Author: admin

పాన్‌ ఇండియా స్టార్ ప్రభాస్,సందీప్ రెడ్డి వంగా కాంబినేషన్‌లో తెరకెక్కుతున్న భారీ చిత్రం ‘స్పిరిట్’.దాదాపు రూ. 300 కోట్ల బడ్జెట్ తో రూపొందుతున్న ఈ సినిమాను టీ సిరీస్, భద్రకాళి పిక్చర్స్ నిర్మిస్తున్నారు.ప్రస్తుతం ప్రీ-ప్రొడక్షన్ పనులు జరుగుతున్న ఈ సినిమా సెట్స్‌పైకి ఈ ఏడాది చివరిలో వెళ్లనున్నట్లు సమాచారం. ఉగాది పండుగ సందర్భంగా దర్శకుడు సందీప్ రెడ్డి వంగా క్రేజీ అప్‌డేట్‌ను ప్రకటించారు‘స్పిరిట్’ చిత్రీకరణను మెక్సికోలో జరపనున్నామని,ఇందులో ప్రభాస్ మూడు కొత్త లుక్స్‌లో కనిపించబోతున్నారని వెల్లడించారు. అర్జున్ రెడ్డి,యానిమల్ తరహాలో ప్రభాస్‌ పాత్రను డిఫరెంట్‌గా తీర్చిదిద్దనున్నట్లు తెలుస్తోంది.వచ్చే నెలలో ప్రారంభమై, జనవరి నుంచి రెగ్యులర్ షూటింగ్ జరగనుంది. ఆరు నెలల్లో షూటింగ్ పూర్తి చేయాలని టీమ్ ప్లాన్ చేస్తోంది. భారీ బడ్జెట్, ఇంటెన్స్ కథాంశంతో తెరకెక్కుతున్న ఈ సినిమా పై ప్రభాస్ అభిమానుల్లో భారీ అంచనాలు నెలకొన్నాయి.

​అరుణాచల్ ప్రదేశ్‌లో సోమవారం మధ్యాహ్నం 2:38 గంటలకు భూకంపం సంభవించింది. రిక్టర్ స్కేలుపై దీని తీవ్రత 3.5గా నమోదైంది.నేషనల్ సెంటర్ ఫర్ సిస్మోలజీ ప్రకారం, ఈ భూకంపం షియోమి జిల్లాలో భూమికి 10 కిలోమీటర్ల లోతులో కేంద్రంగా ఉంది. తీవ్రత తక్కువగా ఉండటంతో ప్రాణ,ఆస్తి నష్టం జరగలేదు.అయినప్పటికీ,భూమి కంపించడంతో ప్రజలు భయంతో ఇళ్ల నుంచి బయటకు పరుగులు తీశారు.శుక్రవారం మయన్మార్‌లో 7.7 తీవ్రతతో భారీ భూకంపం సంభవించింది.ఈ విపత్తులో ఇప్పటివరకు 2,972 మంది మరణించారని అధికార వర్గాలు వెల్లడించాయి.క్షతగాత్రుల సంఖ్య 3,122గా ఉంది. భూకంపం కారణంగా అనేక భవనాలు ధ్వంసమయ్యాయి,ప్రజలు భయంతో రోడ్లపైకి పరుగులు తీశారు.భూకంపాల వంటి ప్రకృతి విపత్తుల సమయంలో ప్రజలు అప్రమత్తంగా ఉండాలి.సురక్షిత ప్రదేశాల్లోకి వెళ్లి, అధికారుల సూచనలు పాటించడం ద్వారా ప్రాణ, ఆస్తి నష్టం తగ్గించుకోవచ్చు.

