవిచ్ అంటే అభిమానం అని జకో ను చూసే టెన్నిస్ ఆడడం మొదలు పెట్టినట్లు తెలిపాడు.

వెస్టిండీస్ టీ20 టీమ్ కెప్టెన్ గా షై హోప్ నియమితులయ్యాడు. ప్రస్తుతం వన్డే కెప్టెన్ గా ఉన్న అతను తాజాగా రోమన్ పావెల్ నుండి బాధ్యతలు తీసుకోనున్నాడు. పావెల్ 2023 నుండి కెప్టెన్ గా ఉన్నాడు. ఇక నాలుగేళ్ల నుంచి టెస్టు కెప్టెన్ గా వ్యవహరిస్తున్న బ్రెత్ వైట్ ఆ బాధ్యతల నుండి తప్పుకోనున్నాడు. జూన్-జులై లో ఆస్ట్రేలియాతో స్వదేశంలో టెస్టు సిరీస్ ఆరంభానికి ముందు కొత్త కెప్టెన్ ను ప్రకటించనున్నారు. 100 టెస్టులకు చేరువలో ఉన్న బ్రెత్ వైట్ కు ఈ సిరీస్ ఎంతో ప్రత్యేకం. ఇక ఇప్పటి వరకు కెప్టెన్ గా ఉన్న అతనికి వెస్టిండీస్ క్రికెట్ బోర్డు కృతజ్ఞతలు తెలిపింది. కొన్ని వారాల్లో కొత్త కెప్టెన్ ను ప్రకటించనున్నట్లు తెలిపింది.

కోల్ కతా నైట్ రైడర్స్:116-10 (16.2). ముంబై ఇండియన్స్: 121-2 (12.5). వరుసగా రెండు పరాజయల తర్వాత ఈ సీజన్ లో ముంబై ఇండియన్స్ గెలుపు ఖాతా తెరిచింది. డిఫెండింగ్ ఛాంపియన్ కోల్ కతా నైట్ రైడర్స్ పై 8 వికెట్ల తేడాతో గెలిచింది. టాస్ గెలిచి మొదట బౌలింగ్ ఎంచుకున్న ముంబై కోల్ కతా నైట్ రైడర్స్ ను కేవలం 116 పరుగులకే కట్టడి చేసింది. రఘువన్షీ (26) టాప్ స్కోరర్. రమన్ దీప్ (22) పర్వాలేదనిపించాడు. మిగిలిన బ్యాటర్లు ఘోరంగా విఫలమయ్యారు. ముంబై కొత్త బౌలర్ అశ్వినీ కుమార్ 4 వికెట్లతో సత్తా చాటాడు. చాహార్ 2 వికెట్లు, శాంట్నర్, బౌల్ట్, హార్థిక్ పాండ్య, విఘ్నేష్ పుతుర్ ఒక్కో వికెట్ చొప్పున పడగొట్టారు. స్వల్ప లక్ష్యాన్ని ముంబై కేవలం 2 వికెట్లు మాత్రమే కోల్పోయి 12.5 ఓవర్లలోనే ఛేదించింది. రికెల్టన్ 62 నాటౌట్ (41; 4×4, 5×6) హాఫ్…

‘ఐకాన్ స్టార్’ అల్లు అర్జున్ కథానాయకుడిగా దర్శకుడు అట్లీ కాంబినేషన్‌లో ఓ చిత్రం రానుంది.అయితే ఈ సినిమా గురించి అల్లు అర్జున్ అభిమానులు ఎప్పటి నుండో ఆసక్తిగా ఎదురుచూస్తున్నారు.ఈ చిరం గురించి ఇంకా అధికారిక ప్రకటన రానప్పటికీ, అనేక రూమర్స్ వినిపిస్తున్నాయి. తాజాగా, ఈ సినిమాలో బాలీవుడ్ బాద్‌షా షారుక్ ఖాన్ గెస్ట్ రోల్ లో కనిపించనున్నాడనే వార్తలు గట్టిగా ప్రచారంలో ఉన్నాయి.అట్లీ, షారుక్‌ను ఈ పాత్ర కోసం సంప్రదించినట్లు సమాచారం. కాగా ఈ సినిమా లాంచ్, రిలీజ్ డేట్స్ విషయంలో కూడా ఆసక్తికరమైన అప్‌డేట్స్ వచ్చాయి. నిర్మాత రవిశంకర్ ఇటీవల చేసిన వ్యాఖ్యల ప్రకారం,అట్లీ-అల్లు అర్జున్ మూవీ తర్వాత త్రివిక్రమ్ సినిమా ఉంటుందని, ఆ రెండింటి తర్వాత పుష్ప-3 మొదలవుతుందని తెలిపారు. మరోవైపు,అల్లు అర్జున్ ఈ సినిమాలో తన లుక్‌పై ప్రత్యేక శ్రద్ధ పెట్టినట్లు తెలుస్తోంది.పైగా, జీ స్టూడియోస్ కూడా ఈ ప్రాజెక్టులో భాగం కానుందని సమాచారం.మొత్తం మీద, ఈ…