Author: admin

మోహన్‌లాల్ ప్రధాన పాత్రలో పృథ్వీరాజ్ సుకుమారన్ దర్శకత్వం వహించిన ‘లూసిఫర్ 2: ఎంపురాన్’ చిత్రం భారీ అంచనాల మధ్య తెరకెక్కుతోంది. 2019లో విడుదలైన ‘లూసిఫర్’ సినిమాకు ఇది సీక్వెల్ కాగా, మొదటి భాగం ఘనవిజయం సాధించడంతో దీనిపై భారీ ఆసక్తి నెలకొంది. ఇప్పటికే విడుదలైన టీజర్, ట్రైలర్‌కు విశేషమైన స్పందన లభించగా, తాజాగా తెలుగు ట్రైలర్‌ను కూడా రిలీజ్ చేశారు. “మనిషి ప్రాణం కంటే ఏదీ విలువైంది కాదు” అనే డైలాగ్ ట్రైలర్‌లో ప్రత్యేక ఆకర్షణగా నిలిచింది. స్టీఫెన్ గట్టుపల్లి ఎవరు? ఒక సాధారణ ఎమ్మెల్యే అయిన అతనిని ముంబై మాఫియా సహా అంతర్జాతీయ ఏజెన్సీలు ఎందుకు భయపడుతున్నాయి? వంటి ప్రశ్నలకు ఈ సినిమాలో సమాధానం దొరకనుంది. మంజు వారియర్, టొవినో థామస్ సహా పలువురు కీలక పాత్రల్లో నటించారు. మార్చి 27న ఈ చిత్రం విడుదల కానుండగా, తెలుగులో దిల్ రాజు నిర్మాణ సంస్థ శ్రీ వెంకటేశ్వర క్రియేషన్స్ ఈ…

ఈరోజు సాయంత్రం మంగళగిరి లోని క్యాంప్ కార్యాలయంలో అమరావతి చిత్రకళ వీధి పోస్టర్ ను ఏపీ డిప్యూటీ సీఎం పవన్ కళ్యాణ్ ఆవిష్కరించారు. ఈ కార్యక్రమంలో ఏపీ క్రియేటివిటీ మరియు కల్చరల్ కమీషన్ చైర్మన్ శ్రీమతి తేజస్వి పొడపాటి, AP కల్చరల్ కమీషన్ సీఈఓ మల్లికార్జున్ పాల్గొన్నారు. ఈ కార్యక్రమాన్ని విజయవంతం చేయాలని పవన్ కళ్యాణ్ కోరారు. అమరావతి చిత్రకళ వీధి అనేది కళా ప్రదర్శన మాత్రమే కాదని రాష్ట్రంలోని అలాగే దేశవ్యాప్తంగా ఉన్న కళాకారుల యొక్క ప్రతిభ, తమ కళలను ప్రదర్శించే అవకాశం అని స్పష్టం చేశారు. ఎందరో ప్రతిభ ఉన్న కళాకారులు గుర్తింపు పొందలేకపోయారని అలాంటి వారందరికీ ఇది ఒక మంచి వేదికగా నిలుస్తుందని తెలిపారు. అమరావతి చిత్రకళా వీధి అనేది ఆంధ్రప్రదేశ్‌లోని కళాకారులకు ఒక మంచి వేదిక! అని తేజస్వీ పొడపాటి అన్నారు. పోస్టర్‌ను ఆవిష్కరించినందుకు డిప్యూటీ సీఎం పవన్ కు హృదయపూర్వక ధన్యవాదాలు తెలిపారు. ఈ…

