ఏపీ మైనారిటీ శాఖ మంత్రి ఎన్ఎండీ ఫరూఖ్ కు సతీమణి కన్నుమూశారు. ఆయన భార్య షహనాజ్ హైదరాబాదులోని ఓ ప్రైవేటు ఆసుపత్రిలో చికిత్స పొందుతూ తుదిశ్వాస విడిచారు. ఈ నేపథ్యంలో, సీఎం చంద్రబాబు, డిప్యూటీ సీఎం పవన్ కల్యాణ్, మంత్రి నారా లోకేష్ తీవ్ర విచారం వ్యక్తం చేశారు. ఏపీ సీఎం చంద్రబాబు: రాష్ట్ర మంత్రి శ్రీ ఎన్ఎండీ ఫరూక్ సతీమణి శ్రీమతి షెహనాజ్‌ మరణించారని తెలిసి దిగ్భ్రాంతికి గురయ్యాను. గత కొంతకాలంగా అనారోగ్యంతో బాధపడుతున్న ఆమె మరణించడం ఆ కుటుంబానికి తీరని లోటు. ఆమె ఆత్మకు శాంతి కలగాలని భగవంతుడిని ప్రార్థిస్తున్నాను. ఈ క్లిష్ట సమయంలో గుండె నిబ్బరం తో ఉండాలని మంత్రి శ్రీ ఫరూక్ ను కోరుతున్నాను. ఏపీ డిప్యూటీ సీఎం పవన్ కళ్యాణ్: ఆంధ్రప్రదేశ్ న్యాయ మరియు మైనార్టీ శాఖ మంత్రి ఎన్ ఎం డి ఫరూక్ గారి సతీమణి శ్రీమతి షహనాజ్ గారు మరణ వార్త…
Author: admin
టాలీవుడ్ హీరోయిన్ సమంత తన ప్రతిభతో తెలుగుతో పాటు హిందీ,తమిళ సినీ పరిశ్రమల్లోనూ మంచి గుర్తింపు తెచ్చుకుంది.అయితే ఇటీవల ఆమె తెలుగులో సినిమాలు చేయకపోయినా,వెబ్ సిరీస్‌ల ద్వారా అభిమానులను అలరిస్తూనే ఉంది.తాజాగా ఓటీటీలో ఆమెకు ప్రతిష్టాత్మక ఉత్తమ నటి అవార్డు లభించింది.‘హనీ-బన్నీ’ వెబ్ సిరీస్‌లో అద్భుతమైన నటన కనబరిచినందుకు ఒక ప్రముఖ మీడియా సంస్థ ఆమెను ఈ పురస్కారంతో సత్కరించింది.ఈ అవార్డును అందుకోవడం తనకు గర్వకారణమని సమంత తెలిపారు.సిరీస్‌ను పూర్తి చేయడమే తనకు ఓ పెద్ద విజయమని,ఈ ప్రాజెక్ట్‌లో భాగమైన వారందరికీ ఈ అవార్డును అంకితం చేస్తున్నట్లు పేర్కొన్నారు.‘సిటాడెల్ హనీ-బన్నీ’ సిరీస్‌ను పూర్తి చేయడంలో దర్శక ద్వయం రాజ్ అండ్ డీకే, సహనటుడు వరుణ్ ధావన్ ఎంతో సహాయపడ్డారని, వారు చూపిన ఓపిక,మద్దతు వల్లే తన పనిని పూర్తిచేయగలిగానని సమంత కృతజ్ఞతలు తెలిపారు.
లండన్‌లోని హీత్రూ అంతర్జాతీయ విమానాశ్రయం విద్యుత్ అంతరాయం కారణంగా పూర్తిగా మూసివేయబడింది. పశ్చిమ లండన్‌లోని హేస్‌లో ఉన్న విద్యుత్ సబ్‌స్టేషన్‌లో భారీ అగ్నిప్రమాదం సంభవించడంతో, విమానాశ్రయానికి విద్యుత్ సరఫరా నిలిచిపోయింది. ఈ ఘటన ప్రభావంతో ప్రపంచవ్యాప్తంగా 1,300 కంటే ఎక్కువ విమానాలు రద్దు చేయబడ్డాయి. అనేక విమానాలను యూరోపియన్ ఇతర విమానాశ్రయాలకు దారి మళ్లించారు. భారతీయ విమానయాన సంస్థ ఎయిరిండియా కూడా హీత్రూ విమానాశ్రయం నుంచి మరియు వెళ్లే అన్ని విమాన సర్వీసులను రద్దు చేసింది. ముంబై నుంచి బయలుదేరిన AI129 విమానం తిరిగి ముంబైకి చేరుకుంది, ఢిల్లీ నుండి బయలుదేరిన AI161 విమానాన్ని జర్మనీలోని ఫ్రాంక్‌ఫర్ట్‌కు మళ్లించారు. అయితే, లండన్ గాట్విక్ ఎయిర్‌పోర్టుకు వెళ్లే ఎయిరిండియా విమాన సర్వీసులు యథావిధిగా కొనసాగుతున్నాయి. హీత్రూ విమానాశ్రయం అధికారులు ప్రయాణికులను సంబంధిత ఎయిర్‌లైన్స్‌తో సంప్రదించి, విమానాశ్రయానికి రాకుండా ఉండాలని సూచించారు. అధికారులు విద్యుత్ పునరుద్ధరణకు ప్రయత్నాలు చేస్తుండగా, కార్యకలాపాలు ఎప్పుడు పునరుద్ధరించబడతాయనే దానిపై…
