Author: admin

యునైటెడ్ కింగ్ డం పార్లమెంట్ నుండి జీవిత సాఫల్య పురస్కారం అన్నయ్య చిరంజీవి కీర్తిని మరింత పెంచనుందని ఆయన సోదరుడు, ఏపీ డిప్యూటీ సీఎం పవన్ కళ్యాణ్ అన్నారు. చిరంజీవి తాజాగా ఈ పురస్కారాన్ని అందుకున్న నేపథ్యంలో శుభాకాంక్షలు తెలిపారు. సాధారణ మధ్యతరగతి ఎక్సైజ్ కానిస్టేబుల్ కొడుకుగా జీవితం మొదలుపెట్టి, స్వశక్తితో, కళామతల్లి దీవెనలతో, చిత్ర రంగంలో మెగాస్టార్ గా ఎదిగి, నాలుగున్నర దశాబ్దాలుగా ప్రపంచవ్యాప్తంగా అభిమానులను అలరిస్తూ, తన నటనతో ఉత్తమ నటుడిగా 9 ఫిలింఫేర్ అవార్డులు, 3 నంది అవార్డులు అందుకుని, నటనకు పర్యాయపదంగా నిలిచిన వ్యక్తి. ఆయన తమ్ముడిగా పుట్టినందుకు ఎప్పుడూ గర్విస్తూనే ఉంటానని పవన్ ఒక ప్రకటనలో పేర్కొన్నారు. ఒక అన్నయ్య గా కంటే ఒక తండ్రి సమానుడిగా భావిస్తానని తెలిపారు. తన జీవితానికి హీరో అన్నయ్య చిరంజీవిని కొనియాడారు . తన సేవా భావంతో చిరంజీవి చారిటబుల్ ట్రస్ట్ స్థాపించడం ద్వారా ఆపదలో ఉన్నవారికి…

రిటైర్మెంట్ నుండి పునరాగమనం చేసిన భారత ఫుట్ బాల్ దిగ్గజం సునీల్ ఛెత్రి రాణించడంతో మాల్దీవులపై జరిగిన ఫ్రెండ్లీ మ్యాచ్ లో భారత్ 3-0తో ఘనవిజయం సాధించింది. రాహుల్ బొకే 35వ నిమిషంలో చేసిన గోల్ తో ఆధిక్యంలోకి వెళ్లిన భారత్ 66వ నిమిషంలో లిస్టన్ కొలాకో చేసిన గోల్ తో 2-0తో రెట్టింపు ఆధిక్యంలోకి వెళ్లింది. 77వ నిమిషంలో లెజెండ్ సునీల్ ఛెత్రి గోల్ చేయడంతో 3-0తో నిలిచిన భారత్ ప్రత్యర్థికి ఎలాంటి అవకాశం ఇవ్వలేదు. 16 నెలల్లో భారత జట్టు అందుకున్న మొదటి విజయం ఇది. ఇక ప్రపంచ ర్యాంకింగ్స్ లో భారత్ 126వ స్థానంలో కొనసాగుతుండగా… మాల్దీవులు 162వ స్థానంలో ఉంది.

మరికొన్ని గంటల్లోనే ఐపీఎల్ 2025 ప్రారంభం కానున్న సంగతి తెలిసిందే. ఇక ఈసీజన్ లో ముంబై ఆడనున్న మొదటి మ్యాచ్ కు కెప్టెన్ గా సూర్య కుమార్ యాదవ్ వ్యవహారించనున్నాడు. ఆ జట్టు కెప్టెన్ హర్థిక్ పాండ్య గతేడాది జరిగిన ఐపీఎల్ లో స్లో ఓవరేట్ కారణంగా ఒక మ్యాచ్ నిషేధం ఉండడంతో సూర్య కెప్టెన్సీ చేయనున్నాడు. హార్థిక్ పై ఒక మ్యాచ్ నిషేధం గురించి బీసీసీఐ సమాచారం అందించినట్లు ముంబై కోచ్ మహేలా జయవర్ధనే తెలిపాడు. ప్రస్తుతం భారత టీ20 క్రికెట్ జట్టుకు సూర్య కుమార్ యాదవ్ కెప్టెన్ గా ఉన్న సంగతి తెలిసిందే.