టాలీవుడ్ మెగాస్టార్ చిరంజీవికి యూకే పార్లమెంటులో బ్రిడ్జ్ ఇండియా సంస్థ లైఫ్‌టైమ్ అచీవ్‌మెంట్ అవార్డుతో ఘన సన్మానం జరిపింది. ఈ పురస్కారం ద్వారా ఆయన సినీ పరిశ్రమకు, సామాజిక సేవా కార్యక్రమాలకు చేసిన కృషిని గౌరవించినట్లు పేర్కొంది.చిరంజీవికి అభినందనల వరద పారుతుండగా,తాజాగా ఆంధ్రప్రదేశ్ ముఖ్యమంత్రి చంద్రబాబు నాయుడు కూడా స్పందించారు. ఆయన ట్విట్టర్ ద్వారా చిరంజీవిని అభినందిస్తూ, “సాంస్కృతిక నాయకత్వం, ప్రజాసేవలో మీ సేవలు అద్భుతం. మానవతా దృక్పథంలో మీరు నిజమైన ఛాంపియన్” అని ప్రశంసించారు. చిరంజీవి ప్రభావం అనేకమందికి స్ఫూర్తిగా మారిందని ఆయన పేర్కొన్నారు. బ్రిటన్ చట్టసభ వేదికగా అందుకున్న ఈ గౌరవం భారతీయ చిత్రసీమకు గర్వకారణమని విశ్లేషకులు అభిప్రాయపడుతున్నారు.

తెలంగాణ రాష్ట్రంలో మే నెలలో జరగనున్న మిస్ వరల్డ్ పోటీలు రాష్ట్ర సంస్కృతిని ప్రతిబింబించేలా నిర్వహించనున్నట్లు పర్యాటక శాఖ కార్యదర్శి స్మితా సబర్వాల్ తెలిపారు.తెలంగాణకు 2,500 ఏళ్ల చరిత్ర ఉండడంతో పాటు,త్రిలింగ దేశంగా ప్రాచుర్యం పొందిందని ఆమె పేర్కొన్నారు.రామప్ప,వేయి స్తంభాల గుడి,చార్మినార్,గోల్కొండ కోట వంటి విశిష్టమైన కట్టడాలు రాష్ట్ర ప్రాచీనతను తెలియజేస్తాయని అన్నారు.మెడికల్ టూరిజంలో తెలంగాణకు విశేష ప్రాధాన్యత ఉందని,ఇది దేశవ్యాప్తంగా ప్రఖ్యాతి పొందిందని పేర్కొన్నారు.సినిమా,ఆహార రంగాల్లో రాష్ట్రం ప్రత్యేక గుర్తింపును కలిగి ఉందని వివరించారు.మిస్ వరల్డ్ పోటీల ద్వారా తెలంగాణ సంస్కృతి, సంప్రదాయాలను ప్రపంచానికి తెలియజేయాలనే లక్ష్యంతో ప్రత్యేక ఏర్పాట్లు చేస్తున్నామని తెలిపారు.ఈ పోటీలు గ్లోబల్ టూరిజాన్ని ఆకర్షించేలా ఉంటాయని ఆమె పేర్కొన్నారు.

ప్రముఖ నటుడు ప్రకాశ్ రాజ్‌పై బెట్టింగ్ యాప్ ప్రకటనలతో సంబంధం ఉందని వార్తలు రావడం కలకలం రేపింది.దీనిపై ఆయన స్వయంగా స్పందిస్తూ, ప్రస్తుతం తాను సినిమా షూటింగ్‌లో ఉన్నానని తెలిపారు.2016లో ఓ గేమింగ్ యాప్‌కు ప్రచారం చేసినప్పటికీ,అది ఇల్లీగల్‌గా మారిందని తెలిసిన వెంటనే కాంట్రాక్ట్‌ను రద్దు చేసుకున్నానని వివరణ ఇచ్చారు.2021లో ఆ యాప్‌ను వేరొకరు కొనుగోలు చేసి తన పాత ప్రకటనలను ఉపయోగించారని, దీనిపై లీగల్ నోటీసులు పంపించానని చెప్పారు.తనపై వచ్చిన ఆరోపణల్లో నిజం లేదని స్పష్టం చేస్తూ, పోలీసులు తనను ఎలాంటి విచారణకు పిలవలేదని తెలిపారు.యువత బెట్టింగ్ యాప్‌ల వలలో పడకుండా జాగ్రత్తగా ఉండాలని సూచించారు.

