Author: admin

నాగ్‌ అశ్విన్ దర్శకత్వంలో నాని, విజయ్‌ దేవరకొండ, మాళవిక నాయర్‌, రీతూ వర్మ ప్రధాన పాత్రల్లో తెరకెక్కిన చిత్రం ‘ఎవడే సుబ్రహ్మణ్యం’.ఈ సినిమాలో చెప్పిన విషయాలతో ప్రేక్షకులు ఇప్పుటికీ బాగా కనెక్ట్‌ అవుతారు.ఎందుకంటే అప్పటికి ఇప్పటికీ ప్రపంచం ఏమీ మారలేదు.మనం ఇంకా అదే లక్ష్యాల వైపు పరుగెడుతున్నామని అన్నారు.ఓరకంగా ఈ సబ్జెక్ట్‌కు ఇప్పుడు ఇంకా ప్రాధాన్యత పెరిగిందనుకుంటున్నా’ అన్నారు.ఈ చిత్రం విడుదలై పదేళ్లు పూర్తవుతున్న సందర్భంగా మార్చి 21న రీ-రిలీజ్ చేయనున్నట్లు ప్రకటించారు.ఈ తరం యువత కూడా ఈ సినిమా చూసి పాజిటివిటీ అలవర్చుకోవాలనే ఉద్దేశంతో రీరిలీజ్‌ చేస్తున్నామని తెలిపారు. నాగ్‌ అశ్విన్‌ ప్రస్తుతం ‘కల్కి’ సీక్వెల్‌ ప్రీ-ప్రొడక్షన్ పనుల్లో బిజీగా ఉన్నట్టు తెలిపారు.అలాగే భవిష్యత్తులో నానితో మరోసారి సినిమా చేయాలని ఉందని వెల్లడించారు.

తెలంగాణ ఉప ముఖ్యమంత్రి, ఆర్థిక మంత్రి భట్టి విక్రమార్క శుక్రవారం 2025-26 ఆర్థిక సంవత్సరానికి బడ్జెట్‌ను ప్రవేశపెట్టారు. మొత్తం రూ.3,04,965 కోట్లతో రూపుదిద్దుకున్న ఈ బడ్జెట్, కాంగ్రెస్ ప్రభుత్వం అధికారంలోకి వచ్చిన తర్వాత ప్రవేశపెట్టిన తొలి పూర్తిస్థాయి బడ్జెట్‌గా నిలిచింది.రాష్ట్ర ఆర్థిక వ్యవస్థను పునరుద్ధరించేందుకు చిత్తశుద్ధితో పనిచేస్తున్నామని ఆయన సభలో ప్రకటించారు.మెరుగైన వైద్యం, బలమైన విద్యా వ్యవస్థ, అన్నదాతల సంక్షేమం కోసం కీలక చర్యలు చేపట్టామని తెలిపారు. మహాత్మా గాంధీ సందేశాన్ని నడిమిట్టగా తీసుకుని ప్రజా ప్రయోజనాల కోసం ప్రభుత్వం అంకితభావంతో పని చేస్తోందని స్పష్టం చేశారు. ప్రజలకు జవాబుదారీతనం, సుస్థిర అభివృద్ధి, పారదర్శక పాలన అందించడంలో కాంగ్రెస్ ప్రభుత్వం విజయవంతమవుతుందని భట్టి విక్రమార్క వెల్లడించారు.

సుశాంత్‌ కథానాయకుడిగా ఓ మిస్టరీ థ్రిల్లర్‌ చిత్రం తెరకెక్కుతోంది.ఈ చిత్రానికి పృథ్వీరాజ్‌ చిట్టేటి దర్శకత్వం వహిస్తున్నాడు.వరుణ్‌కుమార్‌, రాజ్‌కుమార్‌ ఈ చిత్రాన్ని నిర్మిస్తున్నారు.అయితే ఈ సినిమా సుశాంత్ కెరీర్‌లో 10వ చిత్రం కావడం విశేషం.నిన్నఈ చిత్రానికి సంబంధించిన అనౌన్స్‌మెంట్‌ పోస్టర్‌ను విడుదల చేశారు.పోస్టర్‌లో రెండు విభిన్నమైన లుక్స్‌లో సుశాంత్‌ స్టైలిష్‌గా కనిపించడంతో సినిమాపై ఆసక్తి పెరిగింది. కారుచీకటి,గుడ్లగూబలు,రాబందులు, పుర్రెలతో కూడిన పోస్టర్‌ సినిమాకు మిస్టరీ థ్రిల్లర్‌ టచ్‌ ఇస్తోంది.పోస్టర్లో సీరియస్‌గా ఉన్న సుశాంత్‌ను చూస్తూ ఓ నల్ల పిల్లి ఉండటంతో సిని అభిమానుల్లో ఆసక్తి రేపుతోంది.