మెగాస్టార్ చిరంజీవికి మరో ప్రతిష్టాత్మక అవార్డును అందుకున్నారు. సినీ రంగంలో నాలుగున్నర దశాబ్దాలుగా ఆయన అందిస్తున్న విశేష సేవలను గుర్తిస్తూ, యునైటెడ్ కింగ్‌డమ్ (యూకే) ప్రభుత్వం లైఫ్‌టైమ్ అచీవ్‌మెంట్ అవార్డు ప్రకటించిన సంగతి తెలిసిందే. ఈ అవార్డును తాజాగా ఆయనకు యూకే పార్లమెంట్‌లోని హౌస్ ఆఫ్ కామన్స్ వేదికగా ప్రదానం చేశారు. ఈ కార్యక్రమాన్ని బ్రిడ్జ్ ఇండియా సంస్థ నిర్వహించింది, లేబర్ పార్టీ ఎంపీ నవేందు మిశ్రా హోస్ట్‌గా వ్యవహరించారం. ఈ అవార్డుతో చిరంజీవి కళారంగం మరియు ప్రజాసేవలో చేసిన కృషికి మరో గుర్తింపు లభించింది. భారత్ నుండి ఈ గౌరవాన్ని పొందిన మొదటి వ్యక్తి కూడా చిరంజీవే. ఇది మెగాస్టార్ చిరంజీవి కెరీర్‌లో మరో మైలురాయిగా నిలిచింది. ఇంతకుముందు ఆయన 2024లో భారత ప్రభుత్వం అందించే రెండో అత్యున్నత పురస్కారం పద్మవిభూషణ్ అవార్డు అందుకున్నారు. గిన్నిస్ బుక్ వరల్డ్ రికార్డు, ఏయన్నార్ జాతీయ పురస్కారం, ఇంటర్నేషనల్ ఇండియన్ ఫిల్మ్ అకాడమీ…

రాజకీయ కార్యక్రమాలు కానీ, ఏ ఇతర కార్యక్రమాలైనా సరే పర్యావరణాన్ని, పరిసరాలను ధ్వంసం చేసేలాగా నిర్వహించకూడదు, వేడుకలు నిర్వహించిన వారు, తరవాత ఆ ప్రాంతాన్ని శుభ్రపరచి స్థానికులకు అందించడమే వారికి అందించే గౌరవంగా జనసేన భావిస్తుందని ఆపార్టీ అధినేత ఏపీ డిప్యూటీ సీఎం పవన్ కళ్యాణ్ అన్నారు. “పర్యావరణాన్ని పరిరక్షించే అభివృద్ధి ప్రస్థానం” జనసేన పార్టీ ప్రాథమిక సిద్ధాంతాలలో ముఖ్యమైన సిద్ధాంతమని పునరుద్ఘాటించారు. ఈ సిద్ధాంతాన్ని సమాజంలోనే కాకుండా, పార్టీ చేపట్టే ప్రతీ కార్యక్రమంలో అమలు చేస్తూ కార్యక్రమం నిర్వహించిన వెంటనే ఆ ప్రాంతాన్ని పరిశుభ్రపరిచే కార్యక్రమాలు చెప్పట్టడం ఎంతో ఆనందాన్నిస్తుందని పేర్కొన్నారు. మార్చి 14న జనసేన పార్టీ ఆవిర్భావ దినోత్సవం సందర్భంగా పిఠాపురం నియోజకవర్గం చిత్రాడ గ్రామంలో ఘనంగా జరిగిన జయకేతనం బహిరంగ సభ అనంతరం, సభా వేదికను, పరిసర ప్రాంతాలను పరిశుభ్రంగా తీర్చిదిద్దేందుకు కృషిచేసిన ప్రతీ ఒక్క జనసేన నాయకుడికి, జనసైనికులకు, పారిశుధ్య సిబ్బందికి హృదయపూర్వక ధన్యవాదాలు తెలిపారు.