బీఆర్ఎస్ పార్టీ సిల్వర్ జూబ్లీ ఉత్సవాల ఏర్పాట్లపై పార్టీ వర్కింగ్ ప్రెసిడెంట్ కేటీఆర్ నేతృత్వంలో ఈ రోజు సన్నాహక సమావేశం జరిగింది.ఈ సందర్భంగా ఆయన పార్టీ నేతలు, కార్యకర్తలను ఉద్దేశించి ప్రసంగించారు.ఈ మేరకు ఆయన.మాట్లాడుతూ…తెలుగు గ‌డ్డ‌పై పుట్టి విజ‌య‌వంతంగా పాతికేళ్ల‌కు పైగా ఉన్న పార్టీలు రెండేన‌ని అన్నారు.అందులో ఒక‌టి టీడీపీ అయితే, రెండోది బీఆర్ఎస్ అని పేర్కొన్నారు.గతంలో తెలుగువారిని మద్రాసీలుగా పిలిచేవారని, ఎన్‌.టి.ఆర్. టీడీపీని స్థాపించి తెలుగువారి ఆత్మగౌరవాన్ని చాటి చెప్పారని గుర్తు చేశారు.అదే విధంగా, తెలంగాణ ప్రత్యేక గుర్తింపును ప్రపంచానికి తెలియజెప్పిన నేత కేసీఆర్ అని పేర్కొన్నారు. తెలంగాణ కోసం ప్రాణాలను పణంగా పెట్టి కేసీఆర్ బీఆర్ఎస్ పార్టీని స్థాపించారని, అది ప్రజల్లో బలమైన మద్దతు సంపాదించిందని తెలిపారు. బీఆర్ఎస్ పాలనలో రాష్ట్ర అభివృద్ధి సాధించిందని, ఈ విజయాలను ప్రజలకు తెలియజేయాల్సిన అవసరం ఉందన్నారు. రాబోయే ఎన్నికల్లో పార్టీ మరింత బలంగా ఎదగాలని ఆకాంక్షించారు. సిల్వర్ జూబ్లీ వేడుకలను ఘనంగా…

దేశీయ స్టాక్ మార్కెట్లు వరుసగా నాలుగో రోజు ట్రేడింగ్ ను లాభాలతో ముగించాయి. ముఖ్యంగా బ్యాంకింగ్, ఐటీ షేర్లు రాణించడంతో సూచీలు దూసుకెళ్లాయి. దేశీయంగా ఇన్వెస్టర్లు కొనుగోళ్లకు మొగ్గు చూపడం కూడా మార్కెట్ కు కలిసొచ్చింది. బాంబే స్టాక్ ఎక్స్ చేంజ్ సూచీ సెన్సెక్స్ 899 పాయింట్లు లాభంతో 76,348 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 283 పాయింట్లు లాభపడి 23,190 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.35గా కొనసాగుతోంది. టైటాన్, మహీంద్రా అండ్ మహీంద్రా, టీసీఎస్, హిందూస్థాన్ యూనీలివర్ షేర్లు లాభాలతో ముగిశాయి.