మలయాళ సూపర్ స్టార్ మోహన్‌లాల్ తన తాజా చిత్రం ‘L2 ఎంపురాన్’ పై వచ్చిన వివాదానికి సంబంధించి క్షమాపణలు తెలిపారు. ఈ చిత్రంలోని కొన్ని సన్నివేశాలు గుజరాత్ అల్లర్లను సూచిస్తూ ఒక వర్గాన్ని అవమానకరంగా చూపించాయని విమర్శలు వచ్చాయి.దీనిపై సెన్సార్ బోర్డ్ 17 కట్స్ సూచించగా, తాజాగా మోహన్‌లాల్ కూడా వివాదంపై స్పందించారు. ఆయన మాట్లాడుతూ,‘‘చిత్రంలోని కొన్ని రాజకీయ,సామాజిక అంశాలు కొందరిని నొప్పించాయి. నా సినిమాలు ఏ రాజకీయ ఉద్యమాన్ని,భావజాలాన్ని లేదా మతాన్ని అవమానించకుండా జాగ్రత్తపడటం నా బాధ్యత’’ అని పేర్కొన్నారు.అందుకే తన చిత్రం బృందం తరఫున క్షమాపణలు తెలుపుతున్నట్లు ప్రకటించారు. వివాదాస్పద సన్నివేశాలను తొలగించాలని నిర్ణయం తీసుకున్నామని వెల్లడించారు.2019లో విడుదలైన ‘లూసిఫర్’ గా వచ్చిన ఈ చిత్రం మార్చి 27న ప్రేక్షకుల ముందుకు వచ్చింది. పృథ్వీరాజ్ సుకుమారన్ దర్శకత్వంలో రూపొందిన ఈ పొలిటికల్ యాక్షన్ థ్రిల్లర్‌లో మంజు వారియర్, టోవినో థామస్ కీలక పాత్రలు పోషించారు. బాక్సాఫీస్ వద్ద రికార్డు…

ఏపీ సీఎం చంద్రబాబుపై ప్రముఖ పారిశ్రామికవేత్త ఆనంద్ మహీంద్రా ప్రశంసలు కురిపించారు. ఆయన పనులు అద్భుతంగా ఉంటాయని కొనియాడారు. ఈమేరకు ఆయన ‘ఎక్స్’ లో పోస్ట్ చేశారు. అరకు కాఫీ కోసం ఏపీ ప్రభుత్వం విశేషంగా కృషి చేస్తున్న నేపథ్యంలో ప్రపంచ వ్యాప్తంగా వీలైన చోటల్లా ఈ కాఫీకి గుర్తింపు తీసుకొచ్చే దిశగా చంద్రబాబు అడుగులు వేస్తున్నారు. ఇక ఆనంద్ మహీంద్రా స్పందిస్తూ అరకు కేఫ్ లు విస్తరిస్తున్న తీరును చూసి ఆయన సంతోషిస్తారని పారిస్ కేఫ్ ల్లోని ఎలక్ట్రానిక్ స్క్రీన్స్ పై అరకులోని గిరిజనుల లైఫ్ స్టైల్ కు సంబంధించిన చిత్రాలు, వీడియోలు ప్రదర్శించనున్నట్లు తెలిపారు. ఇక్కడి కాఫీ ప్యాకేజింగ్ ను గిరిజనుల వేషధారణ, భారతదేశంలోని వైవిధ్యమైన రంగుల స్ఫూర్తితో రూపొందించినట్లు వివరించారు. ఇక ఇంతకుముందు కూడా ఆనంద్ మహీంద్రా ‘ఎక్స్’లో ఆసక్తికర పోస్టు పెట్టారు. పారిస్ లో మన రెండో అరకు కాఫీ స్టాల్’ అంటూ వీడియో పెట్టారు.…

ఇటీవల సంభవించిన భారీ భూకంపంతో తీవ్రంగా నష్టపోయిన మయన్మార్‌ కు ఆపన్నహాస్తం అందించి భారత్ తన దాతృత్వం మరోసారి చాటుకుంది. ఇప్పటికే బాధిత దేశానికి యుద్ధ ప్రాతిపదికన సహాయ సామాగ్రి అందజేసేందుకు ‘ఆపరేషన్ బ్రహ్మ’ తో సాయమందిస్తున్న భారత్ శుక్రవారం మయన్మార్‌లో భారీ భూకంపం సంభవించగా, ప్రధాని మోడీ ఆదేశాల మేరకు భారీ సహాయాన్ని పంపించడం జరిగింది. నిన్న కూడా 30 టన్నుల విపత్తు సహాయాన్ని తరలించారు. వివిధ రకాల ఆహార వస్తువులతో పాటు మెడికల్ సామాగ్రిని యాంగోన్‌కు పంపించారు. ఇండియన్ నేవీ షిప్ లు ఐఎన్ఎస్ కర్మూక్, ఎల్ సీ యూ 52 లలో 30 టన్నుల సాయాన్ని పంపినట్లు విదేశాంగ శాఖ మంత్రి జై శంకర్ ‘ఎక్స్’ వేదికగా వెల్లడించారు.