అరకు కాఫీకి మరింత విస్తృత స్థాయిలో ముందుకు తీసుకెళ్లడంలో చేయడంలో భాగంగా రాష్ట్ర ప్రభుత్వం అసెంబ్లీలో అందుబాటులోకి తెచ్చింది. గిరిజన సహకార సంస్థ (జీసీసీ) ఆధ్వర్యంలో అసెంబ్లీ లాబీల్లో మూడు స్టాళ్లను ఏర్పాటు చేశారు. మెయిన్ గేటు వద్ద ఏర్పాటు చేసిన స్టాల్ ను సీఎం చంద్రబాబు, డిప్యూటీ సీఎం పవన్ కళ్యాణ్ సమక్షంలో స్పీకర్ అయ్యన్నపాత్రుడు, ఉప శాసనసభాపతి రఘురామకృష్ణరాజు ప్రారంభించారు. అందులో చేసిన కాఫీని గిరిజన సంక్షేమ శాఖ మంత్రి గుమ్మిడి సంధ్యారాణి సీఎంకు అందజేశారు. ఆయన స్పీకర్, డిప్యూటీ స్పీకర్, డిప్యూటీ సీఎంల చేతికందించారు. సేంద్రియ కాఫీ పొడి అయినందున ప్రత్యేక రుచి వచ్చిందని నేతలు అభిప్రాయపడ్డారు. అరకు కాఫీకి అంతర్జాతీయ స్థాయిలో గుర్తింపు వచ్చిందని సీఎం అభిప్రాయపడ్డారు. ఇలాంటి ఉత్పత్తులను ఇంకా ప్రోత్సహించేందుకు చర్యలు తీసుకుంటున్నట్లు వివరించారు. పలువురు మంత్రులు ఎమ్మెల్యేలు పాల్గొన్నారు.

నాగ్‌పూర్‌లో చోటుచేసుకున్న హింసాత్మక ఘటనలు ముందస్తు ప్రణాళికతో జరిగినవేనని మహారాష్ట్ర ముఖ్యమంత్రి దేవేంద్ర ఫడ్నవీస్‌ ఆరోపించారు.ఔరంగజేబు సమాధిపై ఏర్పడిన వివాదానికి సంబంధించి ఇప్పటి వరకు 50 మందిని అదుపులోకి తీసుకున్నామని తెలిపారు. నగరంలోని పలు ప్రాంతాల్లో కర్ఫ్యూ కొనసాగుతుండగా,ప్రజలు సంయమనంగా ఉండాలని విజ్ఞప్తి చేశారు.ఛత్రపతి శంభాజీ మహారాజ్‌ చరిత్ర ఆధారంగా తెరకెక్కిన “ఛావా” సినిమా మొఘల్‌ చక్రవర్తి ఔరంగజేబ్‌పై ప్రజల్లో ఆగ్రహాన్ని పెంచిందని అన్నారు.ఈ ఘటనపై విపక్షాలు ప్రభుత్వం తీరుపై ఆగ్రహం వ్యక్తం చేస్తూ…ముఖ్యమైన సమస్యలపై దృష్టి పెట్టకుండా ప్రజల్లో అస్థిరత పెంచుతున్నారని విమర్శించాయి.మహారాష్ట్రలో పరిస్థితి మరింత ఉద్రిక్తత తలెత్తకుండా పోలీసులు కట్టుదిట్టమైన భద్రతా ఏర్పాట్లు చేపట్టారు.

గ్లోబల్‌ ఈ-కామర్స్‌ దిగ్గజం అమెజాన్‌ మరో 10,000 మంది ఉద్యోగులను తొలగించనున్నట్లు అధికారికంగా ప్రకటించింది.2023 డిసెంబర్ లో 18,000 మందిని తొలగించిన అమెజాన్‌, నిర్వహణ ఖర్చులు పెరగడం, ఆదాయం తగ్గిపోవడం వంటి కారణాలతో మరోసారి లే ఆఫ్‌లను ప్రకటించింది.ముఖ్యంగా రిటైల్‌ డివిజన్‌, హెచ్‌ఆర్‌ విభాగాల్లో ఉద్యోగుల తొలగింపులు జరుగనున్నాయి.అస్థిర ఆర్థిక పరిస్థితుల కారణంగా అమెజాన్‌ ఈ నిర్ణయం తీసుకున్నట్లు సమాచారం.వినియోగదారుల కొనుగోలు తీరు మారడంతో కంపెనీ నష్టాలను తగ్గించుకోవడానికి ఈ చర్యలకు పూనుకుందని తెలుస్తోంది.వరుసగా ఉద్యోగులను తొలగిస్తుండటంతో ఉద్యోగుల్లో ఆందోలన మొదలైంది.ఈ తాజా లే ఆఫ్‌లతో అమెజాన్‌లో పనిచేస్తున్న వేలాది మంది భవిష్యత్తుపై ఆందోళన వ్యక్తం చేస్తున్నారు.

