తమ సంరక్షణను పట్టించుకోని పిల్లలు లేదా బంధువులకు ఇచ్చిన గిఫ్ట్‌ డీడ్లు, సెటిల్‌మెంట్‌ డీడ్లను రద్దు చేసుకునే హక్కు సీనియర్‌ సిటిజన్లకు ఉంటుందని మద్రాసు హైకోర్టు స్పష్టం చేసింది. డీడ్లలో అలాంటి షరతులు లేకపోయినా, వారు వాటిని రద్దు చేసుకునే అధికారం ఉందని తెలిపింది. సీనియర్‌ సిటిజన్‌ ఎస్‌ నాగలక్ష్మి దాఖలు చేసిన పిటిషన్‌పై విచారణ జరిపిన ధర్మాసనం, ఆమె కోడలు ఎస్‌ మాల అప్పీల్‌ను కొట్టివేస్తూ ఈ తీర్పును వెల్లడించింది.
Author: admin
టీమ్‌ఇండియా లెగ్‌ స్పిన్నర్‌ యజువేంద్ర చాహల్‌, ధనశ్రీ వర్మ వివాహ బంధానికి అధికారికంగా ముగింపు పలికింది. ముంబై ఫ్యామిలీ కోర్టు గురువారం వీరి విడాకులను మంజూరు చేసింది. 2022 నుంచే వీరు విడిగా ఉంటున్నందున కూలింగ్‌ పీరియడ్‌ అవసరం లేదని బాంబే హైకోర్టు స్పష్టం చేసింది. దీంతో మార్చి 20లోపు తుది తీర్పు ఇవ్వాలని ఫ్యామిలీ కోర్టును ఆదేశించింది. ఈ నేపథ్యంలో విడాకులు మంజూరు చేస్తూ కోర్టు నిర్ణయం తీసుకుంది. భరణంగా ధనశ్రీకి రూ. 4.75 కోట్లు చెల్లించేందుకు చాహల్‌ అంగీకరించగా, ఇప్పటికే రూ. 2.37 కోట్లు ఇచ్చినట్లు సమాచారం. 2020లో పెళ్లి చేసుకున్న ఈ జంట, ఇటీవల సోషల్ మీడియా ఖాతాల్లో మార్పులు చేయడంతో విడాకులపై ఊహాగానాలు ఊపందుకున్నాయి.
ఏపీ అసెంబ్లీ సమావేశాల్లో ఇవాళ ఎస్సీ వర్గీకరణ బిల్లుపై చర్చ జరిగింది.ఈ సందర్భంగా డిప్యూటీ సీఎం పవన్ కళ్యాణ్ మాట్లాడారు.ఎస్సీ వర్గీకరణలో ముఖ్యమంత్రి చంద్రబాబు, ఎమ్మార్పీఎస్ నేత మంద కృష్ణ మాదిగ కీలక పాత్ర పోషించారని అన్నారు.మంద కృష్ణ మాదిగ ప్రారంభించిన ఉద్యమాన్ని చంద్రబాబు ముందుకు తీసుకెళ్లారని చెప్పారు.తాను కూడా ఈ విషయంలో ఆసక్తి చూపించానని,పలువురు దళిత మేధావులను కలసి చర్చించానని వెల్లడించారు.మాదిగలు,మాలలు రాష్ట్రానుసారం భిన్నంగా ఉన్నారని,ఈ నేపథ్యంలో వర్గీకరణ సమతుల్యంగా చేయాల్సిన అవసరం ఉందని పేర్కొన్నారు.కులం పేరును చివరన పెట్టుకోవడం మంద కృష్ణ మాదిగ సాహసోపేతమని అభివర్ణించారు.చంద్రబాబు నేతృత్వంలోని ఎన్డీయే ప్రభుత్వం తీసుకువచ్చిన బిల్లుకు జనసేన సంపూర్ణ మద్దతు ప్రకటిస్తున్నట్లు వెల్లడించారు.ఈ నిర్ణయం ఎస్సీ వర్గీకరణకు దోహదపడుతుందని అన్నారు.