పవర్ స్టార్ పవన్ కళ్యాణ్ ప్రధాన పాత్రలో క్రిష్/జ్యోతికృష్ణ దర్శకత్వంలో రూపొందుతున్న పీరియాడిక్ యాక్షన్ చిత్రం ‘హరిహర వీరమల్లు: స్వోర్డ్ ఆఫ్ స్పిరిట్’ మే 9న ప్రేక్షకుల ముందుకు రానుంది. మెగా సూర్య ప్రొడక్షన్ బ్యానర్‌పై ఏఎం రత్నం సమర్పణలో రూపొందుతున్న ఈ చిత్రంపై భారీ అంచనాలు నెలకొన్నాయి.తాజాగా, ఈ సినిమా డబ్బింగ్ పనులు ప్రారంభమైనట్లు మేకర్స్ అప్‌డేట్ ఇచ్చారు. “అసమాన హీరోయిజంను తెరపై చూసేందుకు కొన్నిరోజుల సమయం మాత్రమే ఉంది” అంటూ చిత్రబృందం పేర్కొంది. పవన్ కళ్యాణ్ సరసన నిధి అగర్వాల్ కథానాయికగా నటించగా,ఆస్కార్ విన్నింగ్ మ్యూజిక్ డైరెక్టర్ ఎంఎం కీరవాణి సంగీతం అందిస్తున్నారు.ఈ సినిమా టీజర్, పోస్టర్స్ ఇప్పటికే అభిమానులను ఆకట్టుకుంటుండగా, పవన్ కళ్యాణ్ ఫ్యాన్స్ భారీగా వేడుకలకు సిద్ధమవుతున్నారు.పీరియాడిక్ యాక్షన్ నేపథ్యంలో రూపొందిన ఈ చిత్రం పవన్‌కు మరో క్రేజీ ప్రాజెక్ట్‌గా నిలవనుంది.
ఏపీ సీఎం చంద్రబాబు నేడు కుటుంబ సమేతంగా తిరుమల శ్రీవారిని దర్శించుకున్నారు. ఈరోజు ఆయన మనుమడు నారా దేవాంశ్ పుట్టిన రోజు సందర్భంగా తిరుమల చేరుకుని స్వామి వారి దర్శనం చేసుకున్నారు. తిరుమల చేరుకున్న వారికి ఆలయ మహాద్వారం వద్ద టీటీడీ ఛైర్మన్ బీ.ఆర్.నాయుడు, అర్చకులు స్వాగతం పలికారు. దర్శనం తర్వాత వేదపండితులు రంగనాయకులు మండపంలో ఆశీర్వచనాలు అందించి స్వామి వారి చిత్రపటం, తీర్థ ప్రసాదాలు అందజేశారు. అనంతరం తరిగొండ వెంగమాంబ సత్రంలో దేవాంశ్ పేరుతో అన్నదానం చేశారు. చంద్రబాబు, కుటుంబ సభ్యులు ప్రసాదాలు వడ్డించారు.
ఈ సీజన్ ఐపీఎల్ లో రాజస్థాన్ రాయల్స్ ఆడనున్న మొదటి మూడు మ్యాచ్ లకు రియాన్ పరాగ్ కెప్టెన్ గా వ్యవహరించనున్నాడు. వేలి గాయంతో బాధపడుతున్న రెగ్యులర్ కెప్టెన్ సంజూ శాంసన్ కేవలం బ్యాటర్ గా ఆడతాడు. గాయం పూర్తిగా నయం అయినతరువాత అతను వికెట్ కీపింగ్ చేస్తాడు. ఇంపాక్ట్ ప్లేయర్ గా సంజూ బరిలోకి దిగే అవకాశం ఉంది. పూర్తి ఫిట్ నెస్ వచ్చాక కెప్టెన్ గా బాధ్యతలు తీసుకుంటాడు. మూడు నాలుగు మ్యాచ్ ల వరకు పూర్తి ఫిట్ నెస్ తో ఉండకపోవచ్చని రాజస్థాన్ రాయల్స్ ఇన్ స్టా గ్రామ్ లో పోస్ట్ చేసిన వీడియోలో తెలిపాడు. పరాగ్ కెప్టెన్ గా వ్యవహరించనున్నట్లు వివరించాడు.