గుజరాత్‌లోని అహ్మదాబాద్‌లో భారీగా బంగారం పట్టుబడింది.సోమవారం సాయంత్రం పల్దీ ప్రాంతంలోని ఆవిష్కార్ అపార్ట్‌మెంట్‌లో ఉన్న ఓ ఫ్లాట్‌పై అధికారులు దాడులు నిర్వహించగా,దాదాపు 90 కోట్ల రూపాయల బంగారం, ఆభరణాలు, నగదు లభ్యమయ్యాయి. ఈ కేసులో మేఘ షా, అతని తండ్రి మహేంద్ర షా నిందితులుగా గుర్తించారు.డీఆర్‌ఐ, ఏటీఎస్‌ అధికారులు ఫ్లాట్ వద్దకు చేరుకునేలోపే నిందితులు తాళం వేసి పరారయ్యారని తెలిపారు.అధికారుల దాడిలో 95.5 కిలోల బంగారం,రూ.60-70 లక్షల నగదుస్వాధీనం చేసుకున్నట్లు ఏటీఎస్ అధికారి ఎస్‌ఎల్ చౌదరీ వెల్లడించారు.అయితే అక్రమ బంగారం మూలాలను గుర్తించేందుకు దర్యాప్తు కొనసాగుతోంది.

ప్రపంచంలో మొట్టమొదటిసారిగా పూర్తిగా కృత్రిమ మేధ (ఏఐ) ద్వారా రూపొందించిన వార్తాపత్రికను ఓ ఇటాలియన్ వార్తా సంస్థ మంగళవారం విడుదల చేసింది.ఫాగియో పత్రిక డైరెక్టర్ కలాడియో సెరాసా తెలిపారు.ఒక నెలపాటు ప్రయోగాత్మకంగా పూర్తిగా ఏఐ టెక్నాలజీతో ఈ దినపత్రికను రూపొందించారు.నాలుగు పేజీల ఈ ఎడిషన్ మార్కెట్‌తో పాటు ఆన్‌లైన్‌లోనూ విడుదలైంది.భవిష్యత్తులో జర్నలిస్టుల పాత్ర పరిమితం కానుందని ఆయన అభిప్రాయపడ్డారు.కాగా పత్రికా పరిశ్రమలో ఏఐ వినియోగంపై ప్రపంచవ్యాప్తంగా చర్చ జరుగుతున్న సమయంలో ఇటాలియన్ సంస్థ చేసిన ఈ ప్రయోగం దృష్టిని ఆకర్షిస్తోంది.

మంగళగిరి శ్రీలక్ష్మీ నరసింహస్వామి దేవాలయం అభివృద్ధికి సంబంధించి అధికారులు రూపొందించిన మాస్టర్ ప్లాన్ పై ఉండవల్లి తన నివాసంలో మంత్రి నారా లోకేష్ సమీక్షించారు. ప్రముఖ దేవాలయాల తరహాలో శ్రీలక్ష్మీ నరసింహస్వామి దేవాలయాన్ని అభివృద్ధి చేస్తామని స్పష్టం చేశారు. రోడ్ల నిర్మాణం, వసతి, ఇతర సదుపాయాలు, పార్కింగ్ తదితర అంశాలపై అధికారులకు ఈ సందర్భంగా పలు సూచనలు చేశారు. ప్రశాంత వాతావరణంలో భక్తులు స్వామివారిని దర్శించుకోవాలని, అందుకు అనుగుణంగా మాస్టర్ ప్లాన్ ను తీర్చిదిద్దాలని ఆదేశించారు. ఇందుకు ఆలయ పండితులతో పాటు నిపుణుల సలహాలు తీసుకోవాలని సూచించారు.

అమెరికా వ్యోమగామి సునీతా విలియమ్స్ 9 నెలల తర్వాత అంతర్జాతీయ అంతరిక్ష కేంద్రం నుండి భూమికి విజయవంతంగా తిరిగి వచ్చారు.ఈ సందర్భంగా ఇస్రో చైర్మన్ వీ నారాయణన్ ఆమెకు హృదయపూర్వక స్వాగతం పలికారు.సునీతా సాధించిన విజయాన్ని అసాధారణ అచీవ్‌మెంట్‌గా పేర్కొన్నారు.అంతరిక్ష పరిశోధనలో సునీతా విలియమ్స్ అనుభవాన్ని వినియోగించుకోవాలని ఇస్రో భావిస్తోందని ఆయన తెలిపారు.ఆమె పట్టుదల ప్రపంచవ్యాప్తంగా ఉన్న అంతరిక్ష పరిశోధకులకు ప్రేరణగా నిలుస్తుందని పేర్కొన్నారు.ప్రధాని మోదీ నేతృత్వంలో అభివృద్ధి చెందుతున్న భారత అంతరిక్ష రంగానికి ఆమె అనుభవం ఎంతో ఉపయోగపడుతుందని అన్నారు.నాసా వ్యోమగాములు బుచ్ విల్మోర్,సునీతా విలియమ్స్‌తో పాటు మరో ఇద్దరు స్పేస్ఎక్స్ డ్రాగన్ క్యాప్సూల్‌లో భూమిపై సురక్షితంగా దిగారు. 🚀 Welcome back, Sunita Williams! 🌍Your safe return after an extended mission aboard the ISS is a remarkable achievement. A testament to NASA, SpaceX, and the USA’s commitment to…