ప్రధానమంత్రి నరేంద్ర మోడీ అధ్యక్షతన నేడు జరిగిన కేంద్ర కేబినెట్ సమావేశంలో పలు కీలక నిర్ణయాలు తీసుకున్నారు. అస్సాంలోని నామ్‌రూప్ వద్ద రూ.10,601 కోట్ల వ్యయంతో అమ్మోనియా-యూరియా ఉత్పత్తి ఫ్యాక్టరీ నిర్మించేందుకు కేంద్ర కేబినెట్ ఆమోదం. మహారాష్ట్రలో రూ.4,500.62 కోట్లతో 6 వరుసల గ్రీన్‌ఫీల్డ్ హైవే నిర్మించేందుకు కేబినెట్ ఆమోదం. దేశవ్యాప్తంగా పాడి పరిశ్రమ అభివృద్ధి కోసం రాష్ట్రీయ గోకుల్ మిషన్‌కు రూ.3,400 కోట్లు, పాల ఉత్పత్తుల అభివృద్ధి కార్యక్రమాలకు రూ.2,790 కోట్లు కేటాయింపు. రూ.2,000 కంటే తక్కువ విలువ కలిగిన యూపీఐ లావాదేవీలకు ఎటువంటి ఛార్జీలు లేకుండా, రూ.1,500 కోట్ల ఇన్సెంటివ్‌ ప్రభుత్వం అందజేస్తోంది.

కృష్ణా జిల్లా, మల్లవల్లి పారిశ్రామికవాడలో ఏర్పాటు చేసిన అశోక్ లేల్యాండ్ యూనిట్ ను విద్యా,ఐటీ శాఖ మంత్రి నారా లోకేష్ ప్రారంభించారు. దీనిద్వారా మొదటి విడతలో 600మంది, రెండవ విడతలో 1200మంది యువతకు ఉద్యోగ అవకాశాలు రానున్నట్లు తెలుస్తోంది. దేశంలోనే ఆటోమొబైల్ రంగంలో రెండో అతిపెద్ద వాహన తయారీ సంస్థగా పేరుపొందింది ”అశోక్ లేలాండ్ ప్లాంట్’. ఇక తన యువగళం పాదయాత్రలో, గన్నవరం వచ్చినప్పుడు, మల్లవల్లిలో అశోక్ లేలాండ్ ప్లాంట్ మళ్ళీ ప్రారంభిస్తామని హామీ ఇచ్చానని తెలిపిన లోకేష్, ఇప్పుడు నిలబెట్టుకున్నామని పేర్కొన్నారు. ఆంధ్రప్రదేశ్ రాష్ట్రానికి “బాబు” అనే బ్రాండ్ తో, అనేక పెట్టుబడులు వస్తున్నాయని చెప్పారు.మల్లవల్లి పారిశ్రామికవాడలోని 75 ఎకరాల్లో విస్తరించిన అశోక్ లేలాండ్ ప్లాంట్. ఫేజ్-1, 2లో ఏడాదికి 2,400 బస్సుల ఉత్పత్తి సామర్థ్యంతో పనిచేయనుంది.

వరుసగా మూడో రోజు దేశీయ స్టాక్ మార్కెట్లు ట్రేడింగ్ ను లాభాలతో ముగించాయి. దేశీయంగా కొనుగోళ్లకు మద్దతుతో సూచీలు లాభాల్లోకి దూసుకెళ్లాయి. బాంబే స్టాక్ ఎక్స్ చేంజ్ సూచీ సెన్సెక్స్ 147 పాయింట్లు లాభంతో 75,449 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 73 పాయింట్లు లాభపడి 22,907 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.33గా కొనసాగుతోంది. పవర్ గ్రిడ్ కార్పొరేషన్, జొమాటో, అల్ట్రా టెక్ సిమెంట్స్, ఇండస్ ఇండ్ బ్యాంక్ షేర్లు లాభాలతో ముగిశాయి.