మాజీ మంత్రి, వైసీపీ నేత కొడాలి వెంకటేశ్వరరావు (నాని) ఆరోగ్యానికి సంబంధించి కీలక ప్రకటన వెలువడింది. ఈ నెల 26న గుండెపోటుకు గురైన సంగ‌తి తెలిసిందే. దాంతో ఆయ‌నను వారి కుటుంబ స‌భ్యులు ఏఐజీ హాస్పిటల్ కు త‌ర‌లించారు. ప్ర‌స్తుతం ఆయ‌న అక్క‌డే చికిత్స పొందుతున్నారు. అయితే, ఈరోజు ఉద‌యం ఏఐజీ ఆసుప‌త్రి వైద్యులు కొడాలి నాని హెల్త్ బులిటిన్ ను విడుద‌ల చేశారు. కాసేప‌ట్లో ఆయ‌న‌ను హాస్పిటల్ నుంచి డిశ్చార్జి చేస్తున్న‌ట్లు ప్ర‌క‌టించారు. నాని హార్ట్ లో మొత్తం మూడు వాల్స్ మూసుకుపోవ‌డంతో క్రిటిక‌ల్‌ స‌ర్జ‌రీ చేసి స్టంట్ అమ‌ర్చ‌డం లేదా బైపీస్ స‌ర్జ‌రీ చేయాల‌ని కుటుంబ స‌భ్యుల‌కు సూచించిన‌ట్లు డాక్టర్లు తెలిపారు. దీంతో మెరుగైన చికిత్స కోసం ఆయ‌న‌ను ముంబ‌యి తరలించనున్నారని తెలుస్తోంది.

ఈ రోజు రంజాన్ పర్వదినం సందర్భంగా ముస్లిం సోదర సోదరీమణులకు ప్రజాప్రతినిధులు, నేతలు శుభాకాంక్షలు తెలుపుతున్నారు. ఏపీ సీఎం చంద్రబాబు నాయుడు, డిప్యూటీ సీఎం పవన్ కళ్యాణ్, మంత్రి నారా లోకేష్, మాజీ సీఎం, వైసీపీ అధినేత వైఎస్ జగన్ మోహన్ రెడ్డి ‘ఎక్స్’ వేదికగా ముస్లిం సోదరులకు రంజాన్ శుభాకాంక్షలు తెలియజేశారు. ఏపీ సీఎం చంద్రబాబు: ముస్లిం సోదర సోదరీమణులకు పవిత్ర రంజాన్ శుభాకాంక్షలు. నెల రోజుల పాటు కఠిన ఉపవాస దీక్షలు, ఖురాన్ పఠనం, ప్రార్థనలతో ముగిసింది. జకాత్ పేరుతో సాటి వారిని ఆదుకునే దయా గుణం ముస్లిం వర్గంలోని మానవత్వానికి ప్రతిరూపం. పేద కుటుంబాల సముద్ధరణకు రాష్ట్ర ప్రభుత్వం చేపడుతున్న కార్యక్రమాలు అల్లా దయవల్ల విజయవంతం కావాలని కోరుకుంటూ.. అందరికీ పవిత్ర రంజాన్ శుభాకాంక్షలు తెలియజేస్తున్నాను. డిప్యూటీ సీఎం పవన్ కళ్యాణ్: ఇస్లాంపై విశ్వాసం ఉన్న ప్రతి ఒక్కరికీ హృదయపూర్వక రంజాన్ శుభాకాంక్షలు. ఖురాన్ అవతరించిన పవిత్ర…