బెట్టింగ్ యాప్స్ ప్రచారం వ్యవహారంలో మియాపూర్ పోలీసులు ప్రముఖ సినీ నటులు, సోషల్ మీడియా ఇన్ఫ్లుయెన్సర్లపై కేసు నమోదు చేశారు.ఈ మేరకు మొత్తం 25 మంది పేర్లు ఈ జాబితాలో ఉన్నట్లు తెలుస్తోంది.కాగా ఇందులో సినీ ప్రముఖుల్లో రానా దగ్గుబాటి, విజయ్ దేవరకొండ, మంచు లక్ష్మి, నిధి అగర్వాల్ లాంటి వారు ఉన్నారు.అయితే సోషల్ మీడియా ఇన్ఫ్లుయెన్సర్లలో అనన్య నాగళ్ల, శ్రీముఖి, శోభా శెట్టి, హర్ష సాయి తదితరులు ఉన్నారు. మియాపూర్‌కు చెందిన ప్రమోద్ శర్మ అనే వ్యక్తి ఫిర్యాదు మేరకు ఈ చర్య తీసుకున్నారు. యాప్‌ల ద్వారా ప్రజలను మోసగిస్తున్నారని ఆరోపణలు ఉన్నాయి.పోలీసులు ఈ కేసును దర్యాప్తు చేస్తున్నారు.
ఇటీవల ముగిసిన ఐసీసీ ఛాంపియన్స్ ట్రోఫీలో భారత జ‌ట్టు విజేతగా నిలిచిన విష‌యం తెలిసిందే. సుదీర్ఘ కాలం తరువాత టైటిల్‌ ను కైవ‌సం చేసుకుంది. ఈటోర్నీలో ఒక్క మ్యాచ్ కూడా ఓడిపోకుండా ట్రోఫీ ద‌క్కించుకోవ‌డం గమనార్హం. ఈనెల 9న న్యూజిలాండ్‌తో జరిగిన ఫైన‌ల్లో భారత్ గెలిచి మూడోసారి టోర్నీ విజేతగా నిలిచింది. ఈ ఐసీసీ మెగా ఈవెంట్‌లో అద్భుత‌మైన ప్ర‌ద‌ర్శ‌న‌తో ఆక‌ట్టుకున్న భారత జ‌ట్టుకు తాజాగా బీసీసీఐ భారీ నజరానా ప్ర‌క‌టించింది. రూ. 58 కోట్ల న‌గ‌దు బ‌హుమ‌తి ప్ర‌క‌టించింది. ఆటగాళ్ల‌తో పాటు స్టాఫ్, సెలక్షన్ క‌మిటీకి ఈ న‌గ‌దు అంద‌జేయ‌నున్న‌ట్లు తెలిపింది. ఈ మేరకు బీసీసీఐ కీలక ప్ర‌క‌ట‌న విడుద‌ల చేసింది. ఇక ఐసీసీ ఛాంపియన్స్ ట్రోఫీ విజేతగా నిలిచినందుకు ఐసీసీ నుండి రూ. 19.50 కోట్లు ప్రైజ్‌మ‌నీగా ద‌క్కిన విష‌యం తెలిసిందే.
భద్రతా బలగాలకు మావోయిస్టులకు మధ్య జరిగిన కాల్పులతో ఛత్తీస్ ఘడ్ దండకారణ్యం భయావహంగా మారింది. వారి మధ్య జరిగిన ఎదురు కాల్పుల్లో పలువురు మావోయిస్టులు మృతి చెందారు. 18 మంది మరణించారని అధికారులు తెలిపారు. ఒక జవాను కూడా ఈ కాల్పుల్లో మృతి చెందారు. మావోయిస్టులకు ఈ ఎన్ కౌంటర్ లో భారీ నష్టం జరిగినట్లు పోలీసు వర్గాలు తెలిపాయి. ఘటనాస్థలి వద్ద భారీగా ఆయుధాలు, పేలుడు పదార్థాలు స్వాధీనం చేసుకున్నారు. బీజాపూర్ జిల్లాలోని గంగలూరు పరిధి అడవుల్లో భారీగా మావోయిస్టులు ఉన్నారనే సమాచారం అందించినట్లు దాంతో బలగాలను పంపినట్లు ఎస్పీ జితేంద్ర యాదవ్ తెలిపారు.
వైసీపీ సభ్యులు కొంత మంది దొంగల్లా సభకు వచ్చి సంతకాలు పెట్టి వెళ్తున్నారని అసెంబ్లీ స్పీకర్ అయ్యన్నపాత్రుడు చురకలంటించారు. ప్రజాస్వామ్యంలో అది సమంజసం కాదని దొంగల్లా వచ్చి సంతకాలు పెట్టాల్సిన అవసరమేంటి? మీరు ఎమ్మెల్యేలు, దర్జాగా రండని వారికి హితం పలికారు. రిజిస్టర్ లో సంతకాలు పెట్టి సభలో కనిపించడంలేదు. వైసీపీ సభ్యుల తీరు దురదృష్టకరమని అన్నారు. రిజిస్టర్ లో సంతకాలు చేసి సభలో కనిపించని ఏడుగురు వైసీపీ ఎమ్మెల్యేలు వై.బాలనాగిరెడ్డి, తాటిపర్తి చంద్రశేఖర్, రేగం మత్స్యలింగం, విరూపాక్షి, దాసరి సుధ, అమరనాధరెడ్డి, విశ్వేశ్వరరాజులు. ఓట్లేసిన ప్రజలకు ఇలా చేసి తలవంపులు తేవద్దని స్పీకర్ కోరారు.