చదువులోకి మతం తీసుకురావద్దని కులం, మతం, ప్రాంతానికి అతీతంగా పిల్లలను తయారు చేస్తున్నామని ఏపీ విద్యా శాఖ మంత్రి నారా లోకేష్ అన్నారు. కరిక్యులంలో రాజకీయాలు తీసుకురావద్దని, తప్పుడు ప్రచారాలు చేయొద్దని వైసీపీ వారిని హెచ్చరించారు. కొత్త విద్యావిధానాన్ని కాషాయికరణ చేశారని వైసీపీ ఎమ్మెల్సీ రవీంద్ర బాబు ఆరోపణపై లోకేష్ ధీటుగా బదులిచ్చారు. అసంబద్ధ ఆరోపణలు చేయొద్దని మండిపడ్డారు. జీవో 117 తీసుకొచ్చిన జగన్.. ప్రభుత్వ పాఠశాలలకు విద్యార్థులను దూరం చేశాడు.. మేము సంస్కరణలు ప్రారంభించాం.మీరు అధికారంలో ఉండగా పిల్లలకు ఇచ్చిన డిక్షనరీలో “GOD” అనే పదానికి అర్ధం ఏమి పెట్టారు ? మేము ఈ రోజు అన్ని మతాలు సమానం అని “GOD” అనే పదానికి అర్ధం ఇచ్చాం. ఈ రోజు మీరొచ్చి, మతాలను రెచ్చగొడుతూ, కాంట్రవర్సీ చేస్తున్నారని మండిపడ్డారు.

ఏపీ ముఖ్యమంత్రి నారా చంద్రబాబు ఢిల్లీ పర్యటనలో భాగంగా మైక్రోసాఫ్ట్ వ్యవస్థాపకుడు బిల్ గేట్స్‌తో భేటీ అయ్యారు.ఈ సమావేశం అద్భుతంగా సాగిందని చంద్రబాబు తన ట్విట్టర్ ద్వారా వెల్లడించారు. ఆంధ్రప్రదేశ్ అభివృద్ధి, ప్రజల సంక్షేమం కోసం గేట్స్ ఫౌండేషన్‌తో భాగస్వామ్యం ఎలా కొనసాగించాలి అనే అంశంపై విస్తృతంగా చర్చించారు.ఆరోగ్యం,విద్య, వ్యవసాయం, ఉపాధి రంగాల్లో ఆధునిక సాంకేతికతను ఎలా వినియోగించాలని దానిపై మాట్లాడినట్లు తెలిపారు. ఆర్టిఫిషియల్ ఇంటెలిజెన్స్, ప్రెడిక్టివ్ ఎనలిటిక్స్ వంటి సాంకేతికతలతో ప్రభుత్వ సేవలను మరింత మెరుగుపరిచే మార్గాలను అన్వేషిస్తున్నామని చెప్పారు.స్వర్ణాంధ్ర ప్రదేశ్-2047 విజన్‌ను సాకారం చేసేందుకు రాష్ట్ర ప్రభుత్వం కట్టుబడి ఉందని తెలిపారు.ప్రజల సాధికారత కోసం గేట్స్ ఫౌండేషన్‌తో భాగస్వామ్యం కీలకమని విశ్వసిస్తున్నామని పేర్కొన్నారు.రాష్ట్ర పురోగతి కోసం తమ సమయం,ఆలోచనలు,మద్దతు ఇస్తున్నందుకు బిల్ గేట్స్‌కు చంద్రబాబు ధన్యవాదాలు తెలిపారు.ఈ భేటీ ద్వారా రాష్ట్రానికి వినూత్న అవకాశాలు రాబోయే అవకాశముందని ప్రభుత్వ వర్గాలు తెలిపాయి. Had a wonderful meeting with…