భారత లాంగ్ డిస్టెన్స్ రన్నర్ గుల్వీందర్ సింగ్ కొత్త నేషనల్ రికార్డు సృష్టించాడు. యూఎస్ లోని కాలిఫోర్నియాలో జరిగిన యూఎస్ఏ అథ్లెటిక్స్ మీట్ లో పురుషుల 10వేల మీటర్ల రన్ లో 27 నిమిషాల 0.22 సెకన్ల టైమింగ్ లో 6వ స్థానంలో నిలిచాడు. ఈక్రమంలో తన రికార్డును తానే అధిగమించాడు. ఇంతకు ముందు హాచియోజి మీట్ లో 27 నిమిషాల 14.88 సెకన్ల రికార్డును బ్రేక్ చేశాడు. ఇక మరోవైపు భారత రన్నర్ లు కార్తీక్ ఈ యూఎస్ మీట్ లో 28 నిమిషాల 11.34 సెకన్లతో 8వ స్థానంలో నిలిచాడు. 1500 మీటర్లలో రాహుల్ 3 నిమిషాల 41.10 సెకన్లలో ఎనిమిదో స్థానంలో నిలిచాడు. మహిళల 10 వేల మీటర్ల రేసులో సీమా 32 నిమిషాల 14.66 సెకన్లలో 19వ స్థానంలో నిలిచింది. 1500 మీటర్లలో అంకిత 4 నిమిషాల 13.97 సెకన్లలో మూడో స్థానంలో నిలిచింది.

రాజస్థాన్ రాయల్స్:182-9(20). చెన్నై సూపర్ కింగ్స్ 176-6 (20). మ్యాచ్ లో టాస్ గెలిచిన చెన్నై ముందుగా బౌలింగ్ ఎంచుకుంది. దీంతో మొదట బ్యాటింగ్ చేసిన రాజస్థాన్ రాయల్స్ నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది. నితీష్ రాణా 81 (36; 10×4, 5×6) విధ్వంసకర బ్యాటింగ్ తో చెలరేగాడు. రియాన్ పరాగ్ 37 (28; 2×4, 2×6), సంజూ శాంసన్ 20 (16; 1×4, 1×6) పరుగులు చేశారు. చెన్నై బౌలర్లలో పతిరనా 2 వికెట్లు, ఖలీల్ అహ్మద్ 2 వికెట్లు, నూర్ అహ్మద్ 2 వికెట్లు, జడేజా 1 వికెట్ తీశారు. అనంతరం లక్ష్య ఛేదనలో చెన్నై 20 ఓవర్లలో 6 వికెట్ల నష్టానికి 176 పరుగులు మాత్రమే చేయగలిగింది. రుతు రాజ్ గైక్వాడ్ 63 (44; 7×4, 1×6) హాఫ్ సెంచరీతో రాణించాడు. రవీంద్ర జడేజా 32 నాటౌట్ (22; 2×4,…

టాలీవుడ్‌లో పండుగ వాతావరణం నెలకొంది.ఉగాది,రంజాన్‌ పర్వదినాలను పురస్కరించుకుని సినీ ప్రియులకు ప్రత్యేకమైన అనుభూతిని అందించేందుకు చిత్ర పరిశ్రమ సిద్ధమైంది.ఇప్పటికే ఉగాది సందర్భంగా భక్తులు గుళ్లకు వెళ్లి ప్రత్యేక పూజలు నిర్వహించగా,ఇంట్లో ఉగాది పచ్చడి స్వీకరిస్తూ నూతన సంవత్సరాన్ని స్వాగతించుకున్నారు.ఇదే సమయంలో ముస్లింలు రంజాన్‌ మాసాన్ని ఉత్సాహంగా జరుపుకుంటున్నారు.ఈ సందర్భంగా పలు సినీ నిర్మాణ సంస్థలు తమ చిత్రాలకు సంబంధించిన కొత్త పోస్టర్లు,టీజర్లు విడుదల చేయడం ద్వారా అభిమానులను ఆనందింపజేశాయి.స్టార్ హీరోల నుంచి యంగ్ టాలెంట్ వరకూ చాలా మంది నటించిన సినిమాలకు సంబంధించిన అప్డేట్లు వస్తుండటంతో టాలీవుడ్ అభిమానులు సంబరాల్లో మునిగిపోయారు.రాబోయే రోజుల్లో మరిన్ని ఆసక్తికరమైన అప్డేట్లు రాబోతున్నాయని సమాచారం.