ఆంధ్రప్రదేశ్ ప్రభుత్వంతో కలసి పనిచేయడం పై ప్రపంచ టెక్నాలజీ దిగ్గజం మైక్రోసాఫ్ట్ వ్యవస్థాపకుడు బిల్ గేట్స్ హార్షం వ్యక్తం చేశారు. తాజాగా జరిగిన ఒప్పందాలపై ఆయన ‘ఎక్స్’ లో పోస్ట్ చేశారు. రాష్ట్రంలో హెల్త్, అగ్రికల్చర్, ఎడ్యుకేషన్ సెక్టార్లలో నూతన ఆవిష్కరణలకు కృషి చేస్తామని వివరించారు. రానున్న కాలంలో మరిన్ని మెరుగైన సేవలు అందించాలని ఎదురుచూస్తున్నట్లు పేర్కొన్నారు. నిన్న దేశరాజధాని ఢిల్లీలో ఏపీ సీఎం చంద్రబాబు బిల్ గేట్స్ సమావేశమైన సంగతి తెలిసిందే. ఈసందర్భంగా పలు కీలక ఒప్పందాలు కుదుర్చుకున్నారు.
అమెరికా ప్రెసిడెంట్ డొనాల్డ్ ట్రంప్ రియల్ ఎస్టేట్ సంస్థ భారత్‌లో అడుగుపెడుతోంది. తన వ్యాపార కార్యకలాపాలను విస్తరించడంలో భాగంగా మొదటి ట్రంప్ బ్రాండెడ్ కమర్షియల్ రియల్ ఎస్టేట్ ప్రాజెక్టు భారత్ లోని పూణెలో కాలు మోపింది. భారత మార్కెట్లో గత కొన్ని దశాబ్దాలలో తన ప్రాధాన్యతను పెంచుకోవడానికి ట్రంప్ ఆర్గనైజేషన్ ప్రయత్నిస్తోంది. ట్రంప్ బ్రాండ్‌కి అతిపెద్ద రియల్ ఎస్టేట్ మార్కెట్‌గా నిలిచింది. ఈ క్రమంలో భారత్‌లోని ట్రిబెకా డెవలపర్స్‌ను పార్టనర్ గా చేసుకుంది. ట్రిబెకా డెవలపర్స్ గతంలో దేశంలోని నాలుగు నగరాల్లో రెసిడెన్ ప్రాజెక్టులను అభివృద్ధి చేసింది.
విశాఖ ఉక్కుపై కేంద్ర ప్రభుత్వానిది రెండు నాలుకల ధోరణి అని ఏపీసీసీ చీఫ్ షర్మిల విమర్శించారు. ఓవైపు ప్రైవేటీకరణ ప్రశ్నే లేదంటారు. మరోవైపు అమ్మే నిర్ణయంలో మార్పు లేదంటూ లిఖిత పూర్వక సమాధానం ఇస్తారని ఆక్షేపించారు. పైకి ఆంధ్రుల హక్కుకు గౌరవం ఉందంటూనే లోపల ప్లాంట్ అమ్మే కుట్రకు మోడీ గారు ఆజ్యం పోస్తూనే ఉన్నారని ఆరోపించారు . రూ.11 వేల కోట్ల ప్యాకేజీ ఇచ్చామంటూనే.. లోలోపల ప్లాంట్ ప్రాణం తీస్తున్నారని విశాఖ స్టీల్ పై మోడీ గారి ఫార్ములా “సైలెంట్ కిల్లింగ్”. అని సోషల్ మీడియా ‘ఎక్స్’ వేదికగా విమర్శలు గుప్పించారు. కూటమి ప్రభుత్వానిది పచ్చి మోసమని ప్లాంట్ ను ఉద్ధరించామని చెప్పినవన్నీ ఉత్త మాటలని మండిపడ్డారు . విశాఖ ఉక్కుపై ప్రైవేటీకరణ కత్తి ఇంకా వేలాడుతూనే ఉందని పేర్కొన్నారు. *మోదాని* కంపెనీకి అప్పనంగా కట్టబెట్టాలని చూస్తున్నారు. విశాఖ ఉక్కును చంపడంలో కర్త మోడీ గారు అయితే ఖర్మ, క్రియ…