ప్రతి వేసవి సీజన్ లోనూ భారత క్రికెట్ ప్రేమికులను ఉర్రూతలూగించే ఇండియన్ ప్రీమియర్ లీగ్ రేపు ప్రారంభం కానుంది. మార్చి 22 నుండి మే 25 వరకు ఐపీఎల్ 2025 సీజన్ అలరించనుంది. మొత్తం 74 మ్యాచులు 65 రోజులపాటు జరగనున్నాయి. తొలి మ్యాచ్ మార్చి 22న డిఫెండింగ్ ఛాంపియన్ కోల్ కతా నైటైడర్స్ రాయల్ ఛాలెంజర్స్ బెంగళూరు జట్ల మధ్య ఈడెన్ గార్డెన్స్ వేదికగా ప్రారంభం కానుంది. ఈ సీజన్ లో కూడా విశేషంగా ఆకట్టుకునేలా ప్రదర్శన ఇచ్చి సత్తా చాటాలని ఆయా ఫ్రాంచైజీలు, టీమ్ లు ఉవ్విళ్లూరుతున్నాయి. టీమ్ లకు మారిన ఆటగాళ్లు, కొత్తగా పగ్గాలు చేపట్టిన కెప్టెన్లతో మరింత కొత్తగా ఈ ఐపీఎల్ సీజన్ అభిమానులకు వినోదాన్ని అందించేందుకు రెడీ అయింది.
2030లో జరుగనున్న కామన్వెల్త్ గేమ్స్ కు భారత్ బిడ్ వేసింది. గుజరాత్ లో ఈ ప్రతిష్టాత్మక క్రీడలు నిర్వహించేందుకు బిడ్ వేసినట్లు క్రీడా మంత్రిత్వ శాఖ వర్గాలు తెలిపాయి. 2030 కామన్వెల్త్ గేమ్స్ కు సంబంధించి ఆసక్తి తెలిపేందుకు ఈనెల 31 వరకు గడువు ఉంది. ఈ పోటీలకు ఆతిథ్యం ఇచ్చేందుకు ఆసక్తి ఉందని తెలుపుతూ కామన్వెల్త్ ఫెడరేషన్ కు భారత ఒలింపిక్స్ సంఘం లేఖ రాసినట్లు తెలుస్తోంది. 2010లో భారత్ ఈ క్రీడలకు ఆతిథ్యం ఇచ్చింది.
వేసవి ఎండలతో అల్లాడుతున్న ఏపీ ప్రజలకు వాతావరణశాఖ చల్లని వార్త చెప్పింది. రేపటి నుండి మూడు రోజులపాటు రాష్ట్రంలోని పలు ప్రాంతాల్లో వర్షాలు పడతాయని తెలిపింది. తేలికపాటి నుండి ఓ మోస్తరు వర్షాలు కురిసే అవకాశం ఉందని పేర్కొంది. ఆ సమయంలో గంటకు 40 నుంచి 50 కిలోమీటర్ల వేగంతో గాలులు వీస్తాయని, పిడుగులు కూడా పడే అవకాశం ఉందని తెలిపింది. రాష్ట్రంలోని పలు ప్రాంతాల్లో ఉష్ణోగ్రతలు ఇప్పటికే 40 డిగ్రీలు దాటడంతో ప్రజలు ఎండవేడిమి కి తాళలేక పోతున్నారు. వర్షాలతో కాస్త ఉపశమనం పొందే అవకాశం ఉంది.
విజయవాడ ఏ కన్వెన్షన్‌లో ఎమ్మెల్యేలు, ఎమ్మెల్సీల సాంస్కృతిక కార్యక్రమాలకు ఏపీ సీఎం చంద్రబాబు హాజరయ్యారు. క్రీడలు, సాంస్కృతిక కార్యక్రమాల్లో ప్రతిభ కనబరిచిన సభ్యులకు అవార్డులు ప్రదానం చేశారు. అనంతరం సభ్యులను ఉద్దేశించి సీఎం చంద్రబాబు మాట్లాడారు. అసెంబ్లీలో మనం మాట్లాడే ప్రతి మాట రాష్ట్రం మొత్తం వింటుందని సభ్యులనుద్దేశించి అన్నారు. గతేడాది వరకు అసెంబ్లీ సమావేశాలు జరిగితే వారి బూతులు వినలేక ప్రజలు టీవీలు కట్టేసేవారు. కానీ ఇప్పుడు గర్వంగా చెప్తున్నా…కౌరవ సభ గౌరవ సభగా మారింది. ప్రజలకు కావాల్సింది సమస్యల పరిష్కారం. బూతులు తిడితే తిట్టిన వారికి ఆనందం కలిగిస్తాయి తప్ప, ప్రజలకు కాదని పేర్కొన్నారు. ప్రతిపక్షం, అధికార పక్షం అనేది ప్రజాసమస్యలపై పోరాడటానికి తప్ప వ్యక్తిగత విభేదాలు పెట్టుకోవడానికి కాదని పేర్కొన్నారు . ఒకప్పుడు సభ్యులంతా ఆప్యాయంగా పలకరించుకునేవాళ్లం. కానీ ఇప్పుడు రాష్ట్రంలో రాజకీయాలు కలుషితం అయ్యాయి. బద్దశత్రువులుగా మారారు. అసెంబ్లీ అనేది ప్రజలకు జవాబుదారీతనంగా ఉండాలి తప్ప…