ఎన్నికల ప్రచారంలో, వర్గీకరణకు మేము కట్టుబడి ఉన్నామని చెప్పాం. ప్రజలు ఆశీర్వదించారు. చెప్పిన మాట ఈ రోజు నిలబెట్టుకుంటూ, వర్గీకరణ నిజం చేసి చూపించామని ఏపీ సీఎం చంద్రబాబు అన్నారు. నేడు ఆయన అసెంబ్లీలో మాట్లాడారు. బుడగ జంగాలని ఎస్సీలో చేర్చాలని ఒక తీర్మానం చేసి, కేంద్రానికి పంపిస్తామని స్పష్టం చేశారు. 2026లో వచ్చే సెన్సెస్ ప్రకారం, జిల్లా వారీగా వర్గీకరణ చేస్తామని వివరించారు. ఏడుగురు జడ్జిల సుప్రీం కోర్టు బెంచ్ వర్గీకరణకు అనుకూలంగా జడ్జిమెంట్ ఇచ్చిందని అది రాగానే ఆర్ ఆర్ మిశ్రా కమిషన్ వేసాం. వారు అందరితో చర్చించి, ప్రభుత్వానికి నివేదిక ఇచ్చారు. అందరికీ సామాజిక న్యాయం జరిగేలా, మూడు కేటగిరీల్లో వర్గీకరణ చేయాలని రిపోర్ట్ వచ్చిందని చెప్పారు . 1995లో సీఎం అయ్యాక ఎస్సీల పట్ల వివక్ష బాగా ఉండేది. అంటరానితనం నిషేధానికి జస్టిస్ పున్నయ్య కమిషన్‍ను మా హాయంలో వేశాం. అంటరానితనం రూపుమాపడానికి ఎన్నో జీవోలు…

అగ్ర కథానాయకుడు మెగాస్టార్ చిరంజీవి సినీరంగంలో చేసిన విశేష సేవలకు గుర్తింపుగా యూకే పార్లమెంట్‌లోని హౌస్‌ ఆఫ్‌ కామన్స్‌లో లైఫ్‌టైమ్ అచీవ్‌మెంట్ అవార్డును అందుకున్నాడు.‘బ్రిడ్జ్‌ ఇండియా’ సంస్థ ఈ పురస్కారాన్ని ఆయనకు ప్రదానం చేసింది. నాలుగున్నర దశాబ్దాలుగా సినీ రంగంతో పాటు సామాజిక సేవలోనూ కీలక పాత్ర పోషించినందుకు ఈ అవార్డు లభించింది. ఈ సందర్భంగా ట్విట్టర్‌లో స్పందించిన చిరంజీవి, ఈ గౌరవాన్ని మాటల్లో వివరించలేనని, తన హృదయం కృతజ్ఞతతో నిండిపోయిందని చెప్పారు. బ్రిటన్ పార్లమెంట్ సభ్యులు, మంత్రులు, ఉన్నతాధికారుల సమక్షంలో ఈ అవార్డు పొందడం గర్వకారణంగా భావిస్తున్నానని పేర్కొన్నారు. తన సినిమా, సామాజిక సేవా ప్రయాణాన్ని ముందుకు తీసుకెళ్లేందుకు ఇది మరింత ప్రేరణనిస్తుందని తెలిపారు. Heart filled with gratitude for the honour at the House of Commons – UK Parliament by so many Esteemed Members of Parliament , Ministers &…

వైసీపీ అధినేత మాజీ సీఎం వైఎస్ జగన్ పై ఏపీ మంత్రి పయ్యావుల కేశవ్ మండిపడ్డారు. నేడు ఆయన అసెంబ్లీలో మాట్లాడుతూ ప్రమాణస్వీకారం మీదనే పీపీఏల రద్దు అంటూ, మొత్తం ఎనర్జీ రంగాన్ని కుప్ప కూల్చిన వ్యక్తి జగన్, ఇప్పుడు రాష్ట్ర ప్రజలు ట్రూఅప్ చార్జీల భారంతో ఇబ్బంది పడుతున్నారు అంటే, నాటి జగన్ కక్ష పూరిత వైఖరే కారణం కాదా ? మీరా ఇండస్ట్రీలు గురించి మాట్లాడేది ? అని వైసీపీ తీరును ఎండగట్టారు. ఇక రైల్వే జోన్ కి భూమి కూడా ఇవ్వని వారు, ఈ రోజు ప్రధాని శంకుస్థాపన చేస్తే మా ఘనత అని చెప్పుకుని తిరుగుతున్న వైసీపీ వారికి దండం పెట్టాలని ఎద్దేవా చేశారు. సాఫ్ట్ వేర్ ఒక్కటే కాదు, అండర్ వేర్ కంపెనీలను కూడా రాష్ట్రం నుండి తరిమేసిన చరిత్ర వైసీపీదని విమర్